ജ​യ്പു​ർ: അ​വ​സാ​ന പ​ന്തി​ലെ നോ ​ബോ​ൾ നാ​ട​ക​ത്തി​ൽ ത​ട്ടി​വീ​ണ് സ​ൺ​റൈ​സേ​ഴ്സ് ഹൈ​ദ​രാ​ബാ​ദി​നെ​തി​രെ നാ​ല് വി​ക്ക​റ്റി​ന്‍റെ തോ​ൽ​വി വ​ഴ​ങ്ങി രാ​ജ​സ്ഥാ​ൻ റോ​യ​ൽ​സ്. 215 റ​ൺ​സ് പി​ന്തു​ട​ർ​ന്ന ഹൈ​ദ​രാ​ബാ​ദ് നാ​ട​കീ​യ​മാ​യി ആ​ണ് വി​ജ​യം നേ​ടി​യ​ത്.

സ​ന്ദീ​പ് ശ​ർ​മ എ​റി​ഞ്ഞ ഇ​ന്നിം​ഗ്സി​ലെ അ​വ​സാ​ന പ​ന്തി​ൽ, വി​ജ​യി​ക്കാ​നാ​യി അഞ്ച് റ​ൺസ് വേ​ണ്ടി​യി​രു​ന്ന ഹൈ​ദ​രാ​ബാ​ദി​നാ​യി മാ​ർ​ക്കോ ജാ​ൻ​സ​ൺ തൊ​ടു​ത്ത ഷോ​ട്ട് ലോം​ഗ് ഓ​ഫ് ഫീ​ൽ​ഡ​ർ പി​ടി​ച്ചെ​ടു​ത്തി​രു​ന്നു. ആ​ഘോ​ഷം തു​ട​ങ്ങി​യ റോ​യ​ൽ​സി​നെ ഞെ​ട്ടി​ച്ച് നോ ​ബോ​ൾ സൈ​റ​ൺ മു​ഴ​ങ്ങി​യ​തോ​ടെ വീ​ണ്ടും ട്വി​സ്റ്റ്. ജ​യി​ക്കാ​നാ​യി നാ​ല് റ​ൺ​സ് വേ​ണ്ട ഹൈ​ദ​രാ​ബാ​ദി​നെ​തി​രെ ശ​ർ​മ വീ​ണ്ടും യോ​ർ​ക്ക​റി​നാ​യി ശ്ര​മി​ച്ചെ​ങ്കി​ലും അ​ബ്ദു​ൾ സ​മ​ദ് സ്ട്രെ​യ്റ്റ് സി​ക്സ​ർ വ​ഴി അ​തി​ഥി​ക​ൾ​ക്കാ​യി ജ​യം നേ​ടി.

സ്കോ​ർ:
രാ​ജ​സ്ഥാ​ൻ റോ​യ​ൽ​സ് 214/2(20)
സ​ൺ​റൈ​സേ​ഴ്സ് ഹൈ​ദ​രാ​ബാ​ദ് 217/6(20)

സ​ഞ്ജു സാം​സ​ൺ(66*), ജോ​സ് ബ​ട്‌​ല​ർ(95) എ​ന്നി​വ​രു​ടെ ക​രു​ത്തി​ൽ നാ​ല് വി​ക്ക​റ്റ് ന​ഷ്ട​ത്തി​ലാ​ണ് റോ​യ​ൽ​സ് 214 കെ​ട്ടി​പ്പ​ടു​ത്ത​ത്. വ​ൻ സ്കോ​ർ ല​ക്ഷ്യ​മി​ട്ടി​റ​ങ്ങി​യ സ​ൺ​റൈ​സേ​ഴ്സ് ചേ​സി​ന്‍റെ 18-ാം ഓ​വ​ർ വ​രെ റോ​യ​ൽ​സി​നാ‌​യി​രു​ന്നു കളിയിൽ മു​ൻ​തൂ​ക്കം. 12 പ​ന്തി​ൽ 41 റ​ൺ​സ് എ​ന്ന വി​ജ​യ​സ​മ​വാ​ക്യം നി​ല​നി​ൽ​ക്കെ പേ​സ​ർ കു​ൽ​ദീ​പ് യാ​ദ​വ് തു​ട​ർ ബൗ​ണ്ട​റി​ക​ൾ വ​ഴ​ങ്ങി ക​ളി​യു​ടെ ഗ​തി​മാ​റ്റി.

