ലൗ​ഡ് സ്പീ​ക്ക​റു​ക​ളി​ലൂ​ടെ എ​ത്തു​ന്ന ചി​ല​ന്പി​ച്ച ശ​ബ്ദ​ത്തി​ലു​ള്ള പാ​ട്ടു​ക​ൾ.., അ​നൗ​ൺ​സ്മെ​ന്‍റു​ക​ൾ.., വാ​രി​വി​ത​റു​ന്ന നോ​ട്ടീ​സു​ക​ൾ... കൊ​ട്ട​ക​യി​ലെ മ​ണ​ൽ​നി​റ​ഞ്ഞ ത​റ... മ​ല​യാ​ളി​യു​ടെ ക​ഴി​ഞ്ഞു​പോ​യ സി​നി​മാ​ക്കാ​ലം ഓ​ർ​മ​യു​ടെ തി​ര​ശീ​ല​യി​ൽ തെ​ളി​യു​ന്പോ​ൾ...

ടെ​ലി​വി​ഷ​നും മൊ​ബൈ​ല്‍ ഫോ​ണു​മൊ​ന്നും ആ​രു​ടെ​യും ഭാ​വ​ന​യി​ലോ സ്വ​പ്ന​ത്തി​ലോ വ​രാ​ത്ത കാ​ലം. പ​ര​മ്പു​മ​റ​യ്ക്കു മു​ക​ളി​ല്‍ മു​ള​നി​ര​ത്തി അ​തി​ല്‍ ഓ​ല​മേ​ഞ്ഞ കൊ​ട്ട​ക. പ​ടം തു​ട​ങ്ങു​ന്ന​തി​ന് അ​ര​മ​ണി​ക്കൂ​ര്‍ മു​ന്പേ കൊ​ട്ട​ക​യു​ടെ ഉ​ച്ചി​യി​ലും മ​ര​ത്തി​ലും കെ​ട്ടി​യ കോ​ളാ​മ്പി സ്പീ​ക്ക​റു​ക​ളി​ലൂ​ടെ പ​റ​പ​റാ ശ​ബ്ദ​ത്തി​ല്‍ പ​ഴ​യ​കാ​ല മ​ല​യാ​ളം, ത​മി​ഴ്പാ​ട്ടു​ക​ള്‍ ഒ​ഴു​കി​ത്തു​ട​ങ്ങു​ന്നു..​ആ പാ​ട്ടു​ക​ൾ കേ​ള്‍​ക്കാ​ന്‍​മാ​ത്രം കൊ​ട്ട​ക​യ്ക്കു ചു​റ്റും ആ​ളു​കൂ​ടി​യി​രി​ക്കും. യേ​ശു​ദാ​സി​ന്‍റെ​യും പി. ​ലീ​ല​യു​ടെ​യും ക​മു​ക​റ പു​രു​ഷോ​ത്ത​മ​ന്‍റെ​യു​മൊ​ക്ക ഭ​ക്തി​ഗാ​ന​ങ്ങ​ളാ​യി​രി​ക്കും ആ​ദ്യം.

പാ​ട്ടു​ക​ളു​ടെ ഇ​ട​വേ​ള​ക​ളി​ല്‍ സി​നി​മ​യു​ടെ​യും താ​ര​നി​ര​യു​ടെ​യും പേ​രും ക​ഥ​യു​ടെ ചു​രു​ക്ക​വും അ​നൗ​ണ്‍​സ് ചെ​യ്യു​ന്നു​ണ്ടാ​വും. തി​യ​റ്റ​ര്‍ ബെ​ല്ലി​ല്‍ കി​റു​കി​റാ ശ​ബ്ദം മു​ഴ​ങ്ങി​യാ​ലു​ട​ന്‍ മു​ന്‍​വ​ശ​ത്തെ ടി​ക്ക​റ്റു"​ക​ള്ളി'​ക്കു മു​ന്നി​ല്‍ തു​ട​ങ്ങും ഉ​ന്തും ത​ള്ളും. ക്യൂ​വി​ന് പു​ല്ലു​വി​ല​പോ​ലും ക​ല്പി​ക്കാ​ത്ത ക​രു​ത്ത​ന്‍​മാ​ര്‍ ഇ​ടി​ച്ചു​ക​യ​റി ടി​ക്ക​റ്റു വാ​ങ്ങും.

