എ​ക്കാ​ല​വും വാ​ര്‍​ത്ത​ക​ളി​ലും വ​ര്‍​ത്ത​മാ​ന​ങ്ങ​ളി​ലും ച​ര്‍​ച്ച ചെ​യ്യ​പ്പെ​ടു​ന്ന രാ​ജ​ന്‍ തി​രോ​ധാ​ന​ത്തി​ന് അ​മ്പ​താ​ണ്ട്. കോ​ഴി​ക്കോ​ട് റീ​ജ​ണ​ല്‍ എ​ന്‍​ജി​നി​യ​റിം​ഗ് കോ​ള​ജി​ല്‍ ബി.​ടെ​ക് അ​വ​സാ​ന​വ​ര്‍​ഷ വി​ദ്യാ​ര്‍​ഥി​യും ആ​ര്‍​ട്സ് ക്ല​ബ് സെ​ക്ര​ട്ട​റി​യു​മാ​യി​രു​ന്ന പി. ​രാ​ജ​ന്‍ വാ​ര്യ​ര്‍ എ​ങ്ങ​നെ​യാ​ണ് കൊ​ല്ല​പ്പെ​ട്ട​ത്, മൃ​ത​ദേ​ഹം എ​വി​ടെ ന​ശി​പ്പി​ച്ചു തു​ട​ങ്ങി​യ ചോ​ദ്യ​ങ്ങ​ള്‍​ക്ക് ഉ​ത്ത​രം കി​ട്ടാ​തെ കേ​ര​ളം എ​ക്കാ​ല​വും ഇ​രു​ളി​ൽ ‍ പ​ര​തു​ക​യാ​ണ്. രാ​ജ്യ​ത്ത് അ​ടി​യ​ന്തി​രാ​വ​സ്ഥ പ്ര​ഖ്യാ​പി​ക്ക​പ്പെ​ട്ട കാ​ല​മാ​യി​രു​ന്നു അ​ത്.

1976 മാ​ര്‍​ച്ച് ഒ​ന്നി​ന് രാ​വി​ലെ ആ​റി​ന് കോ​ള​ജ് ഹോ​സ്റ്റ​ലി​ല്‍​നി​ന്ന് രാ​ജ​നെ പൊ​ലി​സ് പി​ടി​ച്ചു കൊ​ണ്ടു​പോ​യി. കോ​ഴി​ക്കോ​ട് വ​ന​മേ​ഖ​ല​യി​ലെ ക​ക്ക​യം പൊ​ലി​സ് ക്യാ​മ്പി​ല്‍ മൂ​ന്നാം​മു​റ പീ​ഡ​ന​ങ്ങ​ള്‍​ക്കി​ര​യാ​യി രാ​ജ​ന്‍ കൊ​ല്ല​പ്പെ​ട്ടു​വെ​ന്നാ​ണ് കാ​ലം പ​റ​യു​ന്ന സാ​ക്ഷ്യം. തൃ​ശൂ​ര്‍ സെ​ന്‍റ് തോ​മ​സ്, എ​റ​ണാ​കു​ളം മ​ഹാ​രാ​ജാ​സ് കോ​ള​ജു​ക​ളി​ലും ചി​റ്റൂ​ര്‍, കോ​ഴി​ക്കോ​ട് ഗ​വ​ണ്‍​മെ​ന്‍റ് കോ​ള​ജു​ക​ളി​ലും ഹി​ന്ദി അ​ധ്യാ​പ​ക​നാ​യി​രു​ന്ന പ്ര​ഫ. ടി.​വി. ഈ​ച്ച​ര വാ​ര്യ​രു​ടെ​യും രാ​ധ വാ​ര​സ്യാ​രു​ടെ​യും മ​ക​നാ​യി​രു​ന്നു രാ​ജ​ന്‍.

ഹേ​ബി​യ​സ് കോ​ർ​പ​സ് ഹ​ർ​ജി

രാ​ജ​ന്‍റെ തി​രോ​ധാ​ന​വും ക​ക്ക​യം ക്യാ​മ്പി​ലെ മാ​ര​ക​പീ​ഡ​ന​ങ്ങ​ളും സം​സ്ഥാ​ന​ത്ത് വ​ന്‍ കോ​ളി​ള​ക്കം സൃ​ഷ്‌​ടി​ച്ചു. രാ​ജ​ൻ എ​വി​ടെ​യെ​ന്ന ചോ​ദ്യം ഉ​യ​ര്‍​ത്തി കേ​ര​ള ഹൈ​ക്കോ​ട​തി​യി​ല്‍ ഈ​ച്ച​ര വാ​ര്യ​ര്‍ 1977 മാ​ര്‍​ച്ച് 25 വെ​ള്ളി​യാ​ഴ്ച ഹേ​ബി​യ​സ് കോ​ര്‍​പ്പ​സ് ഹ​ര്‍​ജി ഫ​യ​ല്‍ ചെ​യ്തു. ലാ​റ്റി​ന്‍ വാ​ക്കാ​യ ഹേ​ബി​യ​സ് കോ​ര്‍​പ്പ​സ് എ​ന്ന​തി​ന് അ​ര്‍​ഥം ‘വ്യ​ക്തി​യെ ഹാ​ജ​രാ​ക്കു​ക’ എ​ന്നാ​ണ്. അ​ടി​യ​ന്ത​രാ​വ​സ്ഥ​യു​ടെ ഇ​രു​ണ്ട ദി​ന​ങ്ങ​ളി​ല്‍ ന​ട​മാ​ടി​യ കൊ​ടും​ക്രൂ​ര​ത​ളി​ലൊ​ന്നാ​യി രാ​ജ​ന്‍ സം​ഭ​വ​ത്തെ മാ​ധ്യ​മ​ങ്ങ​ള്‍ ആ​വ​ര്‍​ത്തി​ച്ച് എ​ഴു​തു​ക​യും ചെ​യ്തു.

