x
ad
Thu, 19 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

സ​മ​ത്വ​സ്വ​പ്നം പി​റ​ന്ന പ​തി​നെ​ട്ടാം പ​ടി

ജോ​സ് ആ​ൻ​ഡ്രൂ​സ്
Published: November 15, 2026 03:01 AM IST | Updated: November 15, 2026 06:50 AM IST

സ​ഞ്ചാ​രി​ക​ൾ വാ​ഷിം​ഗ്ട​ണി​ലെ ലി​ങ്ക​ൺ പ്ര​തി​മ​യ്ക്കു മു​ന്നി​ൽ​നി​ന്നു ഫോ​ട്ടോ​യെ​ടു​ക്കു​ന്നു. എ​തി​ർ​വ​ശ​ത്ത് അ​മേ​രി​ക്ക​യു​ടെ പാ​ർ​ല​മെ​ന്‍റാ​യ കാ​പി​റ്റോ​ൾ ഹി​ൽ​സ്. പ​ക്ഷേ, മി​ക്ക​വ​രും അ​റി​യു​ന്നി​ല്ല ര​ണ്ടി​നും മ​ധ്യേ, മി​ല്യ​ൺ ഡോ​ള​ർ ച​രി​ത്ര​മൂ​ല്യ​മു​ള്ള പ​ട​വു​ക​ളി​ലാ​ണ് ത​ങ്ങ​ൾ നി​ൽ​ക്കു​ന്ന​തെ​ന്ന്. ഇ​വി​ടെ​വ​ച്ചാ​ണ് വി​ശ്വ​വി​ഖ്യാ​ത പ്ര​സം​ഗം "ഐ ​ഹാ​വ് എ ​ഡ്രീം' മാ​ർ​ട്ടി​ൻ ലൂ​ഥ​ർ കിം​ഗ് ജൂ​ണി​യ​ർ ന​ട​ത്തി​യ​ത്. യ​ഥാ​ർ​ഥ​ത്തി​ൽ അ​ദ്ദേ​ഹം എ​ഴു​തി​ക്കൊ​ണ്ടു വ​ന്നു പ്ര​സം​ഗി​ച്ച​ത് അ​താ​യി​രു​ന്നി​ല്ല. പെട്ടെന്ന് ഒ​രു ക​റു​ത്ത പാ​ട്ടു​കാ​രി ഇ​ട​പെ​ടു​ക​യാ​യി​രു​ന്നു. അ​തേ ക​ൽ​പ്പ​ട​വു​ക​ളി​ൽ​നി​ന്നാ​ണ് ഈ ​യാ​ത്രാ​ക്കു​റി​പ്പ്.

ഒ​ക്‌​ടോ​ബ​റാ​ണ്. നോ​ർ​ത്ത് ക​രൊ​ളൈ​ന​യി​ൽ​നി​ന്നു വാ​ഷിം​ഗ്ട​ൺ ഡി​സി​യി​ലേ​ക്കു​ള്ള യാ​ത്ര​യി​ൽ കാ​ണാം, ശ​ര​ത്കാ​ല​ത്തെ വ​ര​വേ​ൽ​ക്കാ​ൻ മു​ന്നി​ലി​റ​ങ്ങി​യ മേ​പ്പി​ൾ മ​ര​ങ്ങ​ൾ ചു​വ​ന്നു​തു​ട​ങ്ങി​യി​രി​ക്കു​ന്നു. അ​മേ​രി​ക്ക​യു​ടെ ത​ല​സ്ഥാ​ന​ത്തെ ലി​ങ്ക​ൺ സ്മാ​ര​ക​ത്തി​ലെ​ത്തി​യ​പ്പോ​ൾ മൂ​ന്നു​മ​ണി. 19 അ​ടി ഉ​യ​ര​മു​ണ്ട് മ​ഹാ​നാ​യ പ്ര​സി​ഡ​ന്‍റി​ന്‍റെ മാ​ർ​ബി​ൾ ശി​ൽ​പ്പ​ത്തി​ന്.

അ​വി​ടെ​നി​ന്നു നോ​ക്കി​യാ​ൽ 555 അ​ടി ഉ​യ​ര​മു​ള്ള വാ​ഷിം​ഗ്ട​ൺ സ്മാ​ര​ക​ഗോ​പു​ര​വും അ​തി​നു​മ​പ്പു​റ​ത്ത് പാ​ർ​ല​മെ​ന്‍റാ​യ കാ​പി​റ്റോ​ൾ ഹി​ൽ​സും കാ​ണാം. ആ​ളു​ക​ൾ അ​വ​യു​ടെ ഫോ​ട്ടോ​യെ​ടു​ക്കു​ന്ന തി​ര​ക്കി​ലാ​ണ്. പ​ക്ഷേ, മി​ക്ക​വ​രും അ​റി​യു​ന്നി​ല്ല ര​ണ്ടി​നും മ​ധ്യേ, മി​ല്യ​ൺ ഡോ​ള​ർ ച​രി​ത്ര​മൂ​ല്യ​മു​ള്ള പ​ട​വു​ക​ളി​ലാ​ണ് ത​ങ്ങ​ൾ നി​ൽ​ക്കു​ന്ന​തെ​ന്ന്. ലി​ങ്ക​ൺ സ്മാ​ര​ക​ത്തി​ൽ​നി​ന്നു താ​ഴേ​ക്കു​ള്ള 18-ാമ​ത്തെ പ​ടി​യി​ൽ തൊ​ട്ടാ​ൽ കേ​ൾ​ക്കാം, ലോ​ക​ച​രി​ത്ര​ത്തി​ലെ ഏ​റ്റ​വും മ​ഹ​ത്താ​യ പ്ര​സം​ഗ​ങ്ങ​ളി​ലൊ​ന്നി​ന്‍റെ പ്ര​ക​ന്പ​നം.