ത​റ ടി​ക്ക​റ്റി​ന് 50 പൈ​സ​യും ബ​ഞ്ചി​ന് ഒ​രു രൂ​പ​യും ക​സേ​ര​യ്ക്ക് ര​ണ്ടു രൂ​പ​യു​മൊ​ക്കെ നി​ര​ക്കു​ള്ള കാ​ല​മാ​യി​രു​ന്നു അ​ത്.​ടി​ക്ക​റ്റെ​ടു​ത്ത് നി​ര​ക്ക് എ​ഴു​തി​യി​രി​ക്കു​ന്ന വാ​തി​ലി​ന​ടു​ത്ത് അ​ത് കീ​റു​ന്ന​യാ​ളു​ടെ അ​ടു​ത്തേ​ക്കു പോ​ക​ണം. അ​യാ​ള്‍ ടി​ക്ക​റ്റ് പാ​തി കീ​റി​യെ​ടു​ത്തി​ട്ടേ അ​ക​ത്തേ​ക്കു​വി​ടൂ. മു​ന്നി​ലെ ത​റ ടി​ക്ക​റ്റു​കാ​ര്‍ പൂ​ഴി തെ​ളി​ഞ്ഞ മ​ണ​ലി​ല്‍ ഇ​രി​ക്ക​ണം.

അ​തി​നു പി​ന്നി​ല്‍ ബെ​ഞ്ച്. അ​തി​നും പി​ന്നി​ല്‍ ക​സേ​ര. തേ​ക്കു​തൂ​ണി​ല്‍ പ​ല​ക നി​ര​ത്തി​യ ബാ​ല്‍​ക്ക​ണി അ​പൂ​ര്‍​വം കൊ​ട്ട​ക​ക​ളി​ല്‍ മാ​ത്രം. കൊ​ട്ട​ക​യെ താ​ങ്ങി​നി​ർ​ത്തു​ന്ന ന​ടു​ത്തൂ​ണു​ക​ള്‍ പ​ല​പ്പോ​ഴും കാ​ഴ്ച​മ​റ​യ്ക്കും. അ​തി​നാ​ല്‍ തൂ​ണി​നു പി​ന്നി​ല്‍ ഇ​രി​പ്പി​ടം കി​ട്ടി​യാ​ൽ ര​സം പോ​യി. മേ​ല്‍​ക്കൂ​ര​യി​ലെ ഓ​ല​ക​ള്‍ പ​ഴ​കും​തോ​റും മ​ഴ​വെ​ള്ള​വും വെ​യി​ലും ത​ല​യി​ല്‍ പ​തി​ക്കും. മു​ന്നി​ലി​ക്കു​ന്ന​യാ​ള്‍ പൊ​ക്ക​ക്കാ​ര​നെ​ങ്കി​ല്‍ പി​ന്നി​ലി​രി​ക്കു​ന്ന​യാ​ളു​ടെ കാ​ര്യം പ​റ​യേ​ണ്ട​തു​മി​ല്ല.

സി​നി​മ തു​ട​ങ്ങു​ന്ന​തി​നു മു​ന്നോ​ടി​യാ​യി പ​ര​സ്യ​ങ്ങ​ള്‍ വ​രും. ലൈ​ഫ് ബോ​യ് സോ​പ്പ്, ഗ​ണേ​ശ് ബീ​ഡി, കു​ട്ടി​ക്യൂ​റ പൗ​ഡ​ര്‍, 501 ബാ​ര്‍ സോ​പ്പ് തു​ട​ങ്ങി​യ​വ​യു​ടെ പോ​റ​ല്‍​വീ​ണ സ്ലൈ​ഡു​ക​ള്‍. പ​ര​സ്യ​ങ്ങ​ള്‍ ക​ണ്ടു​ക​ണ്ടു ക്ഷ​മ​കെ​ട്ട​വ​രു​ടെ കൂ​ക്കു​വി​ളി​യും ചൂ​ള​മ​ടി​യും അ​സ​ഹ​നീ​യ​മാ​കു​മ്പോ​ഴാ​ണ് അ​തു നി​ർ​ത്തി പ​ടം ഓ​ടി​ക്കാ​ന്‍ തു​ട​ങ്ങു​ക.

ന​ഗ​ര​ങ്ങ​ളി​ലെ​യും ചെ​റു​പ​ട്ട​ണ​ങ്ങ​ളി​ലെ​യും പേ​രെ​ടു​ത്ത തി​യ​റ്റ​റു​ക​ളി​ല്‍ മാ​സ​ങ്ങ​ള്‍ ക​ളി​ച്ച​ശേ​ഷം പ​ടം ഗ്രാ​മ​ത്തി​ലെ കൊ​ട്ട​ക​യി​ല്‍ തെ​ളി​യു​മ്പോ​ള്‍ സ്ക്രീ​നി​ല്‍ പൊ​ട്ട​ലും ചീ​റ്റ​ലും മി​ന്ന​ലും സ്വാ​ഭാ​വി​കം. ഫി​ലിം റീ​ലി​നു മാ​ത്ര​മ​ല്ല പ്രൊ​ജ​ക്ട​റി​നു​മു​ണ്ടാ​യി​രി​ക്കും മോ​ശ​മ​ല്ലാ​ത്ത പ​ഴ​ക്കം.

