ചന്ദര്‍കുഞ്ച് അപ്പാര്‍ട്ട്‌മെന്‍റ്: ഹര്‍ജികള്‍ വിധി പറയാന്‍ മാറ്റി
Thursday, June 19, 2025 3:01 AM IST
കൊച്ചി: ബലക്ഷയം നേരിടുന്ന ചന്ദര്‍കുഞ്ച് അപ്പാര്‍ട്ട്‌മെന്‍റ് പൊളിച്ചുനീക്കുന്നതും അന്തേവാസികളുടെ പുനരധിവാസവും സംബന്ധിച്ച റിവ്യൂ ഹര്‍ജികള്‍ ഹൈക്കോടതി വിധി പറയാന്‍ മാറ്റി.
ഫെബ്രുവരി മൂന്നിലെ ഉത്തരവില്‍ നിഷ്‌കര്‍ഷിച്ച നഷ്‌ടപരിഹാര നിർദേശങ്ങളിലെ അപര്യാപ്തതകള്‍ ചൂണ്ടിക്കാട്ടി സിബി ജോര്‍ജ് അടക്കമുള്ള താമസക്കാർ നല്‍കിയ ഹര്‍ജികളാണ് ജസ്റ്റീസ് സി.പി. മുഹമ്മദ് നിയാസ് പരിഗണിച്ചത്. വൈറ്റില സില്‍വര്‍ സാന്‍ഡ് ഐലന്‍ഡില്‍ സ്ഥിതിചെയ്യുന്ന ചന്ദര്‍കുഞ്ചിന്‍റെ ബി, സി ടവറുകളാണ് പൊളിച്ചുമാറ്റുന്നത്.