“ഐ ​ഹാ​വ് എ ​ഡ്രീം!” ഈ ​പ​ടി​യി​ൽ നി​ന്നാ​ണ് 1963 ഓ​ഗ​സ്റ്റ് 28ന് ​മാ​ർ​ട്ടി​ൻ ലൂ​ഥ​ർ കിം​ഗ് ജൂ​ണി​യ​ർ പ്ര​സം​ഗി​ച്ച​ത്. വ​ർ​ണ​വെ​റി​യു​ടെ വെ​ള്ള​യ​ടി​ച്ച ലോ​ക​ത്തെ, അ​മേ​രി​ക്ക​ൻ മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ മാ​ർ​ട്ടി​ൻ ലൂ​ഥ​ർ കിം​ഗ് അ​ഹിം​സ​യു​ടെ വാ​ക്കു​ക​ൾ​കൊ​ണ്ട് വി​ചാ​ര​ണ ചെ​യ്ത പ​ട​വു​ക​ൾ. വെ​ളു​ത്ത അ​മേ​രി​ക്ക വി​ള​റി​പ്പോ​യി. തൊ​ട്ട​ടു​ത്ത വ​ർ​ഷം അ​താ​യ​ത് 1964ൽ ​പൗ​രാ​വ​കാ​ശ നി​യ​മ​വും 1965ൽ ​വോ​ട്ട​വ​കാ​ശ നി​യ​മ​വും പാ​സാ​ക്കാ​ൻ ഭ​ര​ണ​കൂ​ടം നി​ർ​ബ​ന്ധി​ത​മാ​യി. പൊ​തു​സ്ഥ​ല​ങ്ങ​ളി​ലെ വ​ർ​ണ​വി​വേ​ച​നം നി​യ​മം മൂ​ലം നി​രോ​ധി​ച്ചു. പ​ക്ഷേ, അ​ഞ്ചു വ​ർ​ഷം; 1968 ഏ​പ്രി​ൽ നാ​ലി​ന്, ഒ​രൊ​റ്റ പ്ര​സം​ഗ​ത്താ​ൽ ന​ഗ്ന​രാ​ക്ക​പ്പെ​ട്ട വ​ർ​ണ​വെ​റി​യ​ന്മാ​രി​ലൊ​രാ​ൾ ടെ​ന്ന​സി​യി​ൽ​വ​ച്ച് മാ​ർ​ട്ടി​നെ വെ​ടി​വ​ച്ചു കൊ​ന്നു.

അ​മേ​രി​ക്ക​യു​ടെ ഏ​റ്റ​വും പൂ​ജ്യ​മാ​യ ഇ​ട​മാ​ണ് ത​ല​സ്ഥാ​ന​മാ​യ വാ​ഷിം​ഗ്ട​ൺ ഡി​സി​യി​ലെ ലി​ങ്ക​ൺ സ്മാ​ര​കം. ഇ​തി​നും കാ​പി​റ്റോ​ൾ ഹി​ൽ​സി​നും ഇ​ട​യി​ലു​ള്ള പാ​ർ​ക്കാ​ണ് നാ​ഷ​ണ​ൽ മാ​ൾ. അ​മേ​രി​ക്ക​യു​ടെ മു​റ്റം എ​ന്ന​റി​യ​പ്പെ​ടു​ന്ന ഇ​വി​ടെ​യാ​ണ് പ്ര​സി​ഡ​ന്‍റി​ന്‍റെ സ്ഥാ​നാ​രോ​ഹ​ണ ച​ട​ങ്ങു​ക​ൾ, ദേ​ശീ​യ പൊ​തു​യോ​ഗ​ങ്ങ​ൾ, വ​ൻ പ്ര​തി​ഷേ​ധ​ങ്ങ​ൾ, സാം​സ്കാ​രി​കോ​ത്സ​വ​ങ്ങ​ൾ തു​ട​ങ്ങി​യ​വ ന​ട​ക്കു​ന്ന​ത്. പ്ര​സി​ഡ​ന്‍റി​ന്‍റെ ഔ​ദ്യോ​ഗി​ക വ​സ​തി​യാ​യ വൈ​റ്റ് ഹൗ​സി​ലേ​ക്ക് ര​ണ്ടു കി​ലോ​മീ​റ്റ​റേ​യു​ള്ളു. ന​ഗ​ര​ത്തി​ൽ ഡേ ​ടൂ​ർ ന​ട​ത്തു​ന്ന ബ​സു​ക​ൾ ലി​ങ്ക​ൺ സ്മാ​ര​ക​ത്തി​ൽ സ​ഞ്ചാ​രി​ക​ളെ ഇ​റ​ക്കി​യും ക​യ​റ്റി​യും വ​ന്നു​പോ​കു​ന്നു.

പ്ര​സം​ഗി​ക്കു​ന്ന ചു​വ​രു​ക​ൾ 

അ​മേ​രി​ക്ക​യു​ടെ 16-ാമ​തു പ്ര​സി​ഡ​ന്‍റാ​യി​രു​ന്ന ഏ​ബ്ര​ഹാം ലി​ങ്ക​ണു​മാ​യി ചേ​ർ​ത്ത​ല്ലാ​തെ മാ​ർ​ട്ടി​ൻ ലൂ​ഥ​ർ കിം​ഗി​നെ​യോ "എ​നി​ക്കൊ​രു സ്വ​പ്ന​മു​ണ്ട്' എ​ന്ന അ​ദ്ദേ​ഹ​ത്തി​ന്‍റെ പ്ര​സം​ഗ​ത്തെ​യോ തൊ​ടാ​നാ​കി​ല്ല. ഈ ​സ്മാ​ര​ക​ത്തി​നു​ള്ളി​ൽ 1922ൽ ​സ്ഥാ​പി​ച്ച, എ​ബ്ര​ഹാം ലി​ങ്ക​ൺ ഒ​രു ക​സേ​ര​യി​ൽ ഇ​രി​ക്കു​ന്ന കൂ​റ്റ​ൻ മാ​ർ​ബി​ൾ പ്ര​തി​മ ഡാ​നി​യ​ൽ ചെ​സ്റ്റ​ർ ഫ്ര​ഞ്ച് എ​ന്ന അ​മേ​രി​ക്ക​ൻ ശി​ല്പി​യാ​ണ് രൂ​പ​ക​ൽ​പ​ന ചെ​യ്ത​ത്.