ക​ണ്ണു​രു​ട്ടു​ന്ന കൊ​മ്പ​ന്‍​മീ​ശ​ക്കാ​ര​ന്‍ പോ​ലീ​സി​ന്‍റെ ചി​ത്രം ഉ​ള്‍​പ്പെ​ടെ "പു​ക​വ​ലി പാ​ടി​ല്ല' എ​ന്ന സ്ലൈ​ഡ് ആ​വ​ര്‍​ത്തി​ച്ചു കാ​ണി​ച്ചാ​ലും പേ​ടി​ക്കു​ന്ന​വ​രാ​യി​രു​ന്നി​ല്ല പ​തി​വു​പ്രേ​ക്ഷ​ക​ര്‍. ബീ​ഡി​വെ​ട്ട​വും അ​തി​ന്‍റെ പു​ക​യു​മി​ല്ലാ​തെ കൊ​ട്ട​ക​യി​ല്‍ ഇ​രി​ക്കാ​നാ​വി​ല്ല. സി​നി​മ ഓ​ടു​മ്പോ​ഴും ക​ട​ല​പ്പൊ​തി വി​ല്പ​ന​യ്ക്ക് ഇ​ട​വേ​ള​യി​ല്ല.

മ​റ​ക്കാ​നാ​കു​മോ ഫി​ലിം പെ​ട്ടി

കൊ​ട്ട​ക​യി​ലേ​ക്കു​ള്ള ഫി​ലിം പെ​ട്ടി​യു​ടെ വ​ര​വു​പോ​ക്കി​നു​മു​ണ്ടാ​യി​രു​ന്നു ന​ല്ല ശേ​ല്. തി​ള​ങ്ങു​ന്ന അ​ലു​മി​നി​യം പെ​ട്ടി​യി​ല്‍ ഫി​ലിം റോ​ള്‍ വെ​ള്ളി​യാ​ഴ്ച ഓ​ടി​ച്ചു​തു​ട​ങ്ങാ​ൻ പാ​ക​ത്തി​ന് ത​ലേ​ന്നു ബ​സി​ന്‍റെ മു​ക​ളി​ൽ​ക​യ​റി​യാ​ണ് വ​രി​ക.

പെ​ട്ടി ത​ല​യി​ല്‍​വ​ച്ച് ബ​സി​ന്‍റെ ഗോ​വ​ണി​യി​ലൂ​ടെ സാ​ഹ​സി​ക​മാ​യി ഇ​റ​ങ്ങു​ന്ന ചു​മ​ട്ടു​കാ​ര​ന്‍. പെ​ട്ടി തി​യ​റ്റ​റി​ലെ​ത്തി​ച്ചാ​ല്‍ ഓ​പ്പ​റേ​റ്റ​റു​ടെ നി​യ​ന്ത്ര​ണ​ത്തി​ലാ​ണ്. റീ​ലു​ക​ള്‍ വെ​ട്ട​ത്തി​ലേ​ക്കു പി​ടി​ച്ച് പൊ​ട്ട​ലോ മു​റി​വോ ച​ത​വോ ഉ​ണ്ടോ​യെ​ന്നു സൂ​ക്ഷ്മ​പ​രി​ശോ​ധ​ന.

പൊ​ട്ടി​യ​വ മു​റി​ച്ചു​മാ​റ്റി ഒ​ട്ടി​ക്കും. ഒ​രു സി​നി​മ ഓ​ടി​ത്തീ​രാ​ന്‍ ആ​റും ഏ​ഴും റീ​ലു​ക​ള്‍ മാ​റ്റ​ണം. ക​റ​ന്‍റു പോ​വു​ക​യോ ഫി​ലിം പൊ​ട്ടു​ക​യോ ചെ​യ്താ​ല്‍ അ​ക​ത്ത കൂ​ക്കു​വി​ളി മു​റു​കും. പ​ഴ​യ​കാ​ല​മ​ല്ലേ, കൊ​ട്ട​ക​യി​ലെ​ത്തു​ന്ന​വ​ര്‍​ക്ക് ഷ​ര്‍​ട്ടും മു​ണ്ടും നി​ര്‍​ബ​ന്ധ​മി​ല്ല. കൈ​ലി​യും തോ​ര്‍​ത്തും ധാ​രാ​ളം. പ​ഴ​യ​കാ​ല വ​ട​ക്ക​ന്‍​പാ​ട്ട് സി​നി​മ​ക​ള്‍​ക്കും പു​ണ്യ​പു​രാ​ണ ക​ഥ​ക​ള്‍​ക്കും ആ​സ്വാ​ദ​ക​രേ​റെ​യാ​യി​രു​ന്നു.