“എ​ന്‍റെ സ​ഹോ​ദ​ര​നെ കൊ​ന്ന​ത് ആ​രാ​ണെ​ന്ന് ഞ​ങ്ങ​ള്‍​ക്ക​റി​യി​ല്ല. അ​ച്ഛ​നും അ​മ്മ​യും ഞാ​നും അ​നു​ജ​ത്തി ചാ​ന്ദി​നി​യും ഉ​റ്റ​വ​രും രാ​ജ​ന്‍റെ മ​ട​ങ്ങി​വ​ര​വി​നാ​യി ദീ​ര്‍​ഘ​കാ​ലം കാ​ത്തി​രു​ന്നു. പ​ക്ഷേ, അ​വ​ന്‍ ഒ​രി​ക്ക​ലും വ​ന്നി​ല്ല”- രാ​ജ​ന്‍റെ ചേ​ച്ചി ര​മാ​ദേ​വി​യു​ടെ വാ​ക്കു​ക​ളി​ല്‍ അ​ര നൂ​റ്റാ​ണ്ടി​ന്‍റെ വേ​ദ​ന​യും നി​രാ​ശ​യും ത​ളം​കെ​ട്ടി നി​ല്‍​ക്കു​ന്നു. “രാ​ജ​ന്‍റെ ഇ​ള​യ​വ​ളാ​ണ് ചാ​ന്ദി​നി. അ​മ്മ​യും രാ​ജ​നും സം​ഗീ​ത​പ്രേ​മി​ക​ളാ​യി​രു​ന്നു. രാ​ജ​ന്‍റെ പാ​ട്ടു​പ​രി​പാ​ടി​ക​ളെ​ക്കു​റി​ച്ച് അ​വ​ര്‍ പ​തി​വാ​യി വീ​ട്ടി​ല്‍ സം​സാ​രി​ക്കു​ന്ന​ത് ഞാ​നും ചാ​ന്ദി​നി​യും കേ​ട്ടി​ട്ടു​ണ്ട്”- ര​മ ടീ​ച്ച​ര്‍ ഓ​ര്‍​ത്തെ​ടു​ത്തു.

രാ​ജ​നെ ക​സ്റ്റ​ഡി​യി​ലെ​ടു​ത്ത​ത് ഫ​റോ​ക്ക് കോ​ള​ജി​ല്‍ ന​ട​ന്ന സോ​ണ​ല്‍ കോ​ള​ജ് ക​ലാ​മേ​ള​യി​ൽ സം​ഗീ​ത മ​ത്സ​ര​ത്തി​ല്‍ പ​ങ്കെ​ടു​ത്തു പു​ല​ര്‍​ച്ച​യോ​ടെ ഹോ​സ്റ്റ​ലി​ല്‍ തി​രി​ച്ചെ​ത്തി​യ ഉ​ട​നെ​യാ​ണ്. “എ​ന്‍റെ വി​വാ​ഹം ന​ട​ന്ന​ത് എ​റ​ണാ​കു​ള​ത്തു വ​ച്ചാ​യി​രു​ന്നു. അ​തി​ല്‍ പ​ങ്കെ​ടു​ക്കാ​ന്‍ രാ​ജ​ന്‍ ഉ​ണ്ടാ​വ​ണ​മെ​ന്ന​ത് എ​ല്ലാ​വ​രു​ടെ​യും വ​ലി​യ മോ​ഹ​മാ​യി​രു​ന്നു. അ​വ​ന്‍റെ അ​സാ​ന്നി​ധ്യ​ത്തി​ല്‍ ക​ല്യാ​ണം ശോ​ക​മൂ​ക​മാ​യി​രു​ന്നു. ആ​രു​ടെ മു​ഖ​ത്തും ചി​രി​യോ പ്ര​സാ​ദ​മോ ഇ​ല്ലാ​യി​രു​ന്നു.”

“മോ​ഹി​ക്കാ​ന​ല്ലേ ഞ​ങ്ങ​ള്‍​ക്കു വി​ധി​യു​ണ്ടാ​യു​ള്ളൂ”- ഇ​ട​റി​യ ശ​ബ്‌​ദ​ത്തി​ല്‍ എ​ഴു​പ​ത്ത​ഞ്ചു​കാ​രി പ​റ​ഞ്ഞു.