അ​ന്നു​ണ്ടാ​യി​രു​ന്ന 36 സം​സ്ഥാ​ന​ങ്ങ​ളെ പ്ര​തി​നി​ധീ​ക​രി​ച്ച് 36 വ​ലി​യ തൂ​ണു​ക​ളു​ണ്ട്. ആ ​സം​സ്ഥാ​ന​ങ്ങ​ളു​ടെ പേ​രു​ക​ൾ സ്മാ​ര​ക​ത്തി​നു പു​റ​ത്ത് മു​ക​ളി​ലാ​യി രേ​ഖ​പ്പെ​ടു​ത്തി​യി​ട്ടു​മു​ണ്ട്. ഉ​ൾ​ച്ചു​വ​രു​ക​ളി​ൽ ലി​ങ്ക​ന്‍റെ വി​ഖ്യാ​ത​മാ​യ "ഗെ​റ്റി​സ്ബ​ർ​ഗ് പ്ര​സം​ഗ​വും' ര​ണ്ടാ​മ​ത് അ​ധി​കാ​ര​മേ​റ്റ​പ്പോ​ഴു​ള​ള പ്ര​സം​ഗ​വും കൊ​ത്തി​വ​ച്ചി​ട്ടു​ണ്ട്. 1863 ന​വം​ബ​ർ 19ന് ​പെ​ൻ​സി​ൽ​വാ​നി​യ​യി​ലെ ഗെ​റ്റി​സ്ബ​ർ​ഗി​ൽ ന​ട​ത്തി​യ ച​രി​ത്ര​പ്ര​സി​ദ്ധ​മാ​യ ചെ​റി​യ പ്ര​സം​ഗ​ത്തി​ലാ​ണ്, ജ​നാ​ധി​പ​ത്യ​ത്തി​ന്‍റെ ഉ​ജ്വ​ല​മാ​യ നി​ർ​വ​ച​നം അ​ദ്ദേ​ഹം ന​ൽ​കി​യ​ത്. ""ജ​ന​ങ്ങ​ൾ​ക്കു​വേ​ണ്ടി, ജ​ന​ങ്ങ​ൾ ന​ട​ത്തു​ന്ന, ജ​ന​ങ്ങ​ളു​ടെ ഭ​ര​ണം.''

അ​ടി​മ​ക​ളു​ടെ വി​മോ​ച​ന​ത്തി​നാ​യി അ​ദ്ദേ​ഹം ത​ലേ​വ​ർ​ഷം പ്ര​ഖ്യാ​പി​ച്ച വി​മോ​ച​ന പ്ര​ഖ്യാ​പ​നം (Emancipation Proclamation) നി​ല​വി​ൽ​വ​ന്ന​തും 1863ലാ​യി​രു​ന്നു. ജ​നു​വ​രി ഒ​ന്നി​ന്. ഏ​ബ്ര​ഹാം ലി​ങ്ക​ൺ വി​മോ​ച​ന പ്ര​ഖ്യാ​പ​ന​ത്തി​ൽ ഒ​പ്പു​വ​ച്ച​തി​ന്‍റെ നൂ​റാം വാ​ർ​ഷി​ക​ത്തി​ലാ​ണ്, ലി​ങ്ക​ൺ പ്ര​തി​മ​യ്ക്കു മു​ന്നി​ൽ നി​ന്നു​കൊ​ണ്ട്, 100 വ​ർ​ഷ​ങ്ങ​ൾ​ക്കു ശേ​ഷ​വും ക​റു​ത്ത​വ​ർ സ്വ​ത​ന്ത്ര​ര​ല്ല എ​ന്നു പ​റ​ഞ്ഞു​കൊ​ണ്ട്, "നോ​ർ​മ​ൽ​സി, നെ​വ​ർ എ​ഗെ​യ്ൻ' എ​ന്ന എ​ഴു​തി ത​യാ​റാ​ക്കി​യ പ്ര​സം​ഗം തു​ട​ങ്ങി​യ​ത്. "ഐ ​ഹാ​വ് എ ​ഡ്രീം' എ​ന്നാ​യി​രു​ന്നി​ല്ല ആ ​പ്ര​സം​ഗ​ത്തി​ന്‍റെ ത​ല​ക്കെ​ട്ട്. പി​ന്നെ​ന്തു സം​ഭ​വി​ച്ചു?

ഇ​പ്പോ​ൾ സ​മ​യം മൂ​ന്ന​ര. നേ​രി​യ ചാ​റ്റ​ൽ മ​ഴ​യി​ലും ലി​ങ്ക​ൺ സ്മാ​ര​ക​ത്തി​ന്‍റെ പ​ട​വു​ക​ളി​ൽ യാ​ത്രി​ക​രു​ണ്ട്. 63 വ​ർ​ഷം മു​ന്പ് ഏ​താ​ണ്ട് ഇ​തേ സ​മ​യ​ത്താ​ണ്, ആ​ഫ്രി​ക്ക​ൻ-​അ​മേ​രി​ക്ക​ൻ വം​ശ​ജ​രു​ടെ പൗ​രാ​വ​കാ​ശ​ങ്ങ​ൾ​ക്കും സാ​മ്പ​ത്തി​ക നീ​തി​ക്കും വേ​ണ്ടി ന​ട​ത്തി​യ വാ​ഷിം​ഗ്ട​ൺ മാ​ർ​ച്ചി​ൽ പ​ങ്കെ​ടു​ത്ത 2.5 ല​ക്ഷം മ​നു​ഷ്യ​രെ സാ​ക്ഷി​യാ​ക്കി മാ​ർ​ട്ടി​ൻ ലൂ​ഥ​ർ കിം​ഗ് പ്ര​സം​ഗി​ച്ച​ത്. "നോ​ർ​മ​ൽ​സി, നെ​വ​ർ എ​ഗെ​യ്ൻ' എ​ന്ന പ്ര​സം​ഗം അ​ദ്ദേ​ഹം നോ​ക്കി വാ​യി​ക്കു​ക​യാ​യി​രു​ന്നു.