ആ​ക്‌​ഷ​ന്‍ സ്റ്റ​ണ്ട് സീ​നു​ക​ള്‍ വ​രു​മ്പോ​ള്‍ ആ​വേ​ശം അ​തി​രു​വി​ട്ട് എ​ഴു​ന്നേ​റ്റ് കൈ​യ​ടി​ക്കു​ന്ന​വ​ര്‍ പ​ല​രു​ണ്ടാ​കും.​പ​ടം മാ​റു​ന്ന​തി​നു ത​ലേ​ന്ന് ജീ​പ്പി​ല്‍ കോ​ളാ​മ്പി സ്പീ​ക്ക​ർ കെ​ട്ടി ഗ്രാ​മാ​ന്ത​ര​ങ്ങ​ളി​ലൂ​ടെ അ​നൗ​ണ്‍​സ്മെ​ന്‍റു​ണ്ടാ​കും. കൂ​ടെ നോ​ട്ടീ​സ് വി​ത​ര​ണ​വും. കാ​ള​വ​ണ്ടി​യി​ൽ ക​റ​ങ്ങി നോ​ട്ടീ​സ് വി​ത​റി​യി​രു​ന്ന കാ​ല​മു​ണ്ടാ​യി​രു​ന്നെ​ന്നും ഓ​ർ​ക്ക​ണം.

ഇ​താ, ഇ​ന്നു​മു​ത​ൽ...

വാ​ക്കു​ക​ള്‍ മു​ത്തു​മാ​ല​പോ​ലെ കോ​ര്‍​ത്ത് നാ​ട്ടു​കാ​രെ വി​സ്മ​യ​ത്തി​ല്‍ ആ​റാ​ടി​ക്കാ​ന്‍ സി​ദ്ധി​യു​ള്ള ശ​ബ്ദ​ക്കാ​ര​നാ​യി​രു​ന്നു പ​തി​വ് അ​നൗ​ണ്‍​സ​ര്‍. ചു​വ​പ്പും പ​ച്ച​യും മ​ഞ്ഞ​യും വെ​ള്ള​യും നി​റ​ങ്ങ​ളി​ല്‍ അ​ടി​ച്ചു​വ​രു​ന്ന നോ​ട്ടീ​സു​ക​ളി​ല്‍ സി​നി​മ​യു​ടെ പേ​രും താ​ര​ങ്ങ​ളു​ടെ ഫോ​ട്ടോ​ക​ളു​മു​ണ്ടാ​കും.

ക​ഥ, തി​ര​ക്ക​ഥ, സം​ഭാ​ഷ​ണം, ഗാ​ന​ര​ച​ന, സം​വി​ധാ​നം, നി​ര്‍​മാ​ണം എ​ന്നി​വ നി​ർ​വ​ഹി​ച്ച​വ​രു​ടെ പേ​രു​ക​ളും ക​ഥാ സം​ഗ്ര​ഹ​വും "ശേ​ഷം സ്ക്രീ​നി​ല്‍' എ​ന്നൊ​രു അ​ടി​ക്കു​റി​പ്പു​മു​ള്ള നോ​ട്ടീ​സി​നാ​യി കു​ട്ടി​ക​ള്‍ ജീ​പ്പി​നു പി​ന്നാ​ലെ ഓ​ടും.​ക​വ​ല​ക​ളി​ല്‍ നാ​ല​ഞ്ചു മി​നി​റ്റ് ജീ​പ്പ് നി​ർ​ത്തി​യി​ടും. അ​നൗ​ൺ​സ​റു​ടെ വാ​ക്ധോ​ര​ണി​യു​ടെ മി​ക​വി​ലാ​ണ് പ്രേ​ക്ഷ​ക​ര്‍ ആ​ക​ര്‍​ഷി​ക്ക​പ്പെ​ടു​ക.

മി​ന്നും​താ​ര​ങ്ങ​ളാ​യ സ​ത്യ​നും ന​സീ​റും ജ​യ​നും ഷീ​ല​യും ശാ​ര​ദ​യും മ​ത്സ​രി​ച്ച​ഭി​ന​യി​ച്ച അ​ന​ശ്വ​ര ചി​ത്രം, മ​നോ​ഹ​ര കു​ടും​ബ​ക​ഥ, ഇ​ത് നി​ങ്ങ​ളു​ടെ​യും ക​ഥ തു​ട​ങ്ങി​യ വാ​ക്കു​ക​ളു​ടെ ഇ​ട​വേ​ള​ക​ളി​ല്‍ ഹി​റ്റു​പാ​ട്ടു​ക​ളു​ടെ നാ​ലു വ​രി​യും.​പ​ട​ത്തി​ന്‍റെ വ​ര​വ​റി​യി​ച്ച് ത​ലേ​ന്നു​ത​ന്ന പോ​സ്റ്റ​റു​ക​ള്‍ ചു​വ​രു​ക​ളി​ലും പീ​ടി​ക പ​ല​ക ഭി​ത്തി​യി​ലും സ്ഥാ​നം​പി​ടി​ക്കും. ചൂ​ടു​വെ​ള്ള​ത്തി​ല്‍ മൈ​ദ ക​ല​ക്കി പോ​സ്റ്റ​ര്‍ ഒ​ട്ടി​ക്കു​ന്ന​തി​ലു​മു​ണ്ടാ​യി​രു​ന്നു ര​സ​ക്കാ​ഴ്ച.

