റാ​യ്പു​ര്‍: വ​ര്‍​ഷാ​വ​സാ​ന​ത്തോ​ടെ നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന ച​ത്തീ​സ്ഗ​ഡി​ല്‍ കോ​ണ്‍​ഗ്ര​സ് സ​ര്‍​ക്കാ​രി​നെ​തി​രേ ആ​ഞ്ഞ​ടി​ച്ച് കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ. ​ഭൂ​പേ​ഷ് ബാ​ഗേ​ല്‍ സ​ര്‍​ക്കാ​രി​ന്‍റെ ഭ​ര​ണ​കാ​ല​ത്ത് ഒ​രു വി​ക​സ​ന പ്ര​വ​ര്‍​ത്ത​ന​വും ന​ട​ന്നിട്ടില്ലെ​ന്ന് അ​ദ്ദേ​ഹം കു​റ്റ​പ്പെ​ടു​ത്തി.

സം​സ്ഥാ​ന​മാ​കെ കൊ​ള്ള​യും അ​ഴി​മ​തി കും​ഭ​കോ​ണ​വു​മാ​ണ്. അ​യ്യാ​യി​രം കോ​ടി​യു​ടെ അ​ഴി​മ​തി​യാ​ണ് ന​ട​ന്ന​തെ​ന്നും അ​ദ്ദേ​ഹം ആ​രോ​പി​ച്ചു. മ​ദ്യ​നി​രോ​ധ​ന​മെ​ന്ന അ​വ​കാ​ശ​വാ​ദ​ത്തി​ന് എ​ന്ത് സം​ഭ​വി​ച്ചു​വെ​ന്നും അ​മി​ത് ഷാ ​ചോ​ദി​ച്ചു.

ബി​ജെ​പി മു​ന്‍ സ​ര്‍​ക്കാ​ര്‍ മ​ദ്യ​നി​രോ​ധ​നം പ്രോ​ത്സാ​ഹി​പ്പി​ച്ചി​രു​ന്നു. എ​ന്നാ​ല്‍ കോ​ണ്‍​ഗ്ര​സ് സ​ര്‍​ക്കാ​ര്‍ അ​ധി​കാ​ര​ത്തി​ല്‍ വ​ന്ന​യു​ട​ന്‍ ഈ ​ന​യം അ​ട്ടി​മ​റി​ച്ചു. വ​രു​മാ​ന സ​മ്പാ​ദ​നം മാ​ത്ര​മാ​യി​രു​ന്നു ല​ക്ഷ്യ​മെ​ന്നും അ​ദ്ദേ​ഹം പ​രി​ഹ​സി​ച്ചു.

ക​ഴി​ഞ്ഞ അ​ഞ്ച് വ​ര്‍​ഷ​ത്തി​നി​ടെ മു​ഖ്യ​മ​ന്ത്രി ഭൂ​പേ​ഷ് ഗാ​ന്ധി കു​ടും​ബ​ത്തിന്‍റെ എ​ടി​എ​മ്മാ​കാ​നും പാ​വ​പ്പെ​ട്ട​വ​രെ കൊ​ള്ള​യ​ടി​ക്കാ​നു​മാ​ണ് പ്ര​വ​ര്‍​ത്തി​ച്ച​തെ​ന്നും അ​ദ്ദേ​ഹം പ​രി​ഹ​സി​ച്ചു.

കോ​വി​ഡ് കാ​ല​ത്ത് ഭ​ക്ഷ്യ​ധ​ന്യ​ങ്ങ​ള്‍ ച​ത്തീ​സ്ഗ​ഡി​ലേ​ക്ക് അ​യ​ച്ചി​രു​ന്നു. എ​ന്നാ​ല്‍ പാ​വ​പ്പെ​ട്ട​വ​രി​ല്‍ നി​ന്ന് ഭ​ക്ഷ്യ​ധാ​ന്യ​ങ്ങ​ള്‍ ത​ട്ടി​യെ​ടു​ക്കു​ന്ന ജോ​ലി​യാ​ണ് ഭൂ​പേ​ഷ് ബാ​ഗേ​ലി​ന്‍റെ സ​ര്‍​ക്കാ​ര്‍ ചെ​യ്ത​തെ​ന്ന് അ​ദ്ദേ​ഹം വി​മ​ര്‍​ശി​ച്ചു.

ര​മ​ണ്‍ സിം​ഗ് മു​ഖ്യ​മ​ന്ത്രി​യാ​യി​രി​ക്കെ എ​ല്ലാ വീ​ട്ടി​ലും റേ​ഷ​ന്‍ എ​ത്തി​ക്കാ​ന്‍ ത​മ്പ് ഇം​പ്ര​ഷ​ന്‍ സം​വി​ധാ​നം ആ​രം​ഭി​ച്ചി​രു​ന്നു​വെ​ന്നും അ​മി​ത് ഷാ ​പ​റ​ഞ്ഞു.

