പ്രതീകാത്മക ചിത്രം
നിങ്ങൾ ഇൻസ്റ്റഗ്രാം സ്ക്രോൾ ചെയ്യുമ്പോൾ പെട്ടെന്ന് മുന്നിൽ വരുന്ന അശ്ലീല റീൽസ്, അക്രമം നിറഞ്ഞ വീഡിയോകൾ... ഫോളോ പോലും ചെയ്യാത്ത ഏതോ അക്കൗണ്ടിൽ നിന്ന് വരുന്നവ. ഇനി അവ കാണേണ്ടി വരില്ല.
ഇന്ത്യയിലെ ഉപഭോക്താക്കൾക്കായി കണ്ടന്റ് നിയന്ത്രണം കടുപ്പിച്ചിരിക്കുകയാണ് ഇൻസ്റ്റഗ്രാം.നിങ്ങൾ ഫോളോ ചെയ്യാത്ത അക്കൗണ്ടുകളിൽ നിന്ന് Reels, Explore, Feed എന്നിവിടങ്ങളിൽ റെക്കമൻഡ് ചെയ്യുന്ന വീഡിയോകളിലാണ് നിയന്ത്രണം.
അശ്ലീല സൂചന നൽകുന്ന, അക്രമം കാണിക്കുന്ന ഉള്ളടക്കങ്ങൾ AI ഉപയോഗിച്ച് കണ്ടെത്തി റെക്കമൻഡേഷനിൽ നിന്ന് ഒഴിവാക്കും. പോസ്റ്റ് ഡിലീറ്റ് ചെയ്യില്ല, പക്ഷെ ആരുടെയും മുന്നിൽ എത്തിക്കില്ല.
കേന്ദ്ര സർക്കാർ ഒക്ടോബർ പത്തിന് മെറ്റയ്ക്ക് കർശന നിർദേശം നൽകിയിരുന്നു. തെറ്റിദ്ധരിപ്പിക്കുന്ന, അക്രമം പ്രോത്സാഹിപ്പിക്കുന്ന ഉള്ളടക്കങ്ങൾ അൽഗോരിതം വഴി പ്രചരിപ്പിക്കരുത് എന്നായിരുന്നു നിർദേശം. അതിന് പിന്നാലെയാണ് മെറ്റയുടെ ഈ പ്രഖ്യാപനം.ഇതോടെ ടീൻസ് അക്കൗണ്ടുകൾക്ക് കൂടുതൽ സുരക്ഷ കിട്ടും. Sensitive Content Control ൽ പോയി നിങ്ങൾക്ക് തന്നെ "Less" എന്ന ഓപ്ഷൻ സെറ്റ് ചെയ്യാനും കഴിയും.ചുരുക്കത്തിൽ, ഇൻസ്റ്റഗ്രാം ഇനി അൽപ്പം കൂടി 'ക്ലീൻ' ആകും.