അ​തി​ന്‍റെ ചു​രു​ക്കം ഇ​ങ്ങ​നെ: ""സ്വാ​ത​ന്ത്ര്യ പ്ര​ഖ്യാ​പ​ന​ത്തി​നു നൂ​റു വ​ർ​ഷ​ങ്ങ​ൾ​ക്ക് ശേ​ഷ​വും, ഭൗ​തി​ക സ​മൃ​ദ്ധി​യു​ടെ മ​ഹാ​സ​മു​ദ്ര​ത്തി​നി​ട​യി​ൽ ദാ​രി​ദ്ര്യ​ത്തി​ന്‍റെ ഏ​കാ​ന്ത​മാ​യ ഒ​രു ദ്വീ​പി​ലാ​ണ് നീ​ഗ്രോ (വം​ശീ​യ​മെ​ന്ന​തി​നാ​ൽ അ​ടി​മ​ച​രി​ത്ര​ത്തെ ഓ​ർ​മി​പ്പി​ക്കു​ന്ന നീ​ഗ്രോ എ​ന്ന പ​ദം 2016ൽ ​അ​മേ​രി​ക്ക​യി​ൽ നി​രോ​ധി​ച്ചു) ജീ​വി​ക്കു​ന്ന​ത്. ന​മ്മു​ടെ റി​പ്പ​ബ്ലി​ക്കി​ന്‍റെ ശി​ല്പി​ക​ൾ ഭ​ര​ണ​ഘ​ട​ന​യു​ടെ​യും സ്വാ​ത​ന്ത്ര്യ പ്ര​ഖ്യാ​പ​ന​ത്തി​ന്‍റെ​യും മ​ഹ​ത്താ​യ വാ​ക്കു​ക​ൾ എ​ഴു​തി​യ​പ്പോ​ൾ, അ​വ​ർ എ​ല്ലാ അ​മേ​രി​ക്ക​ക്കാ​രും അ​വ​കാ​ശി​ക​ളാ​കേ​ണ്ട ഒ​രു പ്രോ​മി​സ​റി നോ​ട്ടി​ൽ ഒ​പ്പി​ടു​ക​യാ​യി​രു​ന്നു.

പ​ക്ഷേ, ഈ ​പ​വി​ത്ര​മാ​യ ക​ട​മ നി​റ​വേ​റ്റു​ന്ന​തി​നു​പ​ക​രം, അ​മേ​രി​ക്ക നീ​ഗ്രോ ജ​ന​ത​യ്ക്ക് ഒ​രു മോ​ശം ചെ​ക്ക് ന​ൽ​കി, ഫ​ണ്ടി​ന്‍റെ അ​ഭാ​വ​ത്താ​ൽ തി​രി​ച്ചെ​ത്തി​യ ഒ​രു ചെ​ക്ക്. ഈ ​രാ​ജ്യ​ത്തി​ന്‍റെ അ​വ​സ​ര​ങ്ങ​ളു​ടെ വ​ലി​യ ഖ​ജ​നാ​വു​ക​ളി​ൽ ആ​വ​ശ്യ​ത്തി​ന് ഫ​ണ്ടി​ല്ലെ​ന്ന് വി​ശ്വ​സി​ക്കാ​ൻ ഞ​ങ്ങ​ൾ വി​സ​മ്മ​തി​ക്കു​ന്നു. അ​തി​നാ​ൽ ഈ ​ചെ​ക്ക് പ​ണ​മാ​ക്കി മാ​റ്റാ​ൻ ഞ​ങ്ങ​ൾ എ​ത്തി​യി​രി​ക്കു​ന്നു. നീ​ഗ്രോ​യു​ടെ അ​സം​തൃ​പ്തി​യു​ടെ ഈ ​ചു​ട്ടു​പൊ​ള്ളു​ന്ന ഗ്രീ​ഷ്മം സ്വാ​ത​ന്ത്ര്യ​ത്തി​ന്‍റെ​യും സ​മ​ത്വ​ത്തി​ന്‍റെ​യും ഊ​ർ​ജ​സ്വ​ല​മാ​യ ഒ​രു ശ​ര​ത്കാ​ലം വ​രു​ന്ന​തു​വ​രെ ക​ട​ന്നു​പോ​കി​ല്ല. പ​ക്ഷേ, ക​യ്പി​ന്‍റെ​യും വെ​റു​പ്പി​ന്‍റെ​യും പാ​ന​പാ​ത്ര​ത്തി​ൽ​നി​ന്ന് കു​ടി​ച്ച്, സ്വാ​ത​ന്ത്ര്യ​ത്തി​നാ​യു​ള്ള ന​മ്മു​ടെ ദാ​ഹം ശ​മി​പ്പി​ക്കാ​ൻ ശ്ര​മി​ക്ക​രു​ത്.

ഞ​ങ്ങ​ൾ തൃ​പ്ത​ര​ല്ല, നീ​തി വെ​ള്ളം പോ​ലെ​യും ശ​ക്ത​മാ​യ അ​രു​വി പോ​ലെ​യും ഒ​ഴു​കു​ന്ന​തു​വ​രെ ഞ​ങ്ങ​ൾ തൃ​പ്ത​രാ​കി​ല്ല. മി​സി​സി​പ്പി​യി​ലേ​ക്ക് മ​ട​ങ്ങു​ക, അ​ല​ബാ​മ​യി​ലേ​ക്ക് മ​ട​ങ്ങു​ക, സൗ​ത്ത് ക​രൊ​ളൈ​ന​യി​ലേ​ക്ക് മ​ട​ങ്ങു​ക, ജോ​ർ​ജി​യ​യി​ലേ​ക്ക് മ​ട​ങ്ങു​ക, ലു​യി​സി​യാ​ന​യി​ലേ​ക്ക് മ​ട​ങ്ങു​ക, ന​മ്മു​ടെ വ​ട​ക്ക​ൻ ന​ഗ​ര​ങ്ങ​ളി​ലെ ചേ​രി​ക​ളി​ലേ​ക്കു മ​ട​ങ്ങു​ക, എ​ങ്ങ​നെ​യെ​ങ്കി​ലും ഈ ​സാ​ഹ​ച​ര്യം മാ​റ്റാ​ൻ ക​ഴി​യു​മെ​ന്നും മാ​റ്റ​പ്പെ​ടു​മെ​ന്നും അ​റി​ഞ്ഞു​കൊ​ണ്ട്. നി​രാ​ശ​യു​ടെ താ​ഴ്‌​വ​ര​യി​ൽ നാം ​ത​ള​ര​രു​ത്...''

