താ​യ്‌​ല​ൻ​ഡി​ന്‍റെ ത​ല​സ്ഥാ​ന​മാ​യ ബാ​ങ്കോ​ക്കി​ൽ പൊ​തു​സ്ഥ​ല​ത്ത് വ​ഴി​യാ​ത്ര​ക്കാ​ർ​ക്ക് നേ​രെ തോ​ക്കി​നോ​ട് സാ​മ്യ​മു​ള്ള ലൈ​റ്റ​ർ കാ​ട്ടി ഭീ​ഷ​ണി മു​ഴ​ക്കി പൊ​തു​ജ​ന​ശ​ല്യ​മു​ണ്ടാ​ക്കി​യ സം​ഭ​വ​ത്തി​ൽ ഇ​ന്ത്യ​ൻ പൗ​ര​ൻ അ​റ​സ്റ്റി​ലാ​യി.

ന​ഗ​ര​ത്തി​ലെ പ്ര​ധാ​ന ഷോ​പ്പിം​ഗ് കേ​ന്ദ്ര​മാ​യ സി​യാം സ്ക്വ​യ​റി​ലാ​ണ് ഈ ​അ​സാ​ധാ​ര​ണ സം​ഭ​വം അ​ര​ങ്ങേ​റി​യ​ത്. സാ​ഹി​ൽ റാം ​ത​ഡാ​നി (41) എ​ന്ന​യാ​ളാ​ണ് നി​യ​മ​ന​ട​പ​ടി നേ​രി​ടു​ന്ന​ത്. ത​ഡാ​നി റോ​ഡി​ൽ നൃ​ത്തം ചെ​യ്യു​ക​യും ഉ​റ​ക്കെ ആ​ക്രോ​ശി​ക്കു​ക​യും പ​രി​സ​ര​ത്തു​ള്ള​വ​രെ അ​ധി​ക്ഷേ​പി​ക്കു​ക​യും ചെ​യ്യു​ന്ന​ത് ദൃ​ശ്യ​ങ്ങ​ളി​ൽ നി​ന്നും വ്യ​ക്ത​മാ​ണ്.

ഇ​യാ​ൾ തോ​ക്കി​ന്‍റെ രൂ​പ​ത്തി​ലു​ള്ള ലൈ​റ്റ​ർ ആ​ളു​ക​ൾ​ക്ക് നേ​രെ ചൂ​ണ്ടി ഭീ​ഷ​ണി​പ്പെ​ടു​ത്തി​യ​ത് പൊ​തു​ജ​ന​ങ്ങ​ളി​ൽ പ​രി​ഭ്രാ​ന്തി സൃ​ഷ്ടി​ച്ചു. സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ അ​തി​വേ​ഗം പ്ര​ച​രി​ച്ചു.



വീ​ഡി​യോ​യി​ൽ, സു​ര​ക്ഷാ ജീ​വ​ന​ക്കാ​ർ സ്ഥ​ല​ത്തെ​ത്തി​യി​ട്ടും ഇ​യാ​ൾ ത​റ​യി​ൽ ഇ​രി​ക്കു​ന്ന​തും അ​വ​രു​ടെ നി​ർ​ദ്ദേ​ശ​ങ്ങ​ൾ അ​വ​ഗ​ണി​ക്കു​ന്ന​തും കാ​ണാം. എ​ഴു​ന്നേ​ൽ​ക്കാ​ൻ ആ​വ​ശ്യ​പ്പെ​ട്ടി​ട്ടും വ​ഴ​ങ്ങാ​തെ വ​ന്ന​തോ​ടെ, സു​ര​ക്ഷാ ഉ​ദ്യോ​ഗ​സ്ഥ​ർ​ക്ക് ഇ​യാ​ളെ ബ​ല​പ്ര​യോ​ഗ​ത്തി​ലൂ​ടെ വ​ലി​ച്ചി​ഴ​ച്ച് മാ​റ്റേ​ണ്ടി വ​ന്നു.

ഈ ​സ​മ​യ​ത്ത് ഇ​യാ​ൾ ക​ര​യു​ന്ന​തും പോ​ലീ​സി​നെ വി​ളി​ക്കാ​ൻ ആ​വ​ശ്യ​പ്പെ​ടു​ന്ന​തും പി​ന്നീ​ട് ത​ന്‍റെ പ്ര​വൃ​ത്തി​ക്ക് ക്ഷ​മ ചോ​ദി​ക്കു​ന്ന​തും വീ​ഡി​യോ​യി​ലു​ണ്ട്. പോ​ലീ​സ് സ്ഥ​ല​ത്തെ​ത്തി ഇ​യാ​ളെ ക​സ്റ്റ​ഡി​യി​ലെ​ടു​ത്ത് പ​തും വാ​ൻ പോ​ലീ​സ് സ്റ്റേ​ഷ​നി​ലേ​ക്ക് മാ​റ്റി.

ഭീ​ഷ​ണി​പ്പെ​ടു​ത്ത​ൽ, പൊ​തു​ജ​ന​ശ​ല്യം ഉ​ണ്ടാ​ക്ക​ൽ എ​ന്നീ കു​റ്റ​ങ്ങ​ളാ​ണ് ത​ഡാ​നി​ക്കെ​തി​രെ ചു​മ​ത്തി​യി​ട്ടു​ള്ള​ത്. ഇ​യാ​ളു​ടെ അ​ക്ര​മാ​സ​ക്ത​മാ​യ പെ​രു​മാ​റ്റ​ത്തി​ന് കാ​ര​ണം ക​ഞ്ചാ​വ് ഉ​പ​യോ​ഗി​ച്ച​തി​ലൂ​ടെ​യു​ണ്ടാ​യ വി​ഭ്രാ​ന്തി​ക​ളാ​ണെ​ന്നാ​ണ് പ്രാ​ഥ​മി​ക അ​ന്വേ​ഷ​ണ​ത്തി​ൽ പോ​ലീ​സ് വി​ല​യി​രു​ത്തു​ന്ന​ത്.

കൂ​ടു​ത​ൽ അ​ന്വേ​ഷ​ണ​ത്തി​ൽ, ഇ​യാ​ൾ ഇ​ന്ത്യ​യി​ൽ പ്ര​വ​ർ​ത്ത​നം നി​ല​ച്ച മൂ​ന്ന് ക​മ്പ​നി​ക​ളു​ടെ മു​ൻ ഡ​യ​റ​ക്ട​റാ​യി​രു​ന്നു എ​ന്നും പോ​ലീ​സ് റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു.