അ​മേ​രി​ക്ക​യി​ല്‍ ലാ​സ് വേ​ഗ​സി​ലു​ള്ള ഹാ​രി റീ​ഡ് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ല്‍​നി​ന്ന് നൂ​വ​ര്‍​ക്കി​ലെ ലി​ബ​ര്‍​ട്ടി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലേ​ക്കു പോ​കാ​ന്‍ രാ​ത്രി 10.51ന് ​ടേ​ക്കോ​ഫ് ചെ​യ്ത യു​ണൈ​റ്റ​ഡ് എ​യ​ര്‍​ലൈ​ന്‍​സി​ന്‍റെ ഫ്ളൈ​റ്റ് ന​മ്പ​ര്‍ യു​എ 1681, 150 യാ​ത്ര​ക്കാ​രു​മാ​യി പ​റ​ന്നു​യ​ര്‍​ന്ന് ഒ​രു മ​ണി​ക്കൂ​ര്‍ അ​ഞ്ചു മി​നി​റ്റു ക​ഴി​യു​മ്പോ​ഴേ​ക്കും തി​രി​കെ​യെ​ത്തി ലാ​സ് വേ​ഗ​സി​ല്‍​ത​ന്നെ ഇ​റ​ങ്ങി​യ​ത് ഒ​ക്‌​ടോ​ബ​ര്‍ 24 ശ​നി​യാ​ഴ്ച​യാ​യി​രു​ന്നു. വി​മാ​ന​ത്തി​ലെ ഒ​രു യാ​ത്ര​ക്കാ​ര​നാ​യി​രു​ന്ന ഡാ​ന്‍റെ മി​ല്‍​നെ എ​ന്ന ഇ​രു​പ​ത്ത​ഞ്ചു​കാ​ര​ന്‍ മൊ​ബൈ​ലി​ല്‍ ടൈ​പ്പ് ചെ​യ്യു​ന്ന ഒ​രു വാ​ച​കം, കാ​ബി​ന്‍ ക്രൂ​വി​ല്‍ ഒ​രാ​ള്‍ പി​ന്നി​ല്‍​നി​ന്നു ക​ണ്ട​താ​യി​രു​ന്നു, വി​മാ​നം തി​രി​ച്ചി​റ​ക്കാ​ന്‍ കാ​ര​ണം.

ഇ​താ​യി​രു​ന്നു, ഡാ​ന്‍റെ അ​യ​യ്ക്കാ​ന്‍ തു​ട​ങ്ങി​യ (അ​ല്ലെ​ങ്കി​ല്‍ അ​യ​ച്ച) സ​ന്ദേ​ശം:
‘ഈ ​വി​മാ​നം ഹൈ​ജാ​ക്ക് ചെ​യ്യാ​ന്‍ പോ​വു​ക​യാ​ണ്. നീ ​ഇ​രി​ക്കു​ന്ന നി​ര മാ​ത്രം ത​ക​ര്‍​ക്കും’. ഞെ​ട്ടി​ത്ത​രി​ച്ച കാ​ബി​ന്‍ ക്രൂ ​കോ​ക്പി​റ്റി​ലേ​ക്ക് ഓ​ടി ക്യാ​പ്റ്റ​നോ​ടു കാ​ര്യം പ​റ​ഞ്ഞു. കാ​ബി​ന്‍ ക്രൂ​വി​നെ പു​റ​ത്തി​റ​ക്കി കോ​ക്പി​റ്റ് ഉ​ള്ളി​ല്‍​നി​ന്ന് പൂ​ട്ടു​ക​യാ​യി​രു​ന്നു ആ​ദ്യ ന​ട​പ​ടി.