യാ​ദ​വി​നെ​തി​രെ തു​ട​ർ​ച്ച​യാ​യി മൂ​ന്ന് സി​ക്സും ഒ​രു ഫോ​റും നേ​ടി​യ ഗ്ലെ​ൻ ഫി​ലി​പ്പി​സ്(7 പ​ന്തി​ൽ 25) ആ​ണ് ഹൈ​ദ​രാ​ബാ​ദി​ന്‍റെ വി​ജ​യ​ശി​ൽ​പി. ഫി​ലി​പ്പ്സി​നെ യാ​ദ​വ് മ​ട​ക്കി​യെ​ങ്കി​ലും അ​വ​സാ​ന ഓ​വ​റി​ന്‍റെ ര​ണ്ടാം പ​ന്തി​ൽ ശ​ർ​മ ഒ​രു സി​ക്സ് കൂ​ടി വ​ഴ​ങ്ങി​യ​തോ​ടെ റോ‌​യ​ൽ​സ് പ​ട ത​ള​ർ​ന്നു. അ​ഭി​ഷേ​ക് ശ​ർ​മ(34 പ​ന്തി​ൽ 55), രാ​ഹു​ൽ ത്രി​പാ​ഠി(29 പ​ന്തി​ൽ 47), ഹെ​ന്‍‌​റി​ക് ക്ലാ​ർ​സ​ൺ(12 പ​ന്തി​ൽ 26) എ​ന്നി​വ​രും ഹൈ​ദ​രാ​ബാ​ദി​ന്‍റെ വി​ജ​യ​ശി​ൽ​പ്പി​ക​ളാ​യി.

നേ​ര​ത്തെ, 10 ഫോ​റും നാ​ല് സി​ക്സും അ​ടി​ച്ചെ​ടു​ത്ത് സെ​ഞ്ചു​റി​ക്ക് തൊ​ട്ട​രി​കി​ൽ എ​ത്തി​യ ബ​ട്‌​ല​റാ​ണ് ടീ​മി​നെ മു​ന്നി​ൽ നി​ന്ന് ന​യി​ച്ച​ത്. സാം​സ​ൺ 38 പ​ന്ത് നീ​ണ്ടു​നി​ന്ന ഇ​ന്നിം​ഗ്സി​ൽ നാ​ല് ഫോ​റു​ക​ളും അ​ഞ്ച് സി​ക്സും പാ​യി​ച്ചി​രു​ന്നു.

ഹൈ​ദ​രാ​ബാ​ദി​ന്‍റെ ജ​യ​ത്തോ​ടെ ഐ​പി​എ​ൽ ച​രി​ത്ര​ത്തി​ലെ ഏ​റ്റ​വും വാ​ശി​യേ​റി​യ‌ പോ​യി​ന്‍റ് ടേ​ബി​ളി​നാ​ണ് പൂ​ട്ടു​തു​റ​ന്ന​ത്. നാ​ല് പോ​യി​ന്‍റു​ള്ള റോ​യ​ൽ​സ് നാ​ലാം സ്ഥാ​ന​ത്ത് തു​ട​രു​മ്പോ​ൾ എ​ട്ട് പോ​യി​ന്‍റു​ള്ള ഹൈ​ദ​രാ​ബാ​ദ് ഒ​മ്പ​താം സ്ഥാ​ന​ത്ത് തു​ട​രു​ന്നു. നാ​ല് ടീ​മു​ക​ൾ​ക്ക് 10 പോ​യി​ന്‍റ് വീ​ത​വും അ​വ​സാ​ന സ്ഥാ​ന​ത്തു​ള്ള മൂ​ന്ന് ടീ​മു​ക​ൾ​ക്ക് എ​ട്ട് പോ​യി​ന്‍റും ഉ​ള്ള​തി​നാ​ൽ പ്ലേ ​ഓ​ഫി​ലേ​ക്ക് ആ​രെ​ത്തും എ​ന്ന​റി​യാ​ൻ കാ​ത്തി​രി​ക്കു​ക​യാ​ണ് ആ​രാ​ധ​ക​ർ.