തൃ​ശൂ​ര്‍ ചെ​മ്പു​ക്കാ​വ് ടെ​ക്നി​ക്ക​ല്‍ ഹൈ​സ്കൂ​ളി​ല്‍ ഗ​ണി​ത​ശാ​സ്ത്രം അ​ധ്യാ​പി​ക​യാ​യി​രു​ന്നു ര​മ ടീ​ച്ച​ര്‍. ചാ​ന്ദി​നി കേ​ര​ള സ്റ്റേ​റ്റ് ഫി​നാ​ന്‍​ഷ്യ​ല്‍ എ​ന്‍റ​ര്‍​പ്രൈ​സ​സി​ല്‍​നി​ന്നു വി​ര​മി​ച്ചു. “രാ​ജ​നും അ​ച്ഛ​നും അ​മ്മ​യും പോ​യി. രാ​ജ​നെ ക​സ്റ്റ​ഡി​യി​ലെ​ടു​ത്ത​തി​നു പി​ന്നാ​ലെ കേ​ട്ട​തും അ​റി​ഞ്ഞ​തു​മാ​യ സം​ഭ​വ​ങ്ങ​ളോ​ടെ അ​മ്മ​യു​ടെ മ​നോ​നി​ല തെ​റ്റി. ക​ര​ച്ചി​ലും പ​രി​ഭ​വ​ങ്ങ​ളു​മാ​യി അ​മ്മ തീ​രാ​ദുഃ​ഖ​ത്തി​ലാ​യി. മാ​ന​സി​കാ​ഘാ​ത​ത്തി​ല്‍ കു​റെ​ക്കാ​ലം കി​ട​പ്പി​ലു​മാ​യി.

അ​മ്മ അ​ച്ഛ​നേ​ക്കാ​ളും ആ​റു വ​ര്‍​ഷം മു​മ്പ് 2000ത്തി​ല്‍ യാ​ത്ര​യാ​യി. ഇ​നി ഞ​ങ്ങ​ള്‍ ര​ണ്ടു പേ​രേ ബാ​ക്കി​യു​ള്ളൂ. പ്രാ​ര്‍​ഥ​ന​യും അ​ക്ഷ​ര​ശ്ലോ​കം ചൊ​ല്ല​ലു​മൊ​ക്കെ​യാ​യി ഒ​രു​വി​ധം കാ​ലം ത​ള്ളി​വി​ടു​ന്നു”-​പ​തി​ഞ്ഞ സ്വ​ര​ത്തി​ല്‍ ര​മ ടീ​ച്ച​ര്‍ പ​റ​ഞ്ഞു. “മ​ക്ക​ളു​ടെ സ്വ​പ്ന​ങ്ങ​ള്‍​ക്കു ത​ന്‍റേ​തി​നേ​ക്കാ​ള്‍ നി​റ​മു​ണ്ടെ​ന്നു ക​രു​തി​യ പി​താ​വാ​യി​രു​ന്നു ഈ​ച്ച​ര വാ​ര്യ​ര്‍. കാ​ണാ​താ​യ ഏ​ക മ​ക​നെ​ത്തേ​ടി ഒ​രാ​യു​സു മു​ഴു​വ​ന്‍ അ​ല​ഞ്ഞും അ​ന്വേ​ഷി​ച്ചും ന​ട​ന്ന അ​ച്ഛ​ന്‍റെ തേ​ങ്ങ​ല്‍ ഈ ​മ​ണ്ണി​ലും ഞ​ങ്ങ​ളു​ടെ മ​ന​സി​ലും ഇ​പ്പോ​ഴു​മു​ണ്ട്.

പു​ത്ര​ദുഃ​ഖ​മാ​ണ് ദു​ഖഃ​ങ്ങ​ളി​ല്‍ ഏ​റ്റ​വും അ​ഗാ​ധ​മാ​യ​തെ​ന്ന് പ​ഴ​മ​ക്കാ​ര്‍ പ​റ​യാ​റി​ല്ലേ. രാ​ജ​ന്‍ ജീ​വി​ച്ചി​രി​പ്പി​ല്ലെ​ന്ന യാ​ഥാ​ര്‍​ഥ്യം ഉ​ള്‍​ക്കൊ​ള്ളാ​ന്‍ അ​ച്ഛ​ന് ഒ​രി​ക്ക​ലും ക​ഴി​ഞ്ഞി​രു​ന്നി​ല്ല. മ​ക​ന്‍ എ​ന്നെ​ങ്കി​ലും തി​രി​ച്ചു​വ​രു​മെ​ന്നു​ത​ന്നെ അ​ദ്ദേ​ഹം മ​ര​ണം വ​രെ ക​രു​തി. അ​ദ്ദേ​ഹം എ​ഴു​തി​യ ‘ഒ​ര​ച്ഛ​ന്‍റെ ഓ​ര്‍​മ​ക്കു​റി​പ്പു​ക​ള്‍’ വാ​യി​ച്ചു ക​ണ്ണു നി​റ​യാ​ത്ത​വ​ര്‍ ‍ ആ​രെ​ങ്കി​ലു​മു​ണ്ടോ...?.

ഒ​ര​ച്ഛ​ന്‍റെ ഓ​ര്‍​മ​ക്കു​റി​പ്പു​ക​ളി​ലെ ഏ​താ​നും വ​രി​ക​ള്‍ ഇ​ങ്ങ​നെ​യാ​ണ്. ‘മ​ക​ന്‍ മ​രി​ച്ചാ​ല്‍ അ​ച്ഛ​നോ, അ​ച്ഛ​ന്‍ മ​രി​ച്ചാ​ല്‍ മ​ക​നോ കൂ​ടു​ത​ല്‍ ദുഃ​ഖം. ഉ​ത്ത​ര​മി​ല്ല. എ​ന്‍റെ ലോ​കം ശൂ​ന്യ​മാ​യി​രി​ക്കു​ന്നു. എ​ന്‍റെ സൂ​ര്യ​നും ന​ക്ഷ​ത്ര​ങ്ങ​ളും അ​ണ​ഞ്ഞി​രി​ക്കു​ന്നു. മ​ക​നു​വേ​ണ്ടി, അ​വ​ന്‍റെ ദീ​പ്ത​മാ​യ ഓ​ര്‍​മ​ക​ളി​ല്‍ ന​ന​ഞ്ഞു ക ു​തി​ര്‍​ന്ന് ഏ​തൊ​ര​ച്ഛ​നും മ​തി​യാ​വോ​ളം ക​ര​യാം. രാ​ജ​നെ ഏ​തോ കൊ​ടും​കാ​ട്ടി​ൽ പ​ഞ്ച​സാ​ര​യി​ട്ട് ക​ത്തി​ച്ചു എ​ന്നാ​ണ് പ​റ​ഞ്ഞ​ത്. ആ​ര്‍​ക്കും അ​വ​ന്‍റെ ഒ​രു ക​ഷ​ണം എ​ല്ലു​പോ​ലും കി​ട്ട​രു​തെ​ന്നാ​യി​രു​ന്നു നി​ശ്ച​യം.”

