പ്ര​ഭാ​ത​ത്തി​ലും സാ​യ​ന്ത​ന​ത്തി​ലും ഓ​രോ ക​വി​ത​ക​ൾ​വീ​തം... അ​തും പ്ര​കൃ​തി​യു​ടെ ഊ​ർ​ജ​കേ​ന്ദ്ര​മാ​യ സൂ​ര്യ​നെ​ക്കു​റി​ച്ച്... പ്ര​ത്യൂ​ഷ കീ​ർ​ത്ത​നം എ​ന്ന​പേ​രി​ൽ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ഹേ​മ ആ​ന​ന്ദ് എ​ന്ന വീ​ട്ട​മ്മ ര​ചി​ക്കു​ന്ന ക​വി​ത​ക​ളു​ടെ എ​ണ്ണം ര​ണ്ടാ​യി​രം ക​വി​ഞ്ഞു. ഇ​തി​നോ​ട​കം സൃ​ഷ്ടി​ച്ച​ത് 40ലേ​റെ പു​തി​യ വൃ​ത്ത​ങ്ങ​ൾ!.

2019 മാ​ർ​ച്ച് 15 ന് ​ഒ​രു വാ​ട്ട്സ്ആ​പ്പ് കൂ​ട്ടാ​യ്മ​യി​ൽ​വ​ന്ന ഒ​രു പൂ​വി​ന്‍റെ ചി​ത്രം​കാ​ണി​ച്ച് എ​ന്തെ​ങ്കി​ലു​മെ​ഴു​താ​മോ എ​ന്ന ചോ​ദ്യ​ത്തി​നു​ത്ത​ര​മാ​യി​ട്ടാ​ണ് മ​ല​പ്പു​റം കാ​ളി​കാ​വ് പൂ​ങ്ങോ​ട് മ​ണ​പ്പാ​ട്ട് വീ​ട്ടി​ൽ ഹേ​മ ആ​ന​ന്ദ് എ​ന്ന വീ​ട്ട​മ്മ ക​വി​ത​യു​ടെ ലോ​ക​ത്തേ​ക്കു​ക​ട​ന്ന​ത്. ആ​ദ്യം ഗ​ദ്യ​ക​വി​ത​ക​ളാ​യി​രു​ന്നു.

പി​ന്നീ​ട​ത് വൃ​ത്ത​കേ​ന്ദ്രീ​കൃ​ത​മാ​യ ക​വി​ത​ക​ളാ​യി. ആ​കെ എ​ഴു​തി​യ ക​വി​ത​ക​ളും ശ്ലോ​ക​ങ്ങ​ളു​മ​ട​ക്കം ര​ണ്ടാ​യി​ര​ത്തി​നു മു​ക​ളി​ൽ ര​ച​ന​ക​ൾ പൂ​ർ​ത്തി​യാ​യി​ട്ടു​ണ്ടെ​ങ്കി​ലും സൂ​ര്യ​ന്‍റെ ഉ​ദ​യ​വും അ​സ്ത​മ​ന​വും കേ​ന്ദ്രീ​ക​രി​ച്ച് എ​ഴു​തു​ന്ന പ്ര​ത്യു​ഷ​കീ​ർ​ത്ത​ന​ത്തി​നു ത​ന്നെ​യാ​യി​രു​ന്നു മു​ൻ​തൂ​ക്കം."​സൂ​ര്യ​നാ​ണ് പ്ര​കൃ​തി​യു​ടെ ഊ​ർ​ജ കേ​ന്ദ്ര​മെ​ന്നാ​ണ് സ​യ​ൻ​സ് പ​റ​യു​ന്ന​ത്. പ​ണ്ടു​മു​ത​ൽ​ക്കേ സൂ​ര്യാ​രാ​ധ​ന​യു​ണ്ടാ​യി​രു​ന്ന​താ​യും പ​റ​യ​പ്പെ​ടു​ന്നു.

സൂ​ര്യ​നെ ന​മ്മു​ടെ ജ​ന്മ​ദാ​താ​വാ​യും ഭൂ​മി​യെ അ​മ്മ​യാ​യും ക​രു​തു​ന്ന സ​ങ്ക​ല്പം ചെ​റു​പ്പ​ത്തി​ലേ എ​ന്‍റെ മ​ന​സ്സി​ലു​റ​ച്ചി​രു​ന്നു. ഓ​രോ ദി​വ​സ​വും ഉ​ദ​യ​ത്തി​ന് മാ​റ്റ​ങ്ങ​ൾ സം​ഭ​വി​ക്കു​ന്നു. ജീ​വി​ത​ത്തി​ലെ പ​ല പ​രീ​ക്ഷ​ണ​ങ്ങ​ൾ​ക്കു​മു​ള്ള മ​റു​പ​ടി പ്ര​കൃ​തി പ​റ​യാ​തെ പ​റ​യു​ന്ന​തു ഞാ​ന​റി​ഞ്ഞു. അ​തോ​ടെ ഉ​ദ​യ​സ​മ​യ​ത്തു​ണ്ടാ​കു​ന്ന മാ​റ്റ​ങ്ങ​ളെ നി​രീ​ക്ഷി​ക്കാ​നും എ​ഴു​താ​നും തു​ട​ങ്ങി.

പൂ​ർ​വി​ക​രു​ടെ സ​ങ്ക​ല്പ​ങ്ങ​ളും പ്ര​കൃ​തി​യു​ടെ മാ​റ്റ​ങ്ങ​ളും ചേ​ർ​ത്തെ​ഴു​തു​മ്പോ​ൾ അ​തി​ലൊ​രു സ​ന്ദേ​ശം​കൂ​ടെ ഉ​ൾ​പ്പെ​ടു​ത്താ​ൻ ശ്ര​മി​ക്കു​ന്നു. '- ത​ന്‍റെ ക​വി​താ പ​ര​ന്പ​ര​യെ​ക്കു​റി​ച്ച് ഹേ​മ പ​റ​യു​ന്ന​തി​ങ്ങ​നെ​യാ​ണ്.​ക​വി​ത​യെ​ഴു​തി​ത്തു​ട​ങ്ങി​യ സ​മ​യ​ത്ത് ചി​ല വാ​ട്സാ​പ്പ് സാ​ഹി​ത്യ ഗ്രൂ​പ്പു​ക​ളി​ൽ രാ​വി​ലെ നാ​ലു​വ​രി​ക​ളാ​ണെ​ഴു​തി​യി​രു​ന്ന​ത്. പി​ന്നീ​ട​വ എ​ട്ടു​വ​രി​ക​ളാ​ക്കി. അ​പ്പോ​ളാ​ണ് 14 വ​രി​ക​ളാ​ക്കി​ക്കൂ​ടേ എ​ന്നൊ​രു നി​ർ​ദേ​ശം​വ​ന്ന​ത്.

പി​ന്നീ​ട​ങ്ങ​നെ 16- 20 വ​രി​ക​ളാ​യി. ആ​ദ്യ​മെ​ല്ലാം വൃ​ത്ത​മെ​ന്ന​ത് കി​ട്ടാ​ക്ക​നി​യാ​യി. ഒ​ടു​വി​ൽ വൃ​ത്തം പ​ഠി​ക്കാ​നൊ​രു കൂ​ട്ടാ​യ്മ​യി​ൽ ചേ​ർ​ന്നെ​ങ്കി​ലും ഫ​ല​വ​ത്താ​യി​ല്ല. പി​ന്നീ​ട് മു​ര​ളി ബ​മ്മ​ണ്ണൂ​ർ, ഗോ​വി​ന്ദ​ൻ എ​ന്നി​വ​രാ​ണ് ആ​ദ്യ​പാ​ഠ​ങ്ങ​ൾ പ​റ​ഞ്ഞു​ത​ന്ന​ത്. ശ്രീ​നാ​രാ​യ​ണ​ൻ മൂ​ത്തേ​ട​ത്താ​ണ് എ​ന്നെ ദേ​ഷ്യ​പ്പെ​ട്ടും ഉ​പ​ദേ​ശി​ച്ചും വൃ​ത്ത​ത്തി​ൽ തെ​റ്റി​ല്ലാ​തെ​യെ​ഴു​താ​ൻ സ​ഹാ​യി​ച്ച​ത്.

പി​ന്നെ വി​നോ​ദ് പെ​രു​വ, പി​ന്നീ​ടി​പ്പോ​ൾ പ്ര​ഫ. ശ്രീ​ല​കം വേ​ണു​ഗോ​പാ​ൽ, ജോ​സ​ഫ് ബേ​ബി, വാ​സു​ദേ​വ​നു​ണ്ണി... ഗു​രു​സ്മ​ര​ണീ​യ​ർ ഏ​റെ​യു​ണ്ട്. ശ്രീ​ല​കം​സാ​റി​നെ ക​ണ്ടു​മു​ട്ടി​യ​തി​നു ശേ​ഷ​മാ​ണ് എ​ഴു​ത്തി​ൽ ഒ​രു​പാ​ടു മാ​റ്റ​ങ്ങ​ളു​ണ്ടാ​യ​ത്.​ഏ​ഴാം ക്ലാ​സ്സി​ൽ പ​ഠി​ക്കു​മ്പോ​ൾ എ​ന്തൊ​ക്കെ​യോ എ​ഴു​തി​യി​രു​ന്നെ​ങ്കി​ലും ആ​രെ​യും കാ​ണി​ക്കാ​നു​ള്ള ധൈ​ര്യ​മു​ണ്ടാ​യി​രു​ന്നി​ല്ല. അ​ഞ്ചു​മു​ത​ൽ ഡി​ഗ്രി വ​രെ​യു​ള്ള കാ​ല​യ​ള​വി​ൽ സം​സ്കൃ​തം പ​ഠി​ച്ച​തും ഗു​ണം​ചെ​യ്തു- ഹേ​മ പ​റ​യു​ന്നു.

