പ​ന്ത​ളം: വി​ശ്വാ​സ സം​ര​ക്ഷ​ണ​ത്തി​ന്‍റെ കാ​ര്യ​ത്തി​ൽ യു​ഡി​എ​ഫ് എ​ന്നും വി​ശ്വാ​സി​ക​ൾ​ക്കൊ​പ്പ​മാ​ണെ​ന്നും സ്വ​ർ​ണ​ക്ക​വ​ർ​ച്ച​യി​ൽ കോ​ട​തി നി​രീ​ക്ഷ​ണ​ത്തി​ൽ സി​ബി​ഐ അ​ന്വേ​ഷ​ണ​മാ​ണ് വേ​ണ്ട​തെ​ന്നും കെ.​മു​ര​ളീ​ധ​ര​ൻ. കോ​ൺ‌​ഗ്ര​സി​ന്‍റെ വി​ശ്വാ​സ സം​ര​ക്ഷ​ണ ജാ​ഥ​യു​ടെ സ​മാ​പ​ന സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഗുരുവായൂരിൽ പോയതിനാലാണ് വൈകിയത്. ഒ​ന്നാം തീ​യ​തി​യാ​യ​തു​കൊ​ണ്ടാ​ണ് ഗു​രു​വാ​യൂ​രി​ലേ​ക്ക് പോ​യ​തെ​ന്ന് വേ​ദി​യി​ൽ നി​ന്നി​റ​ങ്ങി​യ ശേ​ഷം മു​ര​ളീ​ധ​ര​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു. വ്യ​ക്തി​പ​ര​മാ​യ കാ​ര​ണ​ത്താ​ല്‍ വി​ശ്വാ​സ സം​ര​ക്ഷ​ണ യാ​ത്ര സ​മാ​പ​ന ച​ട​ങ്ങി​ല്‍ പ​ങ്കെ​ടു​ക്കാ​ന്‍ ക​ഴി​യി​ല്ലെ​ന്ന് മു​ര​ളീ​ധ​ര​ന്‍ നേ​ര​ത്തെ നേ​തൃ​ത്വ​ത്തെ അ​റി​യി​ച്ചി​രു​ന്നു.

എ​ന്നാ​ല്‍ ജാ​ഥ ക്യാ​പ്റ്റ​ന്മാ​രി​ല്‍ ഒ​രാ​ള്‍ ത​ന്നെ പ​രി​പാ​ടി​യി​ല്‍​നി​ന്നു വി​ട്ടു​നി​ല്‍​ക്കു​ന്ന​ത് നേ​തൃ​ത്വ​ത്തെ പ്ര​തി​സ​ന്ധി​യി​ലാ​ക്കി​യി​രു​ന്നു. ഇ​തോ​ടെ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും കെ​പി​സി​സി അ​ധ്യ​ക്ഷ​ന്‍ സ​ണ്ണി ജോ​സ​ഫും നേ​രി​ട്ട് മു​ര​ളീ​ധ​ര​നെ വി​ളി​ച്ച് സം​സാ​രി​ക്കു​ക​യാ​യി​രു​ന്നു.

കാ​സ​ർ​കോ​ഡു​നി​ന്നു യാ​ത്ര​യ്ക്ക് നേ​തൃ​ത്വം കൊ​ടു​ക്കാ​നാ​ണ് ത​ന്നെ ഏ​ൽ​പ്പി​ച്ച​തെന്നും അ​ത് പൂ​ർ​ത്തി​യാ​ക്കി​യി​രു​ന്നെന്നും മു​ര​ളീ​ധ​ര​ൻ പറഞ്ഞു. കെ​പി​സി​സി പു​ന​സം​ഘ​ട​ന സം​ബ​ന്ധി​ച്ച കാ​ര്യ​ങ്ങ​ളൊ​ക്കെ വ​ഴി​ക്ക് ന​ട​ക്കും. പ​രാ​തി​യു​ണ്ടെ​ങ്കി​ൽ എ​ഐ​സി​സി സെ​ക്ര​ട്ട​റി​യോ​ടൊ രാ​ഹു​ൽ ഗാ​ന്ധി​യോ​ടൊ കെ​പി​സി​സി പ്ര​സി​ഡ​ന്‍റി​നോ​ടൊ സം​സാ​രി​ക്കു​ക​യാ​ണ് ചെ​യ്യു​ക​യെ​ന്നും മു​ര​ളീ​ധ​ര​ൻ പ​റ​ഞ്ഞു.

വെ​ള്ളി​യാ​ഴ്ച​യാ​ണ് നാ​ല് ക്യാ​പ്റ്റ​ന്മാ​ര്‍ ന​യി​ച്ച വി​ശ്വാ​സ സം​ഗ​മ​യാ​ത്ര ചെ​ങ്ങ​ന്നൂ​രി​ല്‍ സം​ഗ​മി​ച്ച​ത്. കെ. ​മു​ര​ളീ​ധ​ര​ന്‍, കൊ​ടി​ക്കു​ന്നി​ല്‍ സു​രേ​ഷ്, അ​ടൂ​ര്‍ പ്ര​കാ​ശ്, ബെ​ന്നി ബെ​ഹ്‌​നാ​ന്‍ എ​ന്നി​വ​രാ​ണ് ജാ​ഥ ക്യാ​പ്റ്റ​ന്മാ​ര്‍. യാ​ത്ര​യ്ക്ക് ശേ​ഷം മു​ര​ളീ​ധ​ര​ന്‍ ഗു​രു​വാ​യൂ​രി​ലേ​ക്ക് മ​ട​ങ്ങു​ക​യാ​യി​രു​ന്നു.