ജ​ല്‍ ജീ​വ​ന്‍ മി​ഷ​നു കീ​ഴി​ല്‍ രാ​ജ്യ​ത്തു​ട​നീ​ള​മു​ള്ള എ​ല്ലാ വീ​ടു​ക​ളി​ലും വെ​ള്ളം എ​ത്തി​ക്കാ​ന്‍ മോ​ദി സ​ര്‍​ക്കാ​ര്‍ പ്ര​വ​ര്‍​ത്തി​ക്കു​ന്നു. എ​ന്നാ​ല്‍ കോ​ണ്‍​ഗ്ര​സ് സ​ര്‍​ക്കാ​രിന്‍റെ കെടുകാര്യസ്ഥത നിമിത്തം ച​ത്തീ​സ്ഗ​ഡി​ലെ ജ​ന​ങ്ങ​ള്‍​ക്ക് ശു​ദ്ധ​ജലം ല​ഭി​ക്കു​ന്നി​ല്ലെ​ന്നും അ​ദ്ദേ​ഹം കു​റ്റ​പ്പെ​ടു​ത്തി.

നേ​ര​ത്തെ, റാ​യ്പൂ​രി​ലെ പി​ടി ദീ​ന്‍​ദ​യാ​ല്‍ ഉ​പാ​ധ്യാ​യ ഓ​ഡി​റ്റോ​റി​യ​ത്തി​ല്‍ ഭൂ​പേ​ഷ് ബാ​ഗേ​ലിന്‍റെ നേ​തൃ​ത്വ​ത്തി​ലു​ള്ള കോ​ണ്‍​ഗ്ര​സ് സ​ര്‍​ക്കാ​രി​നെ​തി​രാ​യ "ആ​രോ​പ് പ​ത്ര' (കു​റ്റ​പ​ത്രം) അ​മി​ത് ഷാ ​പ്ര​കാ​ശ​നം ചെ​യ്തി​രു​ന്നു.

വ​രാ​നി​രി​ക്കു​ന്ന തെര​ഞ്ഞെ​ടു​പ്പ് ച​ത്തീ​സ്ഗ​ഡിന്‍റെ സു​വ​ര്‍​ണ ഭാ​വി രൂ​പ​പ്പെ​ടു​ത്താ​നു​ള്ളതാ​ണ്. കോ​ണ്‍​ഗ്ര​സിന്‍റെ അ​ഴി​മ​തി നി​റ​ഞ്ഞ സ​ര്‍​ക്കാ​രാ​ണോ അ​തോ ത​ങ്ങ​ളെ വി​ക​സ​ന​ത്തി​ന്‍റെ പാ​ത​യി​ല്‍ കൊ​ണ്ടു​പോ​കു​ന്ന ഭാ​ര​തീ​യ ജ​ന​താ പാ​ര്‍​ട്ടി​യു​ടെ സ​ര്‍​ക്കാ​രാ​ണോ വേ​ണ്ട​തെന്ന് പൊ​തു​ജ​നം ചിന്തിക്കണമെ​ന്ന് അ​ദ്ദേ​ഹം പ​റ​ഞ്ഞു.

അ​തേ സ​മ​യം, കോ​ണ്‍​ഗ്ര​സ് നേ​താ​വ് രാ​ഹു​ല്‍ ഗാ​ന്ധി​യും ശ​നി​യാ​ഴ്ച ച​ത്തീ​സ് ഗ​ഡി​ല്‍ എ​ത്തു​ന്നു​ണ്ട്. സം​സ്ഥാ​ന കാ​യി​ക യു​വ​ജ​ന​ക്ഷേ​മ വ​കു​പ്പി​ന് കീ​ഴി​ല്‍ രൂ​പീ​ക​രി​ച്ച രാ​ജീ​വ് യു​വ മി​ത​ന്‍ ക്ല​ബ്ബിന്‍റെ സം​സ്ഥാ​ന​ത​ല ക​ണ്‍​വെ​ന്‍​ഷ​നി​ല്‍ അ​ദ്ദേ​ഹം സം​സാ​രി​ക്കും.

2018 ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍, സം​സ്ഥാ​ന​ത്തെ 90 സീ​റ്റു​ക​ളി​ല്‍ 68 സീ​റ്റു​ക​ളും കോ​ണ്‍​ഗ്ര​സ് നേ​ടി​യ​പ്പോ​ള്‍ 15 എണ്ണമാണ് ബി​ജെ​പിക്ക് ലഭിച്ചത്. ജെ​സി​സി (ജെ) ​അ​ഞ്ച് മ​ണ്ഡ​ല​ങ്ങ​ളി​ല്‍ വി​ജ​യി​ക്കു​ക​യും സ​ഖ്യ​ക​ക്ഷി​യാ​യ ബി​എ​സ്പി​ക്ക് ര​ണ്ട് സീ​റ്റു​ക​ള്‍ ല​ഭി​ക്കു​ക​യും ചെ​യ്തു. നി​ല​വി​ല്‍ 71 അം​ഗ​ങ്ങ​ളാ​ണ് കോ​ണ്‍​ഗ്ര​സി​നുള്ളത്.