പി​ന്നെ, ക്യാ​പ്റ്റ​ന്‍ ലാ​സ് വേ​ഗ​സ് എ​യ​ര്‍ ട്രാ​ഫി​ക് ക​ണ്‍​ട്രോ​ളി​നെ വി​വ​രം ധ​രി​പ്പി​ച്ചു. ഹൈ​ജാ​ക്ക് ചെ​യ്യു​മെ​ന്നു പ​റ​ഞ്ഞ​യാ​ള്‍ എ​വി​ടെ, കു​ഴ​പ്പ​മു​ണ്ടാ​ക്കു​ക​യാ​ണോ അ​തോ കെ​ട്ടി​യി​ട്ടി​രി​ക്കു​ക​യാ​ണോ എ​ന്ന് എ​ടി​സി ചോ​ദി​ച്ച​തി​ന്, ഞ​ങ്ങ​ള്‍ ഇ​ക്കാ​ര്യം അ​റി​ഞ്ഞ​ത് അ​യാ​ള്‍ അ​റി​ഞ്ഞി​ട്ടി​ല്ലെ​ന്നാ​യി​രു​ന്നു പൈ​ല​റ്റി​ന്‍റെ മ​റു​പ​ടി.

മു​ന്‍​ക​രു​ത​ലെ​ന്ന നി​ല​യി​ല്‍, വി​മാ​നം തി​രി​കെ പ​റ​ക്കാ​ന്‍ എ​ടി​സി അ​നു​മ​തി കൊ​ടു​ത്ത​തി​നെ​ത്തു​ട​ര്‍​ന്ന് രാ​ത്രി 11.95 ന് ​എ​ര​സോ​ണ​യി​ലെ ഗ്രാ​ന്‍​ഡ് കേ​ന്യ​നു മു​ക​ളി​ല്‍ യു ​ടേ​ണ്‍ എ​ടു​ത്ത് ലാ​സ് വേ​ഗ​സി​ലേ​ക്കു പ​റ​ന്നു തു​ട​ങ്ങി. 11.42ന് ​ഹാ​രി റീ​ഡ് വി​മാ​ന​ത്താ​വ​ള​ത്തി​ല്‍ തി​രി​കെ ലാ​ന്‍​ഡ് ചെ​യ്തു. പൈ​ല​റ്റു​മാ​രു​ടെ​യും കാ​ബി​ന്‍ ക്രൂ​വി​ന്‍റെ​യും പ​റ​ക്ക​ല്‍ സ​മ​യ​പ​രി​ധി ക​ഴി​ഞ്ഞ​തി​നാ​ല്‍ വി​മാ​നം അ​ന്ന് പി​ന്നെ പ​റ​ത്തി​യി​ല്ല. ഞാ​യ​റാ​ഴ്ച പു​ല​ർ​ച്ചെ​യാ​ണ് യാ​ത്ര​ക്കാ​രെ നൂ​വ​ര്‍​ക്കി​ലേ​ക്ക് അ​യ​ച്ച​ത്.

സു​ര​ക്ഷാ ഉ​ദ്യോ​ഗ​സ്ഥ​ര്‍ വി​മാ​ന​ത്തി​ല്‍​നി​ന്ന് ഡാ​ന്‍റെ​യെ പി​ടി​കൂ​ടി കൊ​ണ്ടു പോ​വു​ക​യും ചെ​യ്തു. വി​മാ​നം ഹൈ​ജാ​ക്ക് ചെ​യ്യു​മെ​ന്നും നീ ​ഇ​രി​ക്കു​ന്ന നി​ര​യി​ലെ സീ​റ്റു​ക​ള്‍ മാ​ത്രം ക്രാ​ഷ് ചെ​യ്യു​മെ​ന്നും ‍ മൊ​ബൈ​ലി​ല്‍ ടൈ​പ്പ് ചെ​യ്ത​തി​ന് ഇ​ത്ര​യും പ​രി​ഭ്ര​മി​ക്കേ​ണ്ട കാ​ര്യ​മു​ണ്ടോ, മ​റ്റ് 149 യാ​ത്ര​ക്കാ​രെ​യും ബു​ദ്ധി​മു​ട്ടി​ക്കും​വി​ധം വി​മാ​നം തി​രി​ച്ചു കൊ​ണ്ടു​പോ​കേ​ണ്ടി​യി​രു​ന്നോ എ​ന്ന് ചി​ല​ര്‍​ക്കെ​ങ്കി​ലും തോ​ന്നാം.

