ചെറുപുഷ്പ സഭയുടെ പ്രഥമ വ്രതവാഗ്ദാനവും വ്രതവാഗ്ദാന ജൂബിലി ആഘോഷവും നാളെ
Friday, May 16, 2025 2:26 AM IST
ആലുവ: അഖിലലോക മിഷൻമധ്യസ്ഥയായ വിശുദ്ധ കൊച്ചുത്രേസ്യയുടെ നാമത്തിലുള്ള ചെറുപുഷ്പ സഭയുടെ ഈ വർഷത്തെ പ്രഥമ വ്രതവാഗ്ദാനവും വ്രതവാഗ്ദാന ജൂബിലി ആഘോഷവും ആലുവ ലിറ്റിൽ ഫ്ലവർ മേജർ സെമിനാരിയിൽ (ആലുവ കാസിനോ തിയറ്ററിനു സമീപം) നാളെ നടക്കും.
പ്രഥമ വ്രതവാഗ്ദാനം നടത്തുന്ന 12 നവസന്യാസികളും സുവർണ ജൂബിലി ആഘോഷിക്കുന്ന ആറു വൈദികരും രജതജൂബിലി ആഘോഷിക്കുന്ന 12 വൈദികരും സിഎസ്റ്റി സഭയുടെ നാല് പ്രോവിൻസുകളിലെ വൈദികവിദ്യാർഥികളും വൈദികരും ചടങ്ങിൽ പങ്കെടുക്കും.
രാവിലെ പത്തിന് സെമിനാരിയിൽ നടക്കുന്ന ചടങ്ങിൽ കോഴിക്കോട് സെന്റ് തോമസ് പ്രോവിൻസിലെ പ്രൊവിൻഷ്യൽ സുപ്പീരിയർ ഫാ. ജോൺസൺ വരയ്ക്കാപറമ്പിൽ, ആലുവ സെന്റ് ജോസഫ്സ് പ്രോവിൻസിലെ പ്രൊവിൻഷ്യൽ സുപ്പീരിയർ ഫാ. ജിജോ ജയിംസ് ഇൻഡിപറമ്പിൽ, പഞ്ചാബ് - രാജസ്ഥാൻ ക്രിസ്തുജ്യോതി പ്രോവിൻസിലെ പ്രൊവിൻഷ്യൽ സുപ്പീരിയർ ഫാ.ജോർജ് ആലുക്ക ഗോരഖ്പുർ ലിറ്റിൽ ഫ്ലവർ പ്രോവിൻസിലെ പ്രൊവിൻഷ്യൽ സുപ്പീരിയർ ഫാ. സാബു കണ്ടംകെട്ടിയിൽ തുടങ്ങിയവർ പങ്കെടുക്കും.