“രാ​ധേ, ഒ​രു പാ​ത്രം ചോ​റും ഒ​രു വാ​ഴ​യി​ല​യും ഊ​ണു​മേ​ശ​യി​ല്‍ എ​ന്നും ക​രു​തി​വ​ച്ചോ​ണം. ഏ​തു സ​മ​യ​വും രാ​ജ​ന്‍ പ​ടി​ക​യ​റി വ​രാം. അ​വ​ന്‍ വി​ശ​ന്നാ​യി​രി​ക്കാം വ​രു​ന്ന​ത്. തീ​ര്‍​ച്ച​യാ​യും അ​വ​ന്‍ വ​രും” - ഈ​ച്ച​ര വാ​ര്യ​ര്‍ ഭാ​ര്യ രാ​ധ വാ​ര​സ്യാ​രോ​ട് പ​തി​വാ​യി പ​റ​യാ​റു​ണ്ടാ​യി​രു​ന്നു.

കോ​ഴി​ക്കോ​ടു​നി​ന്ന് 20 കി​ലോ​മീ​റ്റ​ര്‍ അ​ക​ലെ ചാ​ത്ത​മം​ഗ​ലം റീ​ജ​ണ​ല്‍ എ​ന്‍​ജി​നി​യ​റിം​ഗ് കോ​ള​ജി​ല്‍​നി​ന്ന് യാ​ത്ര ക​ഴി​ഞ്ഞു ക്ഷീ​ണി​ച്ചു വാ​ര്യ​ത്തെ​ത്തു​ന്ന രാ​ജ​ന്‍റെ ചി​ത്ര​മാ​യി​രു​ന്നു അ​വ​സാ​ന നാ​ളു​ക​ളി​ല്‍ വ​രെ അ​ച്ഛ​ന്‍റെ ആ​ളു​ന്ന മ​ന​സി​ല്‍. ഇ​ന്ന​ല്ലെ​ങ്കി​ല്‍ നാ​ളെ രാ​ജ​ന്‍ വ​രു​മെ​ന്ന് അ​ദ്ദേ​ഹം വി​ശ്വ​സി​ച്ചു. അ​ഥ​വാ, അ​ങ്ങ​നെ​ത​ന്നെ വി​ശ്വ​സി​ക്കാ​നാ​യി​രു​ന്നു ഞ​ങ്ങ​ളു​ടെ സ്നേ​ഹ​നി​ധി​യാ​യ അ​ച്ഛ​ന് ഇ​ഷ്‌​ടം. അ​മ്മ​യോ​ടും ഞ​ങ്ങ​ളോ​ടും രാ​ജ​ന്‍ ഇ​ങ്ങെ​ത്തു​മെ​ന്നു​ത​ന്നെ ഉ​റ​പ്പി​ച്ചു പ​റ​ഞ്ഞു​കൊ​ണ്ടി​രു​ന്നു.

ശ്വാ​ന​ന്മാ​രും കു​റു​ക്ക​ന്മാ​രും ഓ​രി​യി​ടു​ന്ന​തി​നി​ടെ പ്രി​യ​മ​ക​ന്‍റെ കാ​ലൊ​ച്ച കേ​ള്‍​ക്കാ​തി​രി​ക്കു​മോ എ​ന്ന് അ​ദ്ദേ​ഹം ശ​ങ്കി​ച്ചു. പ​ല രാ​ത്രി​ക​ളി​ലും ഉ​മ്മ​റ​വാ​തി​ല്‍ മ​ല​ക്കെ തു​റ​ന്നി​ട്ടു കാ​ത്തി​രു​ന്നു. രാ​ജ​ന്‍റെ സ​ഹ​പാ​ഠി​ക​ളോ​ടും ഒ​പ്പം പൊ​ലി​സി​ന്‍റെ പി​ടി​യി​ലാ​യ​വ​രോ​ടും ക​ക്ക​യം പൊ​ലി​സ് ക്യാ​മ്പി​ല്‍ മ​ര്‍​ദ​ന​മേ​റ്റ​വ​രോ​ടും ഉ​ത്ക​ണ്ഠ​യോ​ടെ വി​വ​ര​ങ്ങ​ള്‍ ആ​രാ​ഞ്ഞു​കൊ​ണ്ടി​രു​ന്നു.