ശ​നി, ഞാ​യ​ര്‍ മോ​ര്‍​ണിം​ഗ് ഷോ. ​ഹി​റ്റ് സി​നി​മ​ക​ള്‍​ക്ക് ദി​വ​സ​വും മോ​ര്‍​ണിം​ഗ് ഷോ. ​സാ​ധാ​ര​ണ ദി​വ​സ​ങ്ങ​ളി​ല്‍ മാ​റ്റി​നി​യും ഫ​സ്റ്റ് ഷോ​യും സെ​ക്ക​ന്‍​ഡ് ഷോ​യും. മൂ​ന്നു മ​ണി​ക്കൂ​ര്‍​വ​രെ ദൈ​ര്‍​ഘ്യ​മു​ണ്ടാ​യി​രു​ന്നു പ​ഴ​യ​കാ​ല സി​നി​മ​ക​ള്‍​ക്ക്. സ്കൂ​ള്‍ കു​ട്ടി​ക​ളെ സി​നി​മ കാ​ണി​ക്കാ​ന്‍ അ​ധ്യാ​പ​ക​ര്‍ ലൈ​ന്‍ ബ​സി​ല്‍ എ​ത്തി​ക്കു​ന്ന​തും കു​ട്ടി​ക​ള്‍​ക്കാ​യി സ്പെ​ഷ​ല്‍ ഷോ​യും പ​തി​വാ​യി​രു​ന്നു.

കാ​ലം മാ​യ്ക്കാ​ത്ത ഹി​റ്റു​ക​ള്‍

കൈ​കൊ​ണ്ടു പ്ര​വ​ര്‍​ത്തി​പ്പി​ക്കു​ന്ന ഫോ​ട്ടോ ഫോ​ണ്‍ പ്രൊ​ജ​ക്ട​ര്‍ മു​റി​യി​ലെ ര​ണ്ടു​മൂ​ന്നു ച​തു​ര​പ്പൊ​ത്തു​ക​ളി​ല്‍​നി​ന്ന് പു​ക​യും പൊ​ടി​യും​നി​റ​ഞ്ഞ വെ​ളി​ച്ച​മാ​യാ​ണ് സ്ക്രീ​നി​ല്‍ സി​നി​മ​ക്കാ​ഴ്ച​ക​ള്‍ പ​തി​യു​ക.

ഭാ​ര്യ, കു​ട്ടി​ക്കു​പ്പാ​യം, ജീ​സ​സ്, സ്നാ​പ​ക​യോ​ഹ​ന്നാ​ന്‍, ഭ​ക്ത​കു​ചേ​ല, ആ​ന വ​ള​ര്‍​ത്തി​യ വാ​ന​മ്പാ​ടി, അ​ള്‍​ത്താ​ര, അ​ധ്യാ​പി​ക, ജ്ഞാ​ന​സു​ന്ദ​രി, ജീ​വി​ത​നൗ​ക, ശ്രീ​രാ​മ പ​ട്ടാ​ഭി​ഷേ​കം, ഭ​ക്ത​രാ​മാ​യ​ണം, ന​ദി തു​ട​ങ്ങി എ​ത്ര​യോ സി​നി​മ​ക​ള്‍. പ്ര​ദ​ര്‍​ശ​ന​ത്തി​ന്‍റെ അ​ന്പ​താം ദി​വ​സം, നൂ​റാം ദി​വ​സം, നൂ​റ്റ​ന്പ​താം ദി​വ​സം, ഇ​രു​നൂ​റാം ദി​വ​സം തു​ട​ങ്ങി​യ പോ​സ്റ്റ​റു​ക​ളും പ​ര​സ്യ​ങ്ങ​ളും ക​ണ്ടാ​ണ് പ്രേ​ക്ഷ​ക​ര്‍ സി​നി​മ​ക​ളു​ടെ ജ​യ​പ​രാ​ജ​യം വി​ധി​ച്ചി​രു​ന്ന​ത്.

ഉ​മ്മ, കു​ട്ടി​ക്കു​പ്പാ​യം, ഭാ​ര്യ, ഉ​ണ്ണി​യാ​ര്‍​ച്ച, നീ​ല​ക്കു​യി​ല്‍, ഭാ​ര്‍​ഗ​വീ​നി​ല​യം, മു​ടി​യ​നാ​യ പു​ത്ര​ന്‍, ചെ​മ്മീ​ന്‍ തു​ട​ങ്ങി​യ​വ​യൊ​ക്കെ ഒ​രേ തി​യ​റ്റ​റി​ല്‍ മാ​സ​ങ്ങ​ള്‍ ഓ​ടി. ആ​ക്ഷ​ന്‍ ഹീ​റോ ജ​യ​ന്‍റെ അ​വ​താ​ര​ത്തോ​ടെ അ​ങ്ങാ​ടി, ക​രി​മ്പ​ന, മൂ​ര്‍​ഖ​ന്‍ തു​ട​ങ്ങി​യ ചി​ത്ര​ങ്ങ​ളു​ടെ വി​ജ​യാ​ഘോ​ഷ​ങ്ങ​ൾ പ​തി​വാ​യി.