മ​റ്റു​ള്ള​വ​രെ കാ​ണി​ച്ച് ടൈ​പ്പ് ചെ​യ്ത​തി​നു ശേ​ഷ​മ​ല്ല, വി​മാ​നം ഹൈ​ജാ​ക്ക് ചെ​യ്യു​ക എ​ന്ന​ത് ഒ​ന്നാ​മ​ത്തെ കാ​ര്യം. ഒ​രു നി​ര സീ​റ്റു​മാ​ത്രം വി​മാ​നം ഇ​ടി​ച്ചി​റ​ക്കി ത​ക​ര്‍​ക്കാ​ന്‍ ക​ഴി​യി​ല്ലെ​ന്ന​തും ത​ക​ര്‍​ന്നാ​ല്‍ സ​ന്ദേ​ശം അ​യ​ച്ച​യാ​ളും അ​പ​ക​ട​ത്തി​ലാ​കു​മെ​ന്ന​തും പി​ന്ന​ത്തെ കാ​ര്യം. എ​ത്ര​മാ​ത്രം അ​സം​ഭ​വ്യ​മാ​ണെ​ങ്കി​ലും ത​മാ​ശ​യാ​യി​ട്ടോ, മാ​ന​സി​ക​പ്ര​ശ്ന​മു​ള്ള​യാ​ള്‍ രോ​ഗാ​വ​സ്ഥ​യി​ലോ പ​റ​യു​ന്ന​താ​ണെ​ങ്കി​ലും, ഹൈ​ജാ​ക്ക്, ബോം​ബ് തു​ട​ങ്ങി​യ കാ​ര്യ​ങ്ങ​ള്‍ മ​റ്റു​ള്ള​വ​ര്‍​ക്ക് വ്യ​ക്ത​മാ​കും​വി​ധം പ​റ​യു​ക​യോ എ​ഴു​തു​ക​യോ ചെ​യ്താ​ല്‍ പാ​ലി​ക്കേ​ണ്ട ന​ട​പ​ടി​ക്ര​മ​ങ്ങ​ളു​ണ്ട്.

ഇ​വി​ടെ കാ​ബി​ന്‍ ക്രൂ ​ചെ​യ്ത​തു​പോ​ലെ, ക്യാ​പ്റ്റ​നെ അ​റി​യി​ക്ക​ണം എ​ന്ന​ത് ആ​ദ്യ​ത്തെ കാ​ര്യം. സ്ഥി​തി​ഗ​തി​ക​ള്‍ വി​ല​യി​രു​ത്തി, എ​ന്തു ചെ​യ്യ​ണ​മെ​ന്ന് തീ​രു​മാ​നി​ക്കേ​ണ്ട​ത് ക്യാ​പ്റ്റ​ന്‍റെ ഉ​ത്ത​ര​വാ​ദി​ത്ത​മാ​ണ്. കാ​ര്യ​ങ്ങ​ള്‍ നി​യ​ന്ത്ര​ണാ​ധീ​ന​മെ​ങ്കി​ല്‍ യാ​ത്ര തു​ട​രാം, വ​ഷ​ളാ​യേ​ക്കു​മെ​ന്നു തോ​ന്നി​യാ​ല്‍ വി​മാ​നം തി​രി​ച്ചു വി​ടാം. പു​റ​പ്പെ​ട്ടു വ​ന്ന വി​മാ​ന​ത്താ​വ​ള​ത്തി​ലേ​ക്കോ അ​ടു​ത്തു​ള്ള മ​റ്റേ​തെ​ങ്കി​ലും വി​മാ​ന​ത്താ​വ​ള​ത്തി​ലേ​ക്കോ പോ​കാം.