സ്വ​പ്നം പി​റ​ക്കു​ന്നു

പ്ര​സം​ഗം അ​വ​സാ​നി​ക്കു​ക​യാ​യി​രു​ന്നു. പ​ക്ഷേ, ഒ​രു വ​ശ​ത്ത് അ​ൽ​പം പി​ന്നി​ലാ​യി ഒ​രു ശ​ബ്‌​ദ​മു​യ​ർ​ന്നു. ""മാ​ർ​ട്ടി​ൻ, അ​വ​ർ​ക്ക് ആ ​സ്വ​പ്ന​ത്തെ​ക്കു​റി​ച്ച് പ​റ​ഞ്ഞു​കൊ​ടു​ക്കൂ!''​പ്ര​ശ​സ്ത സു​വി​ശേ​ഷ ഗാ​യി​ക മ​ഹാ​ലി​യ ജാ​ക്സ​ൺ ആ​വേ​ശ​ത്തോ​ടെ വി​ളി​ച്ചു​പ​റ​ഞ്ഞു. ജ​നം ഇ​ള​കി. പെ​ട്ടെ​ന്ന് മാ​ർ​ട്ടി​ൻ, എ​ഴു​തി​ക്കൊ​ണ്ടു​വ​ന്ന പ്ര​സം​ഗ​ത്തി​ന്‍റെ ക​ട​ലാ​സു​ക​ൾ മാ​റ്റി​വ​ച്ചു.

""ഐ ​ഹാ​വ് എ ​ഡ്രീം..''
അ​ന്നോ​ളം അ​മേ​രി​ക്ക ക​ണ്ട ഏ​റ്റ​വും വ​ലി​യ ശ്രോ​താ​ക്ക​ളു​ടെ കൂ​ട്ട​ത്തെ സാ​ക്ഷി​യാ​ക്കി ലോ​ക​ത്തെ ഇ​ന്നും ത്ര​സി​പ്പി​ച്ചു​കൊ​ണ്ടി​രി​ക്കു​ന്ന ആ ​പ്ര​സം​ഗം പി​റ​ന്നു. മു​ന്പ് ചി​ല​യി​ട​ങ്ങ​ളി​ൽ ത​നി​ക്കൊ​രു സ്വ​പ്ന​മു​ണ്ടെ​ന്നു മാ​ർ​ട്ടി​ൻ പ്ര​സം​ഗി​ക്കു​ന്ന​ത് മ​ഹാ​ലി​യ കേ​ട്ടി​ട്ടു​ണ്ട്. അ​തി​ന്‍റെ ശ​ക്തി അ​വ​ർ തി​രി​ച്ച​റി​ഞ്ഞി​രു​ന്നു. അ​തി​നി​താ മാ​ർ​ട്ടി​ൻ പു​തി​യൊ​രു രൂ​പ​വും ഭാ​വ​വും കൊ​ടു​ക്കു​ന്നു.

"" നി​റ​ത്തി​ന്‍റെ പേ​രി​ല​ല്ലാ​തെ, സ്വ​ന്തം ചെ​യ്തി​ക​ളു​ടെ പേ​രി​ൽ​മാ​ത്രം മ​നു​ഷ്യ​ർ വി​ല​യി​രു​ത്ത​പ്പെ​ടു​ന്ന രാ​ജ്യ​ത്ത് എ​ന്‍റെ നാ​ലു മ​ക്ക​ളും ജീ​വി​ക്കു​ന്ന ദി​ന​ത്തെ​ക്കു​റി​ച്ച് എ​നി​ക്ക് ഒ​രു സ്വ​പ്ന​മു​ണ്ട്. ഒ​രു​നാ​ൾ ജോ​ർ​ജി​യ​യി​ലെ ചു​വ​ന്ന മ​ല​ക​ൾ​ക്കു മു​ക​ളി​ൽ ഇ​ന്ന​ത്തെ അ​ടി​മ​ക​ളു​ടെ​യും ഉ​ട​മ​ക​ളു​ടെ​യും അ​ടു​ത്ത ത​ല​മു​റ, സാ​ഹോ​ദ​ര്യ​ഭാ​വ​ത്തോ​ടെ ഒ​രു മേ​ശ​യ്ക്ക് ചു​റ്റു​മി​രു​ന്ന്‌ അ​ത്താ​ഴ​മു​ണ്ണു​ന്ന ആ ​ദി​ന​ത്തെ​ക്കു​റി​ച്ച് എ​നി​ക്കൊ​രു സ്വ​പ്ന​മു​ണ്ട്. ന്യൂ ​ഹാം​ഷെ​യ​റി​ലെ സ​മു​ന്ന​ത​മാ​യ കു​ന്നി​ൻ​പു​റ​ങ്ങ​ളി​ൽ​നി​ന്ന് സ്വാ​ത​ന്ത്ര്യ​ത്തി​ന്‍റെ മ​ണി മു​ഴ​ങ്ങ​ട്ടെ.

