പിടിഎകള്‍ക്കും വിവരാവകാശനിയമം ബാധകം
Friday, June 20, 2025 1:58 AM IST
കൊച്ചി: സര്‍ക്കാര്‍ മാനദണ്ഡങ്ങള്‍ പ്രകാരം പ്രവര്‍ത്തിക്കുന്ന വിദ്യാഭ്യാസസ്ഥാപനങ്ങളിലെ അധ്യാപക- രക്ഷാകര്‍തൃ സംഘടനകള്‍ക്കും വിവരാവകാശ നിയമം ബാധകമാണെന്ന് സംസ്ഥാന വിവരാവകാശ കമ്മീഷന്‍.
എറണാകുളം ഗവ. ഗസ്റ്റ് ഹൗസില്‍ നടന്ന സിറ്റിംഗില്‍ മൂവാറ്റുപുഴ ഗവ. ടിടിഐയുമായി ബന്ധപ്പെട്ട പരാതി പരിഗണിക്കവേയാണ് കമ്മീഷണര്‍ ഡോ. കെ.എം. ദിലീപ് ഇക്കാര്യം വ്യക്തമാക്കിയത്.
പിടിഎയുടെ സെക്രട്ടറി അതത് സ്ഥാപനമേധാവിയായിരിക്കും. വിവരാവകാശത്തിനുള്ള അപേക്ഷ സെക്രട്ടറി വഴി ലഭിച്ചാല്‍ മറുപടി തിരികെ നല്‍കാന്‍ പിടിഎ ബാധ്യസ്ഥമാണ്. സര്‍ക്കാര്‍ നിയന്ത്രണങ്ങള്‍ക്കും മാനദണ്ഡങ്ങള്‍ക്കും അനുസരിച്ചാണ് വിദ്യാഭ്യാസസ്ഥാപനങ്ങള്‍ പ്രവര്‍ത്തിക്കേണ്ടതെന്നും അദ്ദേഹം പറഞ്ഞു.