19

ഐപിഎൽ മത്സരങ്ങൾക്കിടയിൽ എന്നും ആവേശത്തിനും ആർപ്പുവിളികൾക്കും കുറവുണ്ടാകാറില്ലെങ്കിലും, ഇത്തവണത്തെ സൺറൈസേഴ്സ് ഹൈദരാബാദ്-ചെന്നൈ സൂപ്പർ കിംഗ്സ് പോരാട്ടം മൈതാനത്തിനപ്പുറം വലിയൊരു അത്ഭുതത്തിന് കൂടി വേദിയായിരിക്കുകയാണ്.

മത്സരത്തിനിടെ ഗാലറിയിൽ ഒരാൾ നടത്തിയ വിചിത്രമായൊരു പ്രവൃത്തിയാണ് ഇപ്പോൾ ക്രിക്കറ്റ് ലോകത്തെ ചൂടുള്ള ചർച്ചാവിഷയം. ചെന്നൈയുടെ നിർണായക താരം ശിവം ദുബെ ക്രീസിൽ നിൽക്കുമ്പോൾ, ഗാലറിയിൽ ഇരുന്ന ഒരാൾ നാരങ്ങ കയ്യിലെടുത്ത് എന്തോ മന്ത്രങ്ങൾ ഉരുവിടുന്നതും അത് ക്രീസിന് നേരെ കാണിക്കുന്നതും വീഡിയോയിൽ വ്യക്തമാണ്.

ആ നിമിഷം തന്നെ ബൗളർ സകീബ് ഹുസൈന്‍റെ പന്തിൽ ദുബെ പുറത്താവുകയും ചെയ്തതോടെ, ഈ 'നാരങ്ങ തന്ത്രം' കളി ജയിപ്പിച്ചു എന്ന രീതിയിൽ സോഷ്യൽ മീഡിയയിൽ പലരും തമാശകൾ പ്രചരിപ്പിച്ചു തുടങ്ങി.

വിഷയം കൂടുതൽ ഗൗരവമായത് സി.എസ്.കെയുടെ പേരിൽ പ്രചരിച്ച ഒരു കത്ത് പുറത്തുവന്നതോടെയാണ്. കളിക്കളത്തിലെ ഇത്തരം അസ്വാഭാവികമായ ആചാരങ്ങൾക്കെതിരെ ബി.സി.സി.ഐ നടപടി എടുക്കണമെന്നാവശ്യപ്പെട്ട് ചെന്നൈ മാനേജ്‌മെന്‍റ് കത്ത് നൽകിയെന്ന രീതിയിലായിരുന്നു പ്രചാരണം.

എങ്കിലും ഇത് പൂർണമായും വ്യാജമാണെന്ന് പിന്നീട് വ്യക്തമായി. ഐപിഎൽ വേദിയിലെ ഈ സംഭവം ഒരേസമയം ക്രിക്കറ്റ് ആരാധകർക്കിടയിൽ വലിയ തമാശകൾക്കും അത്ഭുതങ്ങൾക്കും വഴിവെച്ചിരിക്കുകയാണ്.

കളി ജയിക്കാൻ വേണ്ടത് മികച്ച പ്രകടനമാണെന്ന് പലരും ചൂണ്ടിക്കാട്ടുമ്പോഴും, ഈ നാരങ്ങാ ആയുധം ഐപിഎൽ ചരിത്രത്തിലെ ഏറ്റവും രസകരമായ ഒരു അന്ധവിശ്വാസ കഥയായി മാറിക്കഴിഞ്ഞു.

Tags : IPL2026 CricketNews IPL CricketControversy ViralVideo