ആശാ വർക്കർമാരുടെ പ്രശ്നങ്ങൾ പഠിക്കാൻ ഉന്നതതല സമിതി രൂപവത്കരിച്ച് ഉത്തരവിറക്കി
Friday, May 16, 2025 1:59 AM IST
തിരുവനന്തപുരം: ആശാ വർക്കർമാരുടെ പ്രശ്നങ്ങൾ പഠിക്കാൻ സർക്കാർ ഉന്നതതല സമിതി രൂപവത്കരിച്ച് ഉത്തരവിറക്കി. വനിതാ ശിശു വികസന വകുപ്പ് ഡയറക്ടർ ഹരിത വി. കുമാർ അധ്യക്ഷയായ സമിതിയെയാണ് സർക്കാർ നിയോഗിച്ചത്.
ആശമാരുടെ ഓണറേറിയം, സേവന കാലാവധി എന്നിവയടക്കം പഠിച്ച് സമിതി സർക്കാരിനു മൂന്നു മാസത്തിനുള്ളിൽ റിപ്പോർട്ട് നൽകും.
ഒരു വിഭാഗം ആശാ വർക്കർമാർ സമരം ചെയ്യുന്ന പശ്ചാത്തലത്തിൽ ആരോഗ്യമന്ത്രിയുടെ അധ്യക്ഷതയിൽ ഏപ്രിൽ മൂന്നിന് ചേർന്ന യോഗത്തിൽ ആശാ വർക്കർമാരുടെ ട്രേഡ് യൂണിയനുകൾ ആവശ്യപ്പെട്ടത് അനുസരിച്ചാണ് കമ്മിറ്റി രൂപവത്കരിച്ചതെന്ന് ഉത്തരവിൽ പറയുന്നു.