ക​ക്ക​യം ക്യാ​മ്പി​ലും കാ​യ​ണ്ണ സ്റ്റേ​ഷ​നി​ലും പോ​യി രാ​ജ​ൻ എ​വി​ടെ​യെ​ന്നു തി​ര​ക്കി​ക്കൊ​ണ്ടി​രു​ന്നു. പ​രി​ച​യ​ക്കാ​ര​നാ​യി​രു​ന്ന മു​ഖ്യ​മ​ന്ത്രി സി. ​അ​ച്യു​ത​മേ​നോ​ന്‍റെ ഓ​ഫീ​സി​ലും ക​യ​റി​യി​റ​ങ്ങി. “അ​ന്വേ​ഷ​ണ​യാ​ത്ര​ക​ള്‍​ക്കു ശേ​ഷം അ​ച്ഛ​ന്‍ മ​ട​ങ്ങി​വ​രാ​നാ​യി വീ​ടി​നു മു​ന്നി​ൽ അ​മ്മ കാ​ത്തി​രി​ക്കും. വ​ന്നാ​ല്‍ അ​ച്ഛ​ൻ നി​ശ​ബ്‌​ദ​നാ​യി ഇ​രി​ക്കും. അ​മ്മ അ​ല്‍​പം ഗൗ​ര​വ​ത്തി​ല്‍ രാ​ജ​നെ​ക്കു​റി​ച്ചു ചോ​ദി​ക്കു​മ്പോ​ള്‍, ഒ​ന്നോ ര​ണ്ടോ വാ​ക്കു മാ​ത്രം അ​ച്ഛ​ന്‍ പ​റ​യും. അ​ധി​ക​മാ​രോ​ടും സം​സാ​രി​ക്കു​ന്ന പ്ര​കൃ​ത​മാ​യി​രു​ന്നി​ല്ല അ​ച്ഛ​ന്‍റേ​ത് ”.

അ​ടി​യ​ന്ത​രാ​വ​സ്ഥ​യു​ടെ ഇ​ര

1975 ജൂ​ണ്‍ 25 മു​ത​ല്‍ 1977 മാ​ര്‍​ച്ച് 21 വ​രെ 21 മാ​സ​മാ​യി​രു​ന്നു രാ​ജ്യ​ത്ത് അ​ടി​യ​ന്ത​രാ​വ​സ്ഥ. മൗ​ലി​കാ​വ​കാ​ശ​ങ്ങ​ളും പൗ​രാ​വ​കാ​ശ​ങ്ങ​ളും നി​ഷേ​ധി​ക്ക​പ്പെ​ട്ട കാ​ലം. കു​റ്റം ചു​മ​ത്താ​തെ​യും വി​ചാ​ര​ണ ചെ​യ്യാ​തെ​യും ആ​രെ​യും ക​രു​ത​ല്‍ ത​ട​ങ്ക​ലി​ല്‍ വ​യ്ക്കാ​ന്‍ പൊ​ലി​സി​ന് അ​ധി​കാ​രം ന​ല്‍​കു​ന്ന ‘മി​സ’ നി​യ​മം ദു​രു​പ​യോ​ഗം ചെ​യ്യ​പ്പെ​ട്ട ദി​ന​ങ്ങ​ള്‍. പേ​രാ​മ്പ്ര​യി​ലെ കാ​യ​ണ്ണ പൊ​ലി​സ് സ്റ്റേ​ഷ​ന്‍ 1976 ഫെ​ബ്രു​വ​രി 28ന് ​രാ​ത്രി ഒ​രു സം​ഘം ന​ക്സ​ലു​ക​ള്‍ ആ​ക്ര​മി​ക്കു​ക​യും തി​ര നി​റ​ച്ച തോ​ക്ക് കൈ​ക്ക​ലാ​ക്കി പൊ​ലി​സി​നെ മ​ര്‍​ദി​ക്കു​ക​യും ചെ​യ്തു.

ഓ​ട്ട​ത്തി​നി​ടെ അ​ക്ര​മി​ക​ളി​ലൊ​രാ​ള്‍ മ​റ്റൊ​രാ​ളെ ‘രാ​ജാ’ എ​ന്നു വി​ളി​ച്ച​ത് ഒ​രു പൊ​ലി​സു​കാ​ര​ന്‍ കേ​ട്ടു. തു​ട​ര്‍​ന്ന്, സം​സ്ഥാ​ന​ത്തെ രാ​ജ​ന്‍ നാ​മ​ധാ​രി​ക​ളാ​യ യു​വാ​ക്ക​ളെ​ല്ലാം സം​ശ​യ​നി​ഴ​ലി​ലാ​യി. ന​ക്സ​ലൈ​റ്റു​ക​ളെ അ​മ​ര്‍​ച്ച ചെ​യ്യു​ക​യെ​ന്ന ഉ​ദ്ദേ​ശ്യ​ത്തോ​ടെ കോ​ഴി​ക്കോ​ടി​ന്‍റെ വ​ട​ക്കു​കി​ഴ​ക്ക​ന്‍ മ​ല​മ്പ്ര​ദേ​ശ​ത്തെ ക​ക്ക​യം മ​ല​മു​ക​ളി​ല്‍ ഒ​രു പൊ​ലി​സ് ഔ​ട്ട്പോ​സ്റ്റ് തു​റ​ന്നു. സം​ശ​യി​ക്ക​പ്പെ​ട്ട ഇ​രു​നൂ​റോ​ളം പേ​രെ ക​സ്റ്റ​ഡി​യി​ലെ​ടു​ത്തു ചോ​ദ്യം ചെ​യ്യാ​ന്‍ തു​ട​ങ്ങി. അ​ടി​വ​സ്ത്രം മാ​ത്രം ധ​രി​പ്പി​ച്ച് ബ​ഞ്ചി​ല്‍ കി​ട​ത്തി കൈ​ക​ളും കാ​ലു​ക​ളും പു​റ​കി​ല്‍ ബ​ന്ധി​ച്ചു.

