പ്രതീകാത്മക ചിത്രം
തിരുവനന്തപുരം പാളയത്തെ ആ പഴയ പുസ്തക കട കണ്ടിട്ടുണ്ടോ ?റോഡരികിൽ, ഒരു മരച്ചുവട്ടിൽ,കെട്ട് കെട്ടായി അടുക്കി വെച്ച ആയിരക്കണക്കിന് പുസ്തകങ്ങൾ. മുകളിൽ ഒരു പ്ലാസ്റ്റിക് ഷീറ്റ് മാത്രം. അതാണ് കട.
വൈകുന്നേരം മറ്റു കടകളൊക്കെ അടച്ച് സാധനങ്ങൾ അകത്തേക്ക് എടുത്തു വെക്കും. പക്ഷെ ഈ പുസ്തക കട അങ്ങനെ ചെയ്യാറില്ല. രാത്രിയിലും പുസ്തകം അവിടെ തന്നെ കിടക്കും. മഴ നനയും, വെയിൽ കൊള്ളും. പക്ഷെ എടുത്തു വെക്കില്ല.എന്തുകൊണ്ടെന്ന് ചോദിച്ചാൽ, അവർക്ക് ഒരു ഉത്തരമേ ഉള്ളൂ. ഇപ്പോൾ സോഷ്യൽ മീഡിയയിൽ ആ ഉത്തരമാണ് വൈറൽ.
"കക്കുന്നവൻ വായിക്കില്ല, വായിക്കുന്നവൻ കക്കുകയുമില്ല"
എന്ത് സത്യമുള്ള വാക്ക് . കടയുടെ ചിത്രം സോഷ്യൽ മീഡിയയിൽ ഇട്ട് മണികൂറുകൾക്കുള്ളിൽ തന്നെ ചിത്രം ആളുകൾ ഏറ്റെടുത്തു കഴിഞ്ഞു.ചിന്തിച്ച് നോക്കൂ, മോഷ്ടിക്കാൻ വരുന്നവൻ പുസ്തകം മോഷ്ടിക്കുമോ? ഇല്ല. അവന് പുസ്തകത്തിന്റെ വില അറിയില്ല. പക്ഷെ വായിക്കാൻ വരുന്നവന് അതിന്റെ വില അറിയാം. അവൻ ഒരിക്കലും അത് മോഷ്ടിക്കില്ല. അവൻ വില കൊടുത്ത് വാങ്ങും.വായന മനുഷ്യനെ മോഷ്ടാവിൽ നിന്ന് മനുഷ്യനാക്കി മാറ്റും. അതാണ് ഈ കടക്കാരൻ നമ്മളെ പഠിപ്പിക്കുന്നത്.ഫോണിൽ റീൽസ് കണ്ട്, സ്ക്രോൾ ചെയ്ത് നമ്മൾ സമയം കളയുമ്പോൾ, പാളയത്തെ ആ മരച്ചുവട്ടിൽ ഇന്നും കുറച്ച് പുസ്തകങ്ങൾ ആരെയോ കാത്ത് കിടപ്പുണ്ട്. ആരെങ്കിലും വന്ന് തൊടാനും, വായിക്കാനും.