ന്യൂ​യോ​ർ​ക്കി​ലെ ക​രു​ത്തു​റ്റ പ​ർ​വ​ത​ങ്ങ​ളി​ൽ​നി​ന്ന്, പെ​ൻ​സി​ൽ​വാ​നി​യ​യു​ടെ പ്രാ​ന്ത​ങ്ങ​ളി​ൽ​നി​ന്ന്, കൊ​ള​റാ​ഡോ​യി​ലെ മ​ഞ്ഞു​തൊ​പ്പി​യ​ണി​ഞ്ഞ റോ​ക്കി പ​ർ​വ​ത​നി​ര​ക​ളി​ൽ​നി​ന്ന്, ക​ലി​ഫോ​ർ​ണി​യ​യി​ലെ കു​ന്നി​ൻ​ചെ​രി​വു​ക​ളി​ൽ​നി​ന്ന്, ജോ​ർ​ജി​യ​യി​ലെ കൂ​റ്റ​ൻ പാ​റ​ക്കെ​ട്ടു​ക​ളി​ൽ​നി​ന്ന്, ടെ​ന്ന​സി​യി​ലെ എ​ല്ലാ​വ​രും തേ​ടു​ന്ന മ​ല​മു​ക​ളി​ൽ​നി​ന്ന്, മി​സി​സി​പ്പി​യി​ലെ ചെ​റു​തും വ​ലു​തു​മാ​യ മ​ല​ക​ളി​ൽ​നി​ന്ന് സ്വാ​ത​ന്ത്ര്യ​ത്തി​ന്‍റെ മ​ണി മു​ഴ​ങ്ങ​ട്ടെ. അ​ന്ന്, ദൈ​വ​മ​ക്ക​ളാ​യ ക​റു​ത്ത​വ​ർ​ക്കും വെ​ളു​ത്ത​വ​ർ​ക്കും, ജൂ​ത​ർ​ക്കും ഇ​ത​ര​മ​ത​സ്ഥ​ർ​ക്കും ക​ത്തോ​ലി​ക്ക​ർ​ക്കും പ്രൊ​ട്ട​സ്റ്റ​ന്‍റു​ക​ൾ​ക്കും കൈ​കോ​ർ​ത്തു​നി​ന്ന് ആ ​പ​ഴ​യ നീ​ഗ്രോ​ഗാ​ന​ത്തി​ന്‍റെ ആ​ത്മീ​യ ഭാ​വം ഉ​ൾ​ക്കൊ​ണ്ട് പാ​ടാ​ൻ ക​ഴി​യും. ‘Free at last, free at last,Thank God Almighty, we are free at last.’ -ഒ​ടു​വി​ൽ ഞ​ങ്ങ​ൾ സ്വ​ത​ന്ത്ര​രാ​യി​രി​ക്കു​ന്നു. സ​ർ​വ​ശ​ക്ത​നാ​യ ദൈ​വ​മേ ന​ന്ദി! ഒ​ടു​വി​ൽ ഞ​ങ്ങ​ൾ സ്വ​ത​ന്ത്ര​രാ​യി​രി​ക്കു​ന്നു എ​ന്ന്.''

പ്ര​സം​ഗം അ​മേ​രി​ക്ക​ൻ ഭ​ര​ണ​കൂ​ട​ത്തെ പു​തി​യ തീ​രു​മാ​ന​ങ്ങ​ളെ​ടു​ക്കാ​ൻ പ്രേ​രി​പ്പ​ച്ചു. ര​ണ്ടു വ​ർ​ഷ​ത്തി​ന​കം പൗ​രാ​വ​കാ​ശ നി​യ​മ​വും വോ​ട്ട​വ​കാ​ശ നി​യ​മ​വും പാ​സാ​ക്കി. പ​ക്ഷേ, പൂ​ർ​ണ​സ്വാ​ത​ന്ത്ര്യ​ത്തി​ന്‍റെ​യും തു​ല്യ​ത​യു​ടെ​യും മ​ണി മു​ഴ​ങ്ങി​യി​ല്ല. പ​ക​രം, 1968 ഏ​പ്രി​ൽ 4, ടെ​ന്ന​സി​യി​ലെ മ​ല​നി​ര​ക​ളി​ൽ​നി​ന്ന് ഒ​രു തോ​ക്കി​ന്‍റെ മ​ര​ണ​മ​ണി ലോ​ക​മാ​കെ മു​ഴ​ങ്ങി.

അ​തി​ന് 20 വ​ർ​ഷം മു​ന്പ് അ​ഹിം​സ​യു​ടെ പ്ര​വാ​ച​ക​നാ​യ ഗാ​ന്ധി​ജി​യെ ഹി​ന്ദു​ത്വ​വ​ർ​ഗീ​യ​വാ​ദി​യാ​യ ന​ഥു​റാം ഗോ​ഡ്സെ വെ​ടി​വ​ച്ചു​കൊ​ന്ന​തി​ന്‍റെ ഓ​ർ​മ​യു​ണ​ർ​ത്തു​ന്ന വെ​ടി​യൊ​ച്ച. ഒ​രു തൊ​ഴി​ലാ​ളി സ​മ​ര​ത്തി​നു പി​ന്തു​ണ ന​ൽ​കാ​നെ​ത്തി​യ അ​ദ്ദേ​ഹ​ത്തെ, മെം​ഫി​സി​ലു​ള്ള ലോ​റൈ​ൻ മൊ​ട്ടേ​ലി​ന്‍റെ ബാ​ൽ​ക്ക​ണി​യി​ൽ നി​ൽ​ക്ക​വേ എ​തി​ർ​വ​ശ​ത്തെ കെ​ട്ടി​ട​ത്തി​ൽ​നി​ന്ന് വെ​ടി​വ​യ്ക്കു​ക​യാ​യി​രു​ന്നു. ടെ​ന്ന​സി​യി​ലെ ഗോ​ഡ്സെ​യു​ടെ പേ​ര് ജ​യിം​സ് ഏ​ൾ റേ. ​വ​ർ​ണ​വെ​റി​യ​നും വം​ശീ​യ​വാ​ദി​യു​മാ​യി​രു​ന്നു.