ക​രു​ത്ത​രാ​യ പൊ​ലി​സു​കാ​ര്‍ ഇ​രു​വ​ശ​ത്തും നി​ന്ന് ഉ​ല​ക്ക പോ​ലെ ഉ​ഴി​ഞ്ഞെ​ടു​ത്ത മ​ര​ദ​ണ്ഡ് ഉ​പ​യോ​ഗി​ച്ചു തു​ട​ക​ളി​ല്‍ അ​തി​ശ​ക്തി​യാ​യി ഉ​രു​ട്ടു​ക​യാ​യി​രു​ന്നു പീ​ഡ​ന​മു​റ. അ​സ്ഥി​യി​ല്‍​നി​ന്നു മാം​സ​പേ​ശി​ക​ള്‍ പി​ള​രു​മ്പോ​ഴു​ള്ള ക​ഠി​ന​വേ​ദ​ന​യി​ല്‍ അ​ല​റി​ക്ക​ര​യു​ന്ന​ത് പു​റ​ത്തു കേ​ള്‍​ക്കാ​തി​രി​ക്കാ​ന്‍ വാ​യി​ല്‍ തു​ണി കു​ത്തി​ക്ക​യ​റ്റി. ഉ​രു​ട്ടി പ​രു​വ​പ്പെ​ടു​ത്തി​യ​വ​രെ ക്യാ​മ്പ് മേ​ധാ​വി​യു​ടെ ആ​സ്ഥാ​ന​ത്തേ​ക്കു കൊ​ണ്ടു​പോ​കും. അ​യാ​ള്‍ പ്ര​തീ​ക്ഷി​ക്കു​ന്ന ഉ​ത്ത​രം കു​റ്റാ​രോ​പി​ത​നി​ല്‍​നി​ന്നു ല​ഭി​ച്ചി​ല്ലെ​ങ്കി​ല്‍, തൊ​ലി​യു​രി​ഞ്ഞു ചീ​ര്‍​ത്തു പൊ​ന്തി​യ തു​ട​ക​ളി​ല്‍ കൂ​ര്‍​പ്പി​ച്ച പെ​ന്‍​സി​ല്‍ കൊ​ണ്ട് കു​ത്തും. വീ​ണ്ടും കൊ​ണ്ടു​പോ​യി ഉ​രു​ട്ടാ​ന്‍ ഉ​ത്ത​ര​വി​ടും. കു​റ്റം ചെ​യ്യാ​ത്ത​വ​രും മാ​ര​ക​വേ​ദ​ന സ​ഹി​ക്കാ​നാ​വാ​തെ കു​റ്റം സ​മ്മ​തി​ച്ചു​പോ​കു​ന്ന ദൈ​ന്യ​ത.

ത​ന്‍റെ ഓ​ര്‍​മ​ക്കു​റി​പ്പു​ക​ളി​ല്‍ ജ​ര്‍​മ​നി​യി​ലെ ഹി​റ്റ്‌​ല​റു​ടെ കോ​ണ്‍​സ​ന്‍​ട്രേ​ഷ​ന്‍ ക്യാ​മ്പു​മാ​യി ഈ​ച്ച​ര വാ​ര്യ​ര്‍ ക​ക്ക​യം ക്യാ​മ്പി​നെ താ​ര​ത​മ്യ​പ്പെ​ടു​ത്തു​ന്നു​ണ്ട്. ഈ ​പീ​ഡ​ന​കേ​ന്ദ്ര​വും ഇ​വി​ട​ത്തെ പ്രാ​കൃ​ത ഉ​രു​ട്ട​ല്‍​മു​റ​യും പ​ഴ​മ​ക്കാ​രു​ടെ മ​ന​സി​ല്‍ ഭീ​തി​യും വേ​ദ​ന​യും നി​റ​ഞ്ഞ ഓ​ര്‍​മ​ക​ളാ​ണ്. വൈ​ദ്യു​തി ബോ​ര്‍​ഡ് ക​ക്ക​യം വൈ​ദ്യു​ത പ​ദ്ധ​തി​ക്ക് 1964ല്‍ ​പ​ണി​ത കെ​ട്ടി​ട​മാ​ണ് പൊ​ലി​സ് ക്യാ​മ്പാ​യി മാ​റ്റി​യ​ത്. കാ​ല​ങ്ങ​ളോ​ളം ഭാ​ര്‍​ഗ​വി​നി​ല​യം എ​ന്ന​റി​യ​പ്പെ​ട്ടി​രു​ന്ന ഈ ​കെ​ട്ടി​ടം 2014ല്‍ ​പൊ​ളി​ച്ചു​ക​ള​ഞ്ഞു.

“മ​ന​സി​നെ കീ​റി​മു​റി​ക്കു​ന്ന​തൊ​ന്നും എ​ന്നോ​ടു പ​റ​യാ​തി​രി​ക്കൂ. എ​ല്ലാം മ​റ​ക്കാ​ന്‍ ശ്ര​മി​ക്കു​ക​യാ​ണ് ” - ര​മ ടീ​ച്ച​ര്‍ കൂ​ടെ​ക്കൂ​ടെ ഓ​ര്‍​മ​പ്പെ​ടു​ത്തി​ക്കൊ​ണ്ടി​രു​ന്നു. കാ​യ​ണ്ണ പൊ​ലി​സ് സ്റ്റേ​ഷ​ന്‍ ക​യ്യേ​റി​യ​വ​രി​ല്‍ ഒ​ന്നു​ര​ണ്ടു രാ​ജ​ന്‍ ഉ​ണ്ടാ​യി​രു​ന്നെ​ങ്കി​ലും സം​ഘ​ത്തി​ല്‍ എ​ന്‍​ജി​നി​യ​റിം​ഗ് കോ​ള​ജ് വി​ദ്യാ​ര്‍​ഥി രാ​ജ​ന്‍ ഉ​ണ്ടാ​യി​രു​ന്നി​ല്ലെ​ന്ന് പോ​ലീ​സി​ന് പി​ന്നീ​ട് ബോ​ധ്യ​പ്പെ​ട്ടു. ഗ​ത്യ​ന്ത​ര​മി​ല്ലാ​തെ ക​ക്ക​യം ക്യാ​മ്പി​ല്‍ ഈ​ച്ച​ര വാ​ര്യ​രു​ടെ മ​ക​ന്‍ കൊ​ല്ല​പ്പെ​ട്ടു​വെ​ന്ന് സ​മ്മ​തി​ക്കേ​ണ്ട​താ​യും വ​ന്നു.

മൃ​ത​ദേ​ഹം എ​വി​ടെ ന​ശി​പ്പി​ച്ചു

ക്രൂ​ര​മ​ര്‍​ദ​ന​ത്തി​ല്‍ പി​ട​ഞ്ഞു​മ​രി​ച്ച രാ​ജ​ന്‍റെ മൃ​ത​ദേ​ഹം എ​വി​ടെ മ​റ​വു ചെ​യ്തെ​ന്ന് പൊ​ലി​സ് വെ​ളി​പ്പെ​ടു​ത്തി​യി​ട്ടി​ല്ല. ശ​രീ​ര​ത്തി​ല്‍ ക​ല്ലു​ക​ള്‍ കെ​ട്ടി ക​ക്ക​യം റി​സ​ര്‍​വോ​യ​റി​ല്‍ താ​ഴ്ത്തി എ​ന്ന​ത് സ്ഥി​രീ​ക​രി​ക്കാ​ന്‍ നാ​വി​ക​സേ​ന​യി​ലെ മു​ങ്ങ​ൽ വി​ദ​ഗ്ധ​ര്‍ മു​പ്പ​ത് അ​ടി ആ​ഴ​മു​ള്ള സം​ഭ​ര​ണി അ​രി​ച്ചു​പെ​റു​ക്കി. ര​ണ്ടു ദി​വ​സം നീ​ണ്ട തെ​ര​ച്ചി​ലി​ല്‍ ശ​രീ​രാ​വ​ശി​ഷ്‌​ട​ങ്ങ​ള്‍ ക​ണ്ടെ​ത്താ​നാ​യി​ല്ല.

ശ​രീ​രം വെ​ട്ടി​നു​റു​ക്കി ക്യാ​ന്പി​നു സ​മീ​പം ഉ​ര​ക്കു​ഴി വെ​ള്ള​ച്ചാ​ട്ട​ത്തി​ല്‍ വ​ലി​ച്ചെ​റി​ഞ്ഞെ​ന്നും അ​ത​ല്ല, വ​ന​ത്തി​ല്‍ കു​ഴി​ച്ചു മൂ​ടി​യെ​ന്നും പ​ഞ്ച​സാ​ര​യി​ട്ടു ക​ത്തി​ച്ചു​വെ​ന്നു​മൊ​ക്കെ കേ​ള്‍​വി​യു​ണ്ടാ​യി. അ​ന്വേ​ഷ​ണ​ങ്ങ​ള്‍ പ​ല​തു​ണ്ടാ​യെ​ങ്കി​ലും ഒ​രു തെ​ളി​വും സൂ​ച​ന​യും കി​ട്ടി​യി​ല്ല. ചെ​റു ക​ഷ​ണ​ങ്ങ​ളാ​ക്കി കാ​ട്ടു​പ​ന്നി​ക​ള്‍​ക്ക് തീ​റ്റ​യാ​യി കൊ​ടു​ത്തു​വെ​ന്ന പ്ര​ചാ​ര​ണ​ത്തി​ന് തെ​ളി​വു തേ​ടു​ന്ന​ത് പാ​ഴ് വേ​ല​യാ​ണെ​ന്ന വി​മ​ര്‍​ശ​നം വ്യാ​പ​ക​മാ​യി ഉ​യ​ര്‍​ന്നി​രു​ന്നു.