കൊ​ട്ട​ക​യി​ലേ​ക്ക് കാ​റി​ലും ജീ​പ്പി​ലും വ​രു​ന്ന​വ​ര്‍ വി​ര​ളം. ഏ​റെ​പ്പേ​രും ന​ട​ന്നോ സൈ​ക്കി​ളി​ലോ ആ​വും എ​ത്തു​ക. മു​റ്റ​ത്ത് ത​ക​ര​പ്പാ​ളി മേ​ഞ്ഞ സൈ​ക്കി​ള്‍ ഷെ​ഡ്ഡു​ണ്ടാ​കും. കാ​രി​യ​റി​ലും ത​ണ്ടി​ലു​മി​രു​ന്ന് ര​ണ്ടും മൂ​ന്നും പേ​ർ എ​ത്തു​ന്ന സൈ​ക്കി​ളു​ക​ൾ. അ​ക്കാ​ല​ത്തൊ​ക്കെ സൈ​ക്കി​ളു​ക​ള്‍ കൂ​ടു​ത​ലാ​യി മോ​ഷ​ണം​പോ​യി​രു​ന്ന​ത് സി​നി​മാ കൊ​ട്ട​ക​ക​ളി​ല്‍ നി​ന്നാ​ണ്!

പ​ടം ക​ണ്ടു​വ​രു​ന്ന​വ​ര്‍ മാ​ട​ക്ക​ട​യി​ലും പീ​ടി​ക​യി​ലും മ​ര​ത്ത​ണ​ലി​ലും പ​ണി​യി​ട​ത്തു​മൊ​ക്കെ സി​നി​മാ​ക്ക​ഥ പ​റ​യു​മ്പോ​ള്‍ കാ​ണാ​ത്ത​വ​ര്‍ വി​സ്മ​യ​ത്തോ​ടെ കേ​ട്ടി​രി​ക്കും. സി​നി​മാ​ക്ക​ഥ പ​റ​ച്ചി​ല്‍ പ​ഴ​യ​കാ​ല​ത്ത അ​ത്യു​ഗ്ര​ൻ നേ​ര​മ്പോ​ക്കാ​യി​രു​ന്നു. അ​ന്നും താ​രാ​രാ​ധ​ന​യ്ക്ക് കു​റ​വു​ണ്ടാ​യി​രു​ന്നി​ല്ല. ചെ​റു​പ്പ​ക്കാ​രു​ടെ മു​ടി​വെ​ട്ട്, മു​ടി​കെ​ട്ട്, കൃ​താ​വ്, മീ​ശ, ഷ​ര്‍​ട്ട്, പാ​ന്‍റ് എ​ന്നി​വ​യൊ​ക്കെ താ​ര​ങ്ങ​ളെ അ​നു​ക​രി​ച്ചാ​യി​രു​ന്നു.

ജീ​വ​നും ജീ​വി​ത​വും സി​നി​മ

ഫ​സ്റ്റ് ക്ലാ​സ്, സെ​ക്ക​ന്‍​ഡ് ക്ലാ​സ് എ​ന്നൊ​ന്നും കൊ​ട്ട​ക​ഭാ​ഷ​യി​ലി​ല്ല. ത​റ, ബ​ഞ്ച്, ക​സേ​ര എ​ന്നൊ​ക്കെ​യേ പ​റ​യൂ. ന​ല്ല പ​ട​ത്തി​ന് ദി​വ​സ​ങ്ങ​ളോ​ളം കാ​ഴ്ച​ക്കാ​രു​ണ്ടാ​കും. ഇ​ഷ്ട​താ​ര​ങ്ങ​ളു​ടെ സി​നി​മ ഒ​ന്നി​ലേ​റെ ത​വ​ണ കാ​ണു​ന്ന​വ​രു​മു​ണ്ടാ​യി​രു​ന്നു. മാ​റ്റി​നി​ക്കും ഫ​സ്റ്റ് ഷോ​യ്ക്കു​മാ​ണ് കൂ​ടു​ത​ല്‍ ആ​സ്വാ​ദ​ക​ർ. ഹി​റ്റ് പ​ട​ങ്ങ​ള്‍ വ​രു​ന്ന ദി​വ​സം പ​ല​ര്‍​ക്കും ടി​ക്ക​റ്റ് കി​ട്ടാ​തെ​വ​രും.