വാ​ഷിം​ഗ്ട​ണു മു​ക​ളി​ൽ മ​ഴ ക​ന​ത്തു. 18-ാം പ​ടി​യെ​യും ന​ന​ച്ച് ജ​ലം ഒ​രു സ്വ​പ്നം ബാ​ക്കി​യു​ണ്ടെ​ന്ന വ്യ​ഥ​യി​ൽ ക​ണ്ണീ​ർ തെ​ളി​മ​യോ​ടെ ലി​ങ്ക​ൺ സ്മാ​ര​കം പ്ര​തി​ഫ​ലി​ക്കു​ന്ന കു​ള​ത്തി​ലേ​ക്ക് ഒ​ഴു​കി. പോ​ട്ടോ​മാ​ക് ന​ദി​ക്കു കു​റു​കെ​യു​ള്ള പാ​ല​ത്തി​ലൂ​ടെ നീ​ങ്ങി​യ കാ​റി​നു മു​ന്നി​ൽ വൈ​റ്റ് ഹൗ​സ് പ്ര​ത്യ​ക്ഷ​പ്പെ​ട്ടു. ഫോ​ർ​ഡ് തീ​യ​റ്റ​റും സ​മീ​പ​ത്താ​ണ്. വ​ർ​ഷം 1865 ഏ​പ്രി​ൽ 15. ഫോ​ർ​ഡി​ലെ സ്ഥി​രം ന​ട​നും അ​ടി​മ​ത്തം നി​രോ​ധി​ച്ച​തി​ൽ ദുഃ​ഖി​ത​നു​മാ​യി​രു​ന്ന ജോ​ൺ വി​ൽ​ക്സ് ബൂ​ത്ത്, നാ​ട​കം ക​ണ്ടു​കൊ​ണ്ടി​രു​ന്ന ലി​ങ്ക​ണെ വെ​ടി​വ​യ്ക്കു​ക​യാ​യി​രു​ന്നു.

501 ഓ​ബ​ൺ സ്ട്രീ​റ്റ്

വാ​ഷിം​ഗ്ട​ണി​ൽ​നി​ന്ന് ദി​വ​സ​ങ്ങ​ൾ​ക്കു​ശേ​ഷ​മാ​ണ് അ​റ്റ​ലാ​ന്‍റ​യി​ലെ​ത്തി​യ​ത്. അ​വി​ടെ സ്വീ​റ്റ് 501 ഓ​ബ​ണി​ലെ ഇ​രു​നി​ല വീ​ട്ടി​ലാ​ണ് 1929 ജ​നു​വ​രി 15ന് ​മാ​ർ​ട്ടി​ൻ ലൂ​ഥ​ർ കിം​ഗ് ജൂ​നി​യ​ർ ജ​നി​ച്ച​ത്. ര​ണ്ടു മ​ണി​ക്കൂ​ർ കാ​ത്തി​രി​ക്കേ​ണ്ടി​വ​ന്നു പാ​സെ​ടു​ത്ത് വീ​ട്ടി​നു​ള്ളി​ൽ ക​യ​റാ​ൻ. ല​ളി​ത​വും ച​രി​ത്ര​മു​റ​ങ്ങു​ന്ന​തു​മാ​യ ആ ​വീ​ട്ടി​ൽ​നി​ന്നു വി​ളി​പ്പാ​ട​ക​ലെ​യാ​ണ് കിം​ഗും അ​ദ്ദേ​ഹ​ത്തി​ന്‍റെ പി​താ​വ് മാ​ർ​ട്ടി​ൻ ലൂ​ഥ​ർ കിം​ഗ് സീ​നി​യ​റും പാ​സ്റ്റ​ർ​മാ​രാ​യി സേ​വ​ന​മ​നു​ഷ്ഠി​ച്ച എ​ബ​നേ​സ​ർ ബാ​പ്റ്റി​സ്റ്റ് പ​ള്ളി.

അ​വി​ടെ​യാ​യി​രു​ന്നു അ​ദ്ദേ​ഹ​ത്തി​ന്‍റെ സം​സ്കാ​രം. ഓ​ബ​ൺ തെ​രു​വി​ലെ പ​ല വീ​ടു​ക​ളും വെ​ള്ള​ക്കാ​രു​ടേ​താ​യി​രു​ന്നു. 1900ക​ളു​ടെ തു​ട​ക്ക​ത്തി​ൽ വ​ർ​ണ​വി​വേ​ച​ന നി​യ​മ​ങ്ങ​ൾ ക​ർ​ശ​ന​മാ​കു​ക​യും സം​ഘ​ർ​ഷ​ങ്ങ​ൾ ഉ​ണ്ടാ​കു​ക​യും ചെ​യ്ത​തോ​ടെ വെ​ള്ള​ക്കാ​ർ പ്ര​ദേ​ശം വി​ട്ടു​പോ​വു​ക​യും, ക​റു​ത്ത​വ​ർ​ഗ​ക്കാ​രാ​യ മ​ധ്യ​വ​ർ​ഗ്ഗ കു​ടും​ബ​ങ്ങ​ൾ വാ​ങ്ങു​ക​യും ചെ​യ്തു. അ​ങ്ങ​നെ​യാ​ണ് കിം​ഗി​ന്‍റെ വ​ല്യ​പ്പ​ൻ റ​വ. എ.​ഡി. വി​ല്യം​സ് 1909ൽ ​ഇ​വി​ടെ വീ​ട് വാ​ങ്ങി​യ​ത്.