14 വ​ർ​ഷ​ത്തോ​ളം വാ​ണി​യ​ന്പ​ലം ജി​എ​ച്ച്എ​സ്എ​സി​ൽ ഐ​ടി അ​ധ്യാ​പി​ക​യാ​യി​രു​ന്നു. ഇ​തു​വ​രെ മൂ​ന്നു പു​സ്ത​ക​ങ്ങ​ൾ പ്ര​സി​ദ്ധീ​ക​രി​ച്ചു. ഒ​രു പു​സ്ത​കം ബാ​ല​സാ​ഹി​ത്യ​വി​ഭാ​ഗ​ത്തി​ലാ​ണ്. കു​ട്ടി​ക​ൾ​ക്ക് അ​ക്ഷ​ര​പ്പാ​ട്ടു​ക​ൾ എ​ന്നാ​ണ​തി​ന്‍റെ പേ​ര്. ബാ​ല​സാ​ഹി​ത്യ​വി​ഭാ​ഗ​ത്തി​ൽ ക​വി​ത​ക​ൾ വേ​റെ​യു​മെ​ഴു​തി​യി​ട്ടു​ണ്ട്- അ​ക്ഷ​ര​പ്പാ​ട്ടു​ക​ൾ, അ​ക്ക​പ്പാ​ട്ടു​ക​ൾ, ഗു​ണ​പാ​ഠ​ക​വി​ത​ക​ൾ തു​ട​ങ്ങി പ​ല​തും.101 പ്ര​ത്യൂ​ഷ​കീ​ർ​ത്ത​ന​ങ്ങ​ൾ സ​മാ​ഹ​രി​ച്ച് പു​സ്ത​ക​മാ​ക്കി​യി​ട്ടു​ണ്ട്.

രാ​മാ​യ​ണ​ത്തെ അ​ധി​ക​രി​ച്ചെ​ഴു​തി​യ ക​വി​താ​സ​മാ​ഹാ​രം സാ​കേ​ത​ദ്ധ്വ​നി​ക​ൾ എ​ന്ന പേ​രി​ലാ​ണ് പ്ര​സി​ദ്ധീ​ക​രി​ച്ചി​രി​ക്കു​ന്ന​ത്. ഹേ​മ​ദീ​പ്തം, പ്രി​യ​ദം, ശ്രീ​മ​യം, ശു​ഭ​ഗീ​തി​ക, അം​ബു​ജ​ദ​ളം, ശി​വ​ശ​ങ്ക​രം, ഹൈ​മ​വ​തി, നീ​ലാം​ബ​രി, പ്ര​മ​ദ​ധ്വ​നി, ന​വ​മ​ല്ലി​ക, സ​ര​സാം​ഗി തു​ട​ങ്ങി നാ​ല്പ​തി​ലേ​റെ പു​തി​യ വൃ​ത്ത​ങ്ങ​ളു​ടെ സൃ​ഷ്ടി​യും ഹേ​മ ന​ട​ത്തി. ല​ളി​ത​ഗാ​ന​ങ്ങ​ൾ, ഭ​ക്തി​ഗാ​ന​ങ്ങ​ൾ തു​ട​ങ്ങി​യ​വ​യു​ടെ ആ​ൽ​ബ​ങ്ങ​ളി​ലേ​ക്കും പാ​ട്ടു​ക​ളെ​ഴു​തി. ക​വി​ത എ​ന്ന വി​ഷ​യ​മ​ടി​സ്ഥാ​ന​മാ​ക്കി എ​ൺ​പ​തോ​ളം ശ്ലോ​ക​ങ്ങ​ൾ ശാ​ർ​ദ്ദൂ​ല​വി​ക്രീ​ഡി​തം എ​ന്ന വൃ​ത്ത​ത്തി​ലു​മെ​ഴു​തി.

തൃ​ശൂ​ർ ജി​ല്ല​യി​ലെ പാ​ർ​ളി​ക്കാ​ട് നാ​രാ​യ​ണ​ൻ ന​മ്പീ​ശ​ന്‍റെ​യും ദേ​വ​കി ബ്രാ​ഹ്മ​ണി​യ​മ്മ​യു​ടെ​യും മ​ക​ളാ​യി ജ​നി​ച്ച ഹേ​മ മ​ല​പ്പു​റം കാ​ളി​കാ​വ് പ​ഞ്ചാ​യ​ത്തി​ലെ പൂ​ങ്ങോ​ട് ഗ്രാ​മ​ത്തി​ലെ ക​ർ​ഷ​ക​നാ​യ പി.​എം. ആ​ന​ന്ദ​ന്‍റെ പ​ത്നി​യാ​ണ്. മീ​ര, മാ​യ എ​ന്നീ ര​ണ്ടു​പെ​ൺ​മ​ക്ക​ളാ​ണി​വ​ർ​ക്ക്.