ഹൈ​ജാ​ക്ക്, അ​ല്ലെ​ങ്കി​ല്‍ വി​മാ​ന​ത്തി​ന് ഭീ​ഷ​ണി​യാ​വും​വി​ധ​മു​ള്ള ഏ​തെ​ങ്കി​ലും ഇ​ട​പെ​ട​ല്‍ ഉ​ണ്ടാ​യാ​ല്‍ 7500 എ​ന്ന സ്ക്വാ​ക് കോ​ഡ് സം​പ്രേ​ഷ​ണം ചെ​യ്യ​ണം എ​ന്ന​താ​ണ് അ​ടു​ത്ത നി​ബ​ന്ധ​ന. വി​മാ​നം ഇ​തു പാ​ലി​ച്ചി​രു​ന്നി​ല്ല. ഹൈ​ജാ​ക്ക് കോ​ഡാ​യ 7500നു ​പ​ക​രം ജ​ന​റ​ല്‍ എ​മ​ര്‍​ജ​ന്‍​സി കോ​ഡാ​യ 7700 എ​ന്ന ട്രാ​ന്‍​സ്പോ​ണ്ട​ര്‍ കോ​ഡാ​ണ്, തി​രി​ച്ചു​പ​റ​ക്ക​ല്‍ വേ​ള​യി​ല്‍ ക്യാ​പ്റ്റ​ന്‍ സെ​റ്റു ചെ​യ്തി​രു​ന്ന​ത്.

സം​ഭ​വ​ത്തി​ലെ പ്ര​തി​യാ​യ ഡാ​ന്‍റെ , കാ​ബി​ന്‍ ക്രൂ ​സ​ന്ദേ​ശം ക​ണ്ട കാ​ര്യ​വും അ​തു​മൂ​ലം വി​മാ​നം തി​രി​ച്ചു​വി​ടു​ന്ന കാ​ര്യ​വും അ​റി​ഞ്ഞി​രു​ന്നി​ല്ല എ​ന്ന​തി​നാ​ലാ​വാം 7700 എ​ന്ന സ്ക്വാ​ക് മ​തി​യെ​ന്ന് ക്യാ​പ​റ്റ​ന്‍ തീ​രു​മാ​നി​ച്ച​തെ​ന്നു വേ​ണം ക​രു​താ​ന്‍. പ​റ​ക്ക​ലി​നി​ടെ മൊ​ബൈ​ലി​ല്‍ നെ​റ്റ് കി​ട്ടു​ന്നു​ണ്ടാ​യി​രു​ന്നെ​ങ്കി​ല്‍ ട്രാ​ക്കിം​ഗ് സൈ​റ്റു​ക​ളി​ല്‍​നി​ന്ന്, വി​മാ​നം 7500 എ​ന്ന ഹൈ​ജാ​ക് കോ​ഡ് സ്ക്വാ​ക് ചെ​യ്യു​ക​യാ​ണെ​ന്ന് ഡാ​ന്‍റെ​യ്ക്ക് മ​ന​സി​ലാ​യാ​ലോ ?

എ​യ​ര്‍​ലൈ​നി​ന്‍റെ സു​ര​ക്ഷാ​വി​ഭാ​ഗം, അ​മേ​രി​ക്ക​യു​ടെ ഗ​താ​ഗ​ത സു​ര​ക്ഷ ഏ​ജ​ന്‍​സി​യാ​യ ട്രാ​ന്‍​സ്പോ​ര്‍​ട്ടേ​ഷ​ന്‍ സെ​ക്യൂ​രി​റ്റി അ​ഡ്മി​നി​സ്ട്രേ​ഷ​ന്‍, എ​ഫി​ബി​ഐ എ​ന്ന​വ​രെ​യെ​ല്ലാം അ​റി​യി​ക്കേ​ണ്ടി​യ​ത് വി​മാ​ന​ത്താ​വ​ള​ത്തി​ലെ വ്യോ​മ ഗ​താ​ഗ​ത നി​യ​ന്ത്ര​ണ വി​ഭാ​ഗ​മാ​ണ്. വി​മാ​നം വ​ന്നി​റ​ങ്ങു​മ്പോ​ള്‍ ‍ ക്ര​മീ​ക​രി​ക്കേ​ണ്ട സു​ര​ക്ഷാ മു​ന്‍​ക​രു​ത​ലു​ക​ള്‍ വി​മാ​ന​ത്ത​വ​ളം അ​ധി​കൃ​ത​രും ഈ ​ഏ​ന്‍​ജ​ന്‍​സി​ക​ളും ചേ​ര്‍​ന്നാ​ണ് എ​ടു​ക്കു​ക. ഏ​തു വി​മാ​ന​ത്താ​വ​ള​ത്തി​ലേ​ക്ക് എ​ങ്ങ​നെ തി​രി​കെ ലാ​ന്‍​ഡ് ചെ​യ്യ​ണം എ​ന്നീ നി​ര്‍​ദേ​ശ​ങ്ങ​ളെ​ല്ലാം കൊ​ടു​ക്കു​ന്ന​ത് എ​ടി​സി ത​ന്നെ.