അ​തി​ന്‍റെ എ​തി​ർ​വ​ശ​ത്താ​യി ഏ​താ​നും ഇ​രു​നി​ല വീ​ടു​ക​ൾ സം​ര​ക്ഷി​ച്ചു നി​ർ​ത്തി​യി​ട്ടു​ണ്ട്. ആ​ഫ്രോ-​അ​മേ​രി​ക്ക​ൻ തൊ​ഴി​ലാ​ളി​ക​ൾ​ക്ക് കു​റ​ഞ്ഞ വാ​ട​ക​യ്ക്ക് താ​മ​സി​ക്കു​ന്ന​തി​നാ​യി 1920ക​ളി​ൽ പ​ണി​ക​ഴി​പ്പി​ച്ച​താ​ണ്. ഇ​തെ​ല്ലാം ഇ​ന്ന് ‘മാ​ർ​ട്ടി​ൻ ലൂ​ഥ​ർ കിം​ഗ് ജൂ​നി​യ​ർ നാ​ഷ​ണ​ൽ ഹി​സ്റ്റോ​റി​ക്ക​ൽ പാ​ർ​ക്ക്' എ​ന്ന പേ​രി​ൽ സം​ര​ക്ഷി​ക്കു​ന്നു. മ്യൂ​സി​യ​ത്തി​ൽ അ​ക​ത്ത് 1964ൽ ​അ​ദ്ദേ​ഹ​ത്തി​നു ല​ഭി​ച്ച സ​മാ​ധാ​ന​ത്തി​നു​ള്ള നൊ​ബേ​ൽ പു​ര​സ്കാ​ര​മു​ണ്ട്. പു​റ​ത്ത് ഗാ​ന്ധി​ജി​യു​ടെ പ്ര​തി​മ​യും.

മ്യൂ​സി​യ​ത്തി​ന​ടു​ത്ത് കിം​ഗ് സെ​ന്‍റ​റി​ലാ​ണ് മാ​ർ​ട്ടി​ൻ ലൂ​ഥ​ർ കിം​ഗ് ജൂ​ണി​യ​റി​നെ സം​സ്ക​രി​ച്ചി​രി​ക്കു​ന്ന​ത്. ക​ല്ല​റ​യി​ൽ ആ ​പ​ഴ​യ നീ​ഗ്രോ പാ​ട്ടി​ന്‍റെ, എ​നി​ക്കൊ​രു സ്വ​പ്ന​മു​ണ്ട് പ്ര​സം​ഗ​ത്തി​ന്‍റെ അ​വ​സാ​ന​വ​രി​ക​ൾ. "Free at last, Free at last, Thank God Almighty I'm free at last’(ഒ​ടു​വി​ൽ ഞാ​ൻ സ്വ​ത​ന്ത്ര​നാ​യി...)

അ​മേ​രി​ക്ക സ്വാ​ത​ന്ത്ര്യ പ്ര​ഖ്യാ​പ​നം ന​ട​ത്തി​യി​ട്ട് 163 വ​ർ​ഷം. എ​ന്നി​ട്ടും ക​റു​ത്ത​വ​രു​ടെ ജീ​വി​ത​വും പ്രാ​ധാ​ന്യ​മു​ള്ള​താ​ണ് (black lives matter) എ​ന്ന് ഒ​ന്നാം ന​ന്പ​ർ രാ​ജ്യ​ത്തെ​യും ലോ​ക​ത്തെ ആ​കെ​യും ഓ​ർ​മി​പ്പി​ക്കേ​ണ്ടി വ​രു​ന്നു. ക​റു​ത്ത​വ​ർ​ക്കും ദ​ളി​ത​ർ​ക്കും ആ​ദി​വാ​സി​ക​ൾ​ക്കും ന്യൂ​ന​പ​ക്ഷ​ങ്ങ​ൾ​ക്കു​മെ​തി​രേ വി​ദ്വേ​ഷം പ്ര​ച​രി​പ്പി​ക്കു​ന്ന​വ​രും അ​വ​ർ​ക്ക് ഒ​ളി​സേ​വ ചെ​യ്യു​ന്ന​വ​രും ലോ​ക​ത്തൊ​രി​ട​ത്തും ആ​ലോ​ച​നാ​യോ​ഗ​ങ്ങ​ൾ അ​വ​സാ​നി​പ്പി​ച്ചി​ട്ടി​ല്ല. 63 വ​ർ​ഷം ക​ഴി​ഞ്ഞി​ട്ടും ഏ​ബ്ര​ഹാം ലി​ങ്ക​ണി​ന്‍റെ പ്ര​തി​മ​യ്ക്കു താ​ഴെ പു​ണ്യ പ​തി​നെ​ട്ടാം പ​ടി​യി​ൽ​നി​ന്ന് മാ​ർ​ട്ടി​ൻ ലൂ​ഥ​ർ കിം​ഗ് പ്ര​സം​ഗി​ച്ചു​കൊ​ണ്ടേ​യി​രി​ക്കു​ന്നു: ""എ​നി​ക്ക് ഒ​രു സ്വ​പ്ന​മു​ണ്ട്... അ​ടി​മ​ക​ളു​ടെ​യും ഉ​ട​മ​ക​ളു​ടെ​യും അ​ടു​ത്ത ത​ല​മു​റ, സാ​ഹോ​ദ​ര്യ​ഭാ​വ​ത്തോ​ടെ ഒ​രു മേ​ശ​യ്ക്ക് ചു​റ്റു​മി​രു​ന്ന്‌ അ​ത്താ​ഴ​മു​ണ്ണു​ന്ന ആ ​ദി​ന​ത്തെ​ക്കു​റി​ച്ച് എ​നി​ക്കൊ​രു സ്വ​പ്ന​മു​ണ്ട്.''

അ​റ്റ്‌​ലാ​ന്‍റ​യി​ൽ​നി​ന്നു​ള്ള മ​ട​ക്ക​യാ​ത്ര​യി​ൽ പൊ​ള്ളു​ക​യാ​യി​രു​ന്നു. എ​ബ​നേ​സ​ർ പ​ള്ളി​യു​ടെ പ്ര​ധാ​ന ക​വാ​ട​ത്തി​ന​ടു​ത്തു​ള്ള ത​റ​യി​ൽ ദ​രി​ദ്ര​നാ​യ ഒ​രു ക​റു​ത്ത വ​ർ​ഗ​ക്കാ​ര​ൻ കി​ട​ന്നു​റ​ങ്ങു​ന്നു. അ​യാ​ളി​പ്പോ​ഴും സ്വ​പ്നം കാ​ണു​ക​യാ​വാം.

Tags : Sunday Deepika Eighteenth Step dream equality

Recent News

Corehub Up