17

ടെ​ക്‌​സ​സ്: 2022 ഫി​ഫ ലോ​ക​ക​പ്പി​ല്‍ ട്രെ​ന്‍​ഡിം​ഗ് ആ​യ​ത് മെ​സി​ക്കൊ​രു ക​പ്പ് എ​ന്നാ​യി​രു​ന്നെ​ങ്കി​ല്‍, 2026ല്‍ ​അ​തി​നു ചെ​റി​യൊ​രു മാ​റ്റം; സി​ആ​ര്‍7​ന് ഒ​രു ലോ​ക​ക​പ്പ്.

ഫു​ട്‌​ബോ​ള്‍ ലോ​കം ക​ണ്ട, ഏ​റ്റ​വും അ​ധ്വാ​ന​ശീ​ല​വും അ​ച്ച​ട​ക്ക​വു​മു​ള്ള ഇ​തി​ഹാ​സ​താ​രം ക്രി​സ്റ്റ്യാ​നോ റൊ​ണാ​ള്‍​ഡോ​യു​ടെ പോ​ര്‍​ച്ചു​ഗ​ല്‍ ഇ​ന്നു ക​ള​ത്തി​ല്‍. 2026 ഫി​ഫ ലോ​ക​ക​പ്പ് ഗ്രൂ​പ്പ് കെ​യി​ല്‍ ത​ങ്ങ​ളു​ടെ ആ​ദ്യമ​ത്സ​ര​ത്തി​ല്‍ കോം​ഗോ​യ്ക്ക് എ​തി​രേ​യാ​ണ് പോ​ര്‍​ച്ചു​ഗ​ല്‍ ഇ​റ​ങ്ങു​ന്ന​ത്. ഇ​ന്ത്യ​ന്‍ സ​മ​യം ഇ​ന്നു രാ​ത്രി 10.30നാ​ണ് കി​ക്കോ​ഫ്. സി​ആ​ര്‍7​ന്‍റെ തു​ട​ര്‍​ച്ച​യാ​യ ആ​റാം ഫി​ഫ ലോ​ക​ക​പ്പ്.

റോ​ബ​ര്‍​ട്ടോ മാ​ര്‍​ട്ടി​നെ​സി​ന്‍റെ ശി​ക്ഷ​ണ​ത്തി​ല്‍ ഇ​റ​ങ്ങു​ന്ന പോ​ര്‍​ച്ചു​ഗ​ല്‍, 2026 ലോ​ക​ക​പ്പി​ലെ കി​രീ​ടസാ​ധ്യ​ത​യി​ൽ ഹോ​ട്ട് ഫേ​വ​റി​റ്റ് സീ​റ്റി​ലു​ള്ള ടീ​മു​ക​ളി​ല്‍ ഒ​ന്നാ​ണ്. 2022 ലോ​ക​ക​പ്പി​ല്‍ റൊ​ണാ​ള്‍​ഡോ​യെ സൈ​ഡ് ബെ​ഞ്ചി​ല്‍ ഇ​രു​ത്തി​യ കാ​ഴ്ച അ​ദ്ദേ​ഹ​ത്തി​ന്‍റെ ആ​രാ​ധ​ക​ര്‍​ക്ക് ഇ​ന്നും വേ​ദ​നാ​ജ​ന​കം.

ഖ​ത്ത​ര്‍ ലോ​ക​ക​പ്പി​നു പി​ന്നാ​ലെ​യാ​യി​രു​ന്നു ക്രി​സ്റ്റ്യാ​നോ റൊ​ണാ​ള്‍​ഡോ ഇം​ഗ്ലീ​ഷ് ക്ല​ബ് മാ​ഞ്ച​സ്റ്റ​ര്‍ യു​ണൈ​റ്റ​ഡി​നോ​ട് വി​ട​പ​റ​ഞ്ഞ​തും സൗ​ദി പ്രൊ​ലീ​ഗ് ക്ല​ബ്ബാ​യ അ​ല്‍ ന​സ​ര്‍ എ​ഫ്‌​സി​യി​ല്‍ ചേ​ക്കേ​റി​യ​തും. അ​ല്‍ ന​സ​റി​ല്‍ എ​ത്തി​യ​ശേ​ഷം ആ​ദ്യ​മാ​യി സൂ​പ്പ​ര്‍ ലീ​ഗ് നേ​ടി​യാ​ണ് സി​ആ​ര്‍7 ലോ​ക​ക​പ്പ് വേ​ദി​യി​ലെ​ത്തു​ന്ന​തെ​ന്ന​തും ശ്ര​ദ്ധേ​യം.