രാ​ജ​ന്‍റെ ക​സ്റ്റ​ഡി മ​ര​ണ​ത്തി​ന് സി​വി​ല്‍ ന​ഷ്‌​ട​പ​രി​ഹാ​ര​മാ​യി സ​ര്‍​ക്കാ​രി​ല്‍​നി​ന്നു ല​ഭി​ച്ച ആ​റു ല​ക്ഷം രൂ​പ ഈ​ച്ച​ര വാ​ര്യ​ര്‍ എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ല്‍ ‘രാ​ജ​ന്‍ മെ​മ്മോ​റി​യ​ല്‍ കാ​ന്‍​സ​ര്‍ വാ​ര്‍​ഡ്’ സ്ഥാ​പി​ക്കു​ന്ന​തി​നും വി​ദ്യാ​ഭ്യാ​സ എ​ന്‍​ഡോ​വ്മെ​ന്‍റ് ‍ ആ​രം​ഭി​ക്കു​ന്ന​തി​നും ചെ​ല​വ​ഴി​ച്ചു. മ​ക​ന്‍റെ ര​ക്ത​ത്തി​നും ജീ​വ​നും ല​ഭി​ച്ച പ്ര​തി​ഫ​ലം ഉ​ത്ത​മ​മാ​യ പൊ​തു​കാ​ര്യ​ങ്ങ​ള്‍​ക്കു മാ​ത്ര​മേ ഉ​പ​യോ​ഗി​ക്കു​ക​യു​ള്ളൂ​വെ​ന്ന് ആ​ത്മ​ക​ഥ​യി​ല്‍ അ​ദ്ദേ​ഹം മു​മ്പേ​ത​ന്നെ സൂ​ചി​പ്പി​ച്ചി​രു​ന്നു. പ​ര​ക്കെ വാ​യി​ക്ക​പ്പെ​ട്ട ‘ഒ​ര​ച്ഛ​ന്‍റെ ഓ​ര്‍​മ​ക്കു​റി​പ്പു​ക​ള്‍’ 2004ലെ ​കേ​ര​ള സാ​ഹി​ത്യ അ​ക്കാ​ദ​മി പു​ര​സ്കാ​ര​ത്തി​ന് അ​ര്‍​ഹ​മാ​യി.

അ​കാ​ല​ത്തി​ല്‍ കാ​ണാ​താ​യ മ​ക​നെ തേ​ടി​യു​ള്ള പി​താ​വി​ന്‍റെ അ​ല​ച്ചി​ലു​ക​ളും കാ​ത്തി​രി​പ്പും ‘പി​റ​വി’ എ​ന്ന ച​ല​ച്ചി​ത്ര​ത്തി​ലൂ​ടെ പ്രേ​ക്ഷ​ക​രു​ടെ ക​ണ്ണു​ക​ളെ ഈ​റ​ന​ണി​യി​ച്ചു. 1989ല്‍ ​ഷാ​ജി എ​ന്‍. ക​രു​ണ്‍ സം​വി​ധാ​നം ചെ​യ്ത പി​റ​വി നി​ര​വ​ധി അ​വാ​ര്‌​ഡു​ക​ൾ​ക്ക് അ​ര്‍​ഹ​മാ​യി. ര​മ ടീ​ച്ച​ര്‍ ‘പി​റ​വി’ സി​നി​മ ക​ണ്ടി​രു​ന്നോ എ​ന്നു ചോ​ദി​ച്ച​പ്പോ​ള്‍ ഇ​ല്ലെ​ന്നാ​യി​രു​ന്നു ഉ​ത്ത​രം. “സ​ങ്ക​ട​പ്പെ​ടു​ത്തു​ന്ന​തൊ​ന്നും കാ​ണാ​നോ സം​സാ​രി​ക്കാ​നോ താ​ല്പ​ര്യ​മി​ല്ല. അ​ച്ഛ​ന്‍ എ​ഴു​തി​യ ഓ​ര്‍​മ​ക്കു​റി​പ്പു​ക​ള്‍​പോ​ലും ഞാ​ന്‍ വാ​യി​ച്ചി​ട്ടി​ല്ല. അ​നി​യ​ന്‍റെ ഓ​ര്‍​മ​ക​ള്‍ ഇ​ന്നും ഞ​ങ്ങ​ളെ അ​സ്വ​സ്ഥ​രാ​ക്കു​ന്നു. ജീ​വി​ച്ചി​രു​ന്നെ​ങ്കി​ല്‍ അ​വ​ന് ഇ​ക്കൊ​ല്ലം 72 വ​യ​സ്‌ തി​ക​യു​മാ​യി​രു​ന്നു”- അ​വ​ര്‍ പ​റ​ഞ്ഞു.

തി​രി​ച്ചു​വ​രാ​ത്ത മ​ക​നു​വേ​ണ്ടി, ഒ​രി​ല​ച്ചോ​റും വ​ച്ചു കാ​ത്തി​രു​ന്നു സ​മ​നി​ല തെ​റ്റി മ​രി​ച്ച ഒ​ര​മ്മ​യു​ടെ ക​ഥ. ത​ക​ര്‍​ന്നു നു​റു​ങ്ങി​യ ഹൃ​ദ​യ​വു​മാ​യി ധ​ര്‍​മ​നി​ഷേ​ധ​ത്തി​നെ​തി​രേ പൊ​രു​തി​യ ഒ​രു അ​ച്ഛ​ന്‍റെ ക​ഥ. പ​തി​റ്റാ​ണ്ടു​ക​ള്‍​ക്കു ശേ​ഷ​വും മ​ല​യാ​ളി​യു​ടെ മ​ന​സി​ല്‍ നീ​റി​പ്പു​ക​യു​ന്ന ഒ​രു ക​ദ​ന​ക​ഥ. കേ​ര​ള മ​ന​സാ​ക്ഷി​യി​ലെ ക​റ​യാ​യി രാ​ജ​ന്‍ കേ​സ് എ​ക്കാ​ല​വും ഓ​ര്‍​മി​ക്ക​പ്പെ​ടും.

Tags : Rajan’s Disappearance Sunday deepika Tears Undried State of Emergency