പ​ടം​ക​ണ്ടാ​ലേ അ​ട​ക്കം​വ​രൂ എ​ന്നു​ള്ള​വ​രും കാ​ര്യ​മാ​യ പ​ണി​യി​ല്ലാ​ത്ത​വ​രും ക​വ​ല വ​ര്‍​ത്ത​മാ​ന​ക്കാ​രും അ​ടു​ത്ത ഷോ ​തു​ട​ങ്ങും​വ​രെ കാ​ലി​ച്ചാ​യ കു​ടി​ച്ചും ക​ട്ട​ന്‍​ബീ​ഡി വ​ലി​ച്ചും സൊ​റ​പ​റ​ഞ്ഞി​രി​ക്കും. കൊ​ട്ട​ക​യി​ല്‍ നാ​ലു​ചു​റ്റും ക​റു​ത്ത പ​ടി​യു​ള്ള വെ​ള്ള​ത്തു​ണി​യി​ല്‍ മി​ന്നി​മ​റി​യു​ന്ന ബ്ലാ​ക്ക് ആ​ന്‍​ഡ് വൈ​റ്റ് സീ​നു​ക​ളി​ല്‍ തെ​ളി​യു​ന്ന ക​ഥ​യും പാ​ട്ടും ത​മാ​ശ​യും ആ​സ്വ​ദി​ക്കു​ന്ന​തി​ന്‍റെ മാ​സ്മ​രി​ക ര​സം ഒ​ന്നു വേ​റെ​യാ​യി​രു​ന്നു.


കൊ​ട്ട​ക​യു​ടെ പു​റ​കി​ല്‍ ന​ടീ​ന​ട​ന്‍​മാ​ര്‍ നേ​രി​ട്ടെ​ത്തി അ​ഭി​ന​യി​ക്കു​ക​യാ​ണെ​ന്നു​പോ​ലും ചി​ല കു​ട്ടി​ക​ള്‍ വി​ശ്വ​സി​ച്ചു​പോ​യി​രു​ന്നു.​ചി​രി​പ്പ​ടം, ക​ണ്ണീ​ര്‍​പ്പ​ടം, ഇ​ടി​പ്പ​ടം എ​ന്നൊ​ക്കെ​യാ​ണ് ഓ​രോ സി​നി​മ​യ്ക്കും അ​ക്കാ​ല​ത്ത വി​ശേ​ഷ​ണം. പ്രേം​ന​സീ​ര്‍, സ​ത്യ​ന്‍, ഷീ​ല, മി​സ് കു​മാ​രി, ശാ​ര​ദ, അ​ടൂ​ര്‍ ഭാ​സി, എ​സ്.​പി. പി​ള്ള, കൊ​ട്ടാ​ര​ക്ക​ര ശ്രീ​ധ​ര​ന്‍ നാ​യ​ര്‍ തു​ട​ങ്ങി​യ സ്ഥി​രം​നി​ര​യു​ടെ ബ്ലാ​ക്ക് ആ​ന്‍​ഡ് വൈ​റ്റ് സി​നി​മ​ക​ൾ‍.

"ക​ണ്ടം​ബെ​ച്ച കോ​ട്ട്' 1961ല്‍ ​ഇ​റ​ങ്ങി​യ​പ്പോ​ഴാ​ണ് മ​ല​യാ​ളി​ക​ള്‍ ആ​ദ്യ​മാ​യി ഒ​രു ക​ള​ര്‍ സി​നി​മ ആ​സ്വ​ദി​ച്ച​തെ​ന്നോ​ര്‍​ക്ക​ണം. 1965ലെ ​ഓ​ണ​ത്തി​ന് ക​ള​റി​ല്‍ ഇ​റ​ങ്ങി​യ "ചെ​മ്മീ​ന്‍' ന​ഗ​ര​ങ്ങ​ളി​ൽ​നി​ന്ന് കൊ​ട്ട​ക​ക​ളി​ലെ​ത്താ​ന്‍ ര​ണ്ടു​വ​ര്‍​ഷം കാ​ത്തി​രി​ക്കേ​ണ്ടി​വ​ന്നു. ഇ​ക്കാ​ല​ത്ത് സൂ​പ്പ​ര്‍ സ്റ്റാ​റു​ക​ള്‍ ശ​ത​കോ​ടി പ്ര​തി​ഫ​ലം പ​റ്റു​മ്പോ​ള്‍ അ​ന്ന​ത്തെ താ​ര​ങ്ങ​ളു​ടെ നി​ര​ക്കു​കൂ​ടി അ​റി​ഞ്ഞോ​ളൂ. ആ​റേ​ഴു മാ​സ​മെ​ടു​ത്തു ചി​ത്രീ​ക​രി​ച്ച ചെ​മ്മീ​നി​ല്‍ സ​ത്യ​ന്‍ വാ​ങ്ങി​യ​ത് പ​ന്തീ​രാ​യി​രം രൂ​പ, മ​ധു​വി​ന് ര​ണ്ടാ​യി​രം രൂ​പ.