രാ​ജ്യാ​ന്ത​ര ഫു​ട്‌​ബോ​ളി​ല്‍ ഏ​റ്റ​വും കൂ​ടു​ത​ല്‍ മ​ത്സ​രം, ഏ​റ്റ​വും കൂ​ടു​ത​ല്‍ ഗോ​ള്‍, പ്ര​ഫ​ഷ​ണ​ല്‍ മ​ത്സ​ര​ങ്ങ​ളി​ല്‍ ഏ​റ്റ​വും കൂ​ടു​ത​ല്‍ ഗോ​ള്‍ തു​ട​ങ്ങി​യ റി​ക്കാ​ര്‍​ഡു​കാ​ര​നാ​യ റൊ​ണാ​ള്‍​ഡോ​യ്ക്ക് ഒ​രു ലോ​ക​ക​പ്പ് നേ​ട്ടം പ​റ​യാ​നി​ല്ലെ​ങ്കി​ല്‍ കാ​വ്യ​നീ​തി​യി​ലെ വി​ശ്വാ​സം ഇ​ല്ലാ​താ​കും...

ഇം​ഗ്ല​ണ്ട് x ക്രൊ​യേ​ഷ്യ

2026 ഫി​ഫ ലോ​ക​ക​പ്പി​ലെ ആ​ദ്യ തീ​പ്പൊ​രി പോ​രാ​ട്ടം, ഗ്രൂ​പ്പ് ജെ​യി​ല്‍ ഹാ​രി കെ​യ്ന്‍ ന​യി​ക്കു​ന്ന ഇം​ഗ്ല​ണ്ടും ലൂ​ക്ക മോ​ഡ്രി​ച്ചി​ന്‍റെ ക്രൊ​യേ​ഷ്യ​യും ത​മ്മി​ല്‍. ഇ​ന്ത്യ​ന്‍ സ​മ​യം വ്യാ​ഴാ​ഴ്ച പു​ല​ര്‍​ച്ചെ 1.30നാ​ണ് ഈ ​സൂ​പ്പ​ര്‍ ക്ലാ​ഷ്.

ഗ്രൂ​പ്പ് എ​യി​ലെ മ​റ്റൊ​രു പോ​രാ​ട്ട​ത്തി​ല്‍ ഘാ​ന​യും പാ​ന​മ​യും ഏ​റ്റു​മു​ട്ടും. വ്യാ​ഴം പു​ല​ര്‍​ച്ചെ 4.30നാ​ണ് ഘാ​ന​യും പാ​ന​മ​യും കൊ​മ്പു​കോ​ര്‍​ക്കു​ന്ന​ത്. തു​ട​ര്‍​ന്ന് വ്യാ​ഴം രാ​വി​ലെ 7.30ന് ​ഉ​സ്ബ​ക്കി​സ്ഥാ​നും കൊ​ളം​ബി​യ​യും മു​ഖാ​മു​ഖം ഇ​റ​ങ്ങും. അ​തോ​ടെ ഗ്രൂ​പ്പ് ഘ​ട്ട​ത്തി​ലെ ആ​ദ്യ റൗ​ണ്ട് പൂ​ര്‍​ത്തി​യാ​കും. തു​ട​ര്‍​ന്ന് വ്യാ​ഴം രാ​ത്രി 9.30 മു​ത​ല്‍ ര​ണ്ടാം റൗ​ണ്ട് പോ​രാ​ട്ടാ​രം​ഭം.

Tags : Portugal England FIFA World Cup Football Cristiano Ronaldo