ഹൈ​ജാ​ക്ക്, ബോം​ബ് തു​ട​ങ്ങി​യ ഭീ​ഷ​ണി​ക​ളു​ള്ള വി​മാ​നം ഒ​തു​ക്കി ഇ​ടാ​ന്‍ ഐ​സോ​ലേ​ഷ​ന്‍ ബേ​യി​ലേ​ക്കാ​ണ് വി​മാ​നം പോ​കേ​ണ്ട​തും പാ​ര്‍​ക്ക് ചെ​യ്യേ​ണ്ട​തും. അ​വി​ടെ വി​മാ​ന​ത്തി​ന​ക​ത്തും ച​ര​ക്ക് അ​റ​യി​ലും വി​ശ​ദ​മാ​യ പ​രി​ശോ​ധ​ന ന​ട​ത്തും. യാ​ത്ര​ക്കാ​രു​ടെ ദേ​ഹ​പ​രി​ശോ​ധ​ന ഉ​ള്‍​പ്പ​ടെ ഉ​ണ്ടാ​കും.
ഇ​ത്ത​ര​ത്തി​ലു​ള്ള എ​ത്ര സു​ര​ക്ഷാ ഭീ​ഷ​ണി​ക​ളാ​ണ്, വ​ർ​ഷം​പ്ര​തി ഉ​ണ്ടാ​യി​ക്കൊ​ണ്ടി​രി​ക്കു​ന്ന​ത്.
അ​മേ​രി​ക്ക​യി​ല്‍, വി​മാ​ന​ങ്ങ​ള്‍​ക്കു നേ​രേ​യു​ള്ള ബോം​ബ് ഭീ​ഷ​ണി​ക​ളു​ടെ ക​ണ​ക്കെ​ടു​പ്പും രേ​ഖ​പ്പെ​ടു​ത്ത​ലും 1991 മു​ത​ല്‍ 1995 വ​രെ കൃ​ത്യ​മാ​യി ന​ട​ന്നി​രു​ന്നു.

1991-388, 1992-215, 1993-248, 1994-218, 1995-327 എ​ന്നി​ങ്ങ​നെ​യാ​യി​രു​ന്നു ഭീ​ഷ​ണി​ക​ളു​ടെ എ​ണ്ണം. എ​ന്നാ​ല്‍ വ്യാ​ജ ഭീ​ഷ​ണി​ക​ളു​ടെ എ​ണ്ണം ക്ര​മാ​തീ​ത​മാ​യി വ​ര്‍​ധി​ച്ചു​വ​രു​ന്ന​തി​നാ​ലും അ​വ​യു​ടെ ത​രം​തി​രി​ക്ക​ലും രേ​ഖ​പ്പെ​ടു​ത്ത​ലും കൃ​ത്യ​മാ​യി ന​ട​ത്താ​നു​ള്ള സം​വി​ധാ​ന​ങ്ങ​ളു​ടെ അ​പ​ര്യാ​പ്ത​ത​മൂ​ല​വും ഫെ​ഡ​റ​ല്‍ ഏ​വി​യേ​ഷ​ന്‍ അ​ഡ്മി​നി​സ്ട്രേ​ഷ​ന്‍ 1996 മു​ത​ല്‍ ക​ണ​ക്കെ​ടു​പ്പ് ന​ട​ത്തേ​ണ്ട​തി​ല്ലെ​ന്ന് തീ​രു​മാ​നി​ക്കു​ക​യാ​യി​രു​ന്നു. ഹൈ​ജാ​ക്കി​നും ഹൈ​ജാ​ക്ക് ഭീ​ഷ​ണി​ക്കും ഈ ​ക​ണ​ക്കെ​ടു​പ്പു​പോ​ലും ഉ​ണ്ടാ​യി​ട്ടി​ല്ല.