ഗ്രാ​മ​ക്ക​വ​ല​ക​ളു​ടെ സ്പ​ന്ദ​ന​മാ​യി​രു​ന്ന കൊ​ട്ട​ക​ക​ളി​ല്‍ സി​നി​മ ആ​സ്വ​ദി​ക്കു​ന്ന​തി​ല്‍ വ​ലി​പ്പ​ച്ചെ​റു​പ്പ​മി​ല്ലാ​യി​രു​ന്നു. ന​ഗ​ര തി​യ​റ്റ​റു​ക​ളെ എ ​ക്ലാ​സ്, ബി ​ക്ലാ​സ് എ​ന്നൊ​ക്കെ വി​ശേ​ഷി​പ്പി​ക്കു​മ്പോ​ള്‍ ഗ്രാ​മീ​ണ കൊ​ട്ട​ക​ക​ള്‍ സി ​ക്ലാ​സി​ല്‍ എ​ണ്ണ​പ്പെ​ട്ടു. എ​ന്നാ​ല്‍ പ​ല സി​നി​മ​ക​ളും സാ​മ്പ​ത്തി​ക​മാ​യി പ​ച്ച​പി​ടി​ച്ച​ത് ഗ്രാ​മ​ക്കൊ​ട്ട​ക​ക​ളി​ല്‍ നി​റ​ഞ്ഞ സ​ദ​സി​ല്‍ ക​ളി​ച്ച​തു​കൊ​ണ്ടാ​യി​രു​ന്നു.

ഓ​ർ​മ​യി​ൽ ഒ​രു "ശു​ഭം'

ചെ​റു​പ​ട്ട​ണ​ങ്ങ​ളി​ല്‍​വ​രെ തി​യ​റ്റ​ര്‍ സ​മു​ച്ച​യ​ങ്ങ​ള്‍ വ​ന്ന​തോ​ടെ കൊ​ട്ട​ക പ്ര​ഭാ​വം അ​സ്ത​മി​ച്ചു​തു​ട​ങ്ങി. പ​ഴ​മ​ക്കാ​രു​ടെ മ​ന​സി​ല്‍ ഒ​ട്ടേ​റെ കൊ​ട്ട​ക​ക​ളു​ടെ പേ​രു​ക​ള്‍ ഇ​പ്പോ​ഴും മി​ന്നു​ന്നു​ണ്ട്. കൊ​ട്ട​ക​ക​ൾ ആ​ള​ന​ക്ക​മി​ല്ലാ​തെ ഓ​രോ​ന്നാ​യി പൂ​ട്ടി. കാ​ടു​ക​യ​റി​യ​തോ​ടെ കൊ​ട്ട​ക​ക​ൾ ഉ​ട​മ​ക​ൾ വി​റ്റൊ​ഴി​വാ​ക്കി. പ്രൊ​ജ​ക്ട​റും ക​സേ​ര​ക​ളും ആ​ക്രി സാ​ധ​ന​ങ്ങ​ളാ​യി. ആ​ര്‍​ത്തു​ക​യ​റി​യ പ​ച്ച​പ്പ​ട​ർ​പ്പു​ക​ൾ​ക്കു ന​ടു​വി​ല്‍ നൊ​മ്പ​ര​ക്കാ​ഴ്ച​യാ​യി അ​പൂ​ര്‍​വം ഇ​ട​ങ്ങ​ളി​ല്‍ അ​സ്ഥി​പ​ഞ്ജ​രം​പോ​ലെ കൊ​ട്ട​ക​ത്ത​റ​ക​ള്‍ ശേ​ഷി​ക്കു​ന്നു​ണ്ട്.

ഡോ​ള്‍​ബി അ​റ്റ്മോ​സ് ശ​ബ്ദം മു​ഴ​ങ്ങു​ന്ന ഇ​ക്കാ​ല​ത്തെ മ​ൾ​ട്ടി​പ്ലെ​ക്സു​ക​ളു​മാ​യി പൊ​രു​ത്ത​പ്പെ​ട്ടു​പോ​യ​വ​ര്‍​ക്ക് ഓ​ല​ക്കൊ​ട്ട​ക​യു​ടെ ക​ഥ അ​വി​ശ്വ​സ​നീ​യ​മാ​യി തോ​ന്നാം. ഇ​ന്ന​ത്തെ കു​ട്ടി​ക​ള്‍​ക്ക് ക​ണ്ടു പ​രി​ച​യ​പ്പെ​ടാ​നാ​വാ​ത്ത വി​ധം, ക​വ​ല​ക​ളു​ടെ അ​ട​യാ​ള​മാ​യി​രു​ന്ന ടാ​ക്കീ​സു​ക​ള്‍ ക​ല്യാ​ണ മ​ണ്ഡ​പ​ങ്ങ​ളോ മാ​ളു​ക​ളോ പു​ത്ത​ൻ തി​യ​റ്റ​ര്‍ കോം​പ്ല​ക്സു​ക​ളോ ഒ​ക്കെ​യാ​യി മാ​റി​ക്ക​ഴി​ഞ്ഞി​രി​ക്കു​ന്നു. നോ​ട്ടീ​സു​ക​ളി​ൽ എ​ഴു​താ​റു​ള്ള​തു​പോ​ലെ, ശേ​ഷം കാ​ഴ്ച​യി​ൽ.. അ​ല്ല, ഓ​ർ​മ​യി​ൽ...