ഇ​ന്ത്യ​യി​ലോ?

ഇ​ന്ത്യ​യി​ല്‍ യാ​ത്രാ​വി​മാ​ന​ങ്ങ​ള്‍​ക്കു നേ​രെ​യു​ണ്ടാ​കു​ന്ന ബോം​ബ് ഭീ​ഷ​ണി​ക​ളി​ല്‍ അ​സാ​ധാ​ര​ണ കു​തി​ച്ചു​ചാ​ട്ടം 2024ലു​ണ്ടാ​യി എ​ന്നാ​ണ് ക​ണ​ക്കു​ക​ളി​ല്‍ വ്യ​ക്ത​മാ​കു​ന്ന​ത്. അ​മേ​രി​ക്ക​യി​ലെ​ന്ന​പോ​ലെ ഹൈ​ജാ​ക്ക് ഭീ​ഷ​ണി​ക​ള്‍​ക്ക് ഇ​ന്ത്യ​യി​ലും ക​ണ​ക്കൊ​ന്നു​മി​ല്ല. ഇ​ന്ത്യ​യി​ലെ ബോം​ബു ഭീ​ഷ​ണി​ക​ളെ​ല്ലാം ത​ന്നെ വ്യാ​ജ​മാ​യി​രു​ന്നു എ​ങ്കി​ലും അ​തു​കൊ​ണ്ട് എ​യ​ര്‍​ലൈ​നു​ക​ള്‍​ക്കും യാ​ത്ര​ക്കാ​ര്‍​ക്കും ഉ​ണ്ടാ​യ ബു​ദ്ധി​മു​ട്ടു​ക​ള്‍​ക്ക് കു​റ​വൊ​ന്നു​മു​ണ്ടാ​യി​രു​ന്നി​ല്ല.

വി​മാ​ന​ത്തി​ലെ ടോ​യ്‌​ല​റ്റി​ല്‍, ടി​ഷ്യു പേ​പ്പ​റി​ല്‍ ലി​പ്സ്റ്റി​ക്കു​കൊ​ണ്ട് ബോം​ബ് എ​ന്ന് എ​ഴു​തി​യി​രി​ക്കു​ന്ന​ത് ക​ണ്ടെ​ത്തി​യ സം​ഭ​വ​ത്തി​ലും വി​മാ​നം മൊ​ത്തം ഒ​ഴി​പ്പി​ച്ച്, യാ​ത്ര​ക്കാ​രെ​യും ല​ഗേ​ജും പ​രി​ശോ​ധി​ക്കു​ക​യാ​യി​രു​ന്നു സ്വാ​ഭാ​വി​ക​മാ​യ പ്ര​തി​ക​ര​ണം. പു​റ​പ്പെ​ടാ​നൊ​രു​ങ്ങു​ന്ന വി​മാ​ന​ത്തി​ല്‍ ബോം​ബു​ണ്ട് എ​ന്നു ഫോ​ണ്‍ വി​ളി​ച്ച​റി​യി​ച്ച​ത് ആ​രാ​ണെ​ന്ന് ഒ​രി​ക്ക​ലും വ്യ​ക്ത​മാ​കാ​ത്ത​പ്പോ​ഴും ആ ​വി​മാ​ന​വും പി​ടി​ച്ചി​ട്ട്, പ​രി​ശോ​ധി​ക്കാ​തി​രി​ക്കാ​ന്‍ വ്യോ​മ​സു​ര​ക്ഷ ച​ട്ട​ങ്ങ​ള്‍ അ​നു​വ​ദി​ക്കു​ന്നു​മി​ല്ല.

Tags : SUNDAY DEEPIKA Dane Milne’s cabin crew’s vigilance Sunday