തിരുവനന്തപുരം: സ്ത്രീ​സു​ര​ക്ഷ​യു​മാ​യി ബ​ന്ധ​പ്പെ​ട്ട അ​ടി​യ​ന്ത​ര​പ്ര​മേ​യ ച​ര്‍​ച്ച​യ്ക്കി​ടെ സ​ഭ​യി​ല്‍ ഭ​ര​ണ- പ്ര​തി​പ​ക്ഷ ബ​ഹ​ളം. ഇ​രു​കൂ​ട്ട​രും ബ​ഹ​ളം തു​ട​ര്‍​ന്ന​തോ​ടെ സ്പീ​ക്ക​ര്‍ എം.​എ​ന്‍.​ഷം​സീ​ര്‍ ക്ഷു​ഭി​ത​നാ​യി.

പ്ര​തി​പ​ക്ഷ നേ​താ​വ് സം​സാ​രി​ക്കു​ന്ന​തി​നി​ട​യി​ലാ​ണ് ബ​ഹ​ളം തു​ട​ങ്ങി​യ​ത്. ആ​ഭ്യ​ന്ത​ര​വ​കു​പ്പി​നെ പു​റ​മേ നി​ന്നു​ള്ള​വ​ര്‍ ഹൈ​ജാ​ക്ക് ചെ​യ്യു​ന്നെ​ന്ന് പ്ര​തി​പ​ക്ഷ നേ​താ​വ് പ​റ​ഞ്ഞു. പു​തു​പ്പ​ള്ളി​ല്‍ ഉ​മ്മ​ന്‍ ചാ​ണ്ടി​യെ​ക്കു​റി​ച്ച് ന​ല്ല​ത് പ​റ​ഞ്ഞ സ​തി​യ​മ്മ​യു​ടെ ജോ​ലി ന​ഷ്ട​പ്പെ​ടു​ത്തി​യ​തും അ​വ​ര്‍​ക്കെ​തി​രേ കേ​സെ​ടു​ത്ത​തും സ​തീ​ശ​ന്‍ ചൂ​ണ്ടി​ക്കാ​ട്ടി.

ഇ​തി​നി​ടെ സ​തി​യ​മ്മ​യു​ടെ കാ​ര്യ​ത്തി​ല്‍ വ്യ​ക്ത​ത വ​രു​ത്താ​ന്‍ മ​ന്ത്രി ചി​ഞ്ചു​റാ​ണി എ​ഴു​ന്നേ​റ്റ​തോ​ടെ പ്ര​തി​പ​ക്ഷം ബ​ഹ​ളം വ​ച്ചു. മ​ന്ത്രി​യു​ടെ വി​ശ​ദീ​ക​ര​ണം കേ​ള്‍​ക്ക​ണ​മെ​ന്ന് ഭ​ര​ണ​പ​ക്ഷം ആ​വ​ശ്യ​പ്പെ​ട്ട​തോ​ടെ ഇ​രു​കൂ​ട്ട​രും ത​മ്മി​ല്‍ ത​ര്‍​ക്കം തു​ട​ങ്ങി.

ബ​ഹ​ള​ത്തി​നി​ടെ പ്ര​തി​പ​ക്ഷ നേ​താ​വ് വാ​ക്കൗ​ട്ട് പ്ര​ഖ്യാ​പി​ച്ചു. തു​ട​ര്‍​ന്ന് പ്ര​തി​പ​ക്ഷ ഉ​പ​നേ​താ​വ് പി.​കെ.​കു​ഞ്ഞാ​ലി​ക്കു​ട്ടി സം​സാ​രി​ക്കുന്നതിനിടെ വീ​ണ്ടും വി​ശ​ദീ​ക​ര​ണ​വു​മാ​യി ചി​ഞ്ചു​റാ​ണി എ​ഴു​ന്നേ​റ്റ​തോ​ടെ പ്രതിപക്ഷ എംഎൽഎമാർ പ്രതിഷേധിക്കുകയായിരുന്നു.

വാ​ക്കൗ​ട്ട് പ്ര​ഖ്യാ​പ​ന​ത്തി​ന് ശേ​ഷ​വും പ്ര​തി​പ​ക്ഷം ന​ടു​ത്ത​ള​ത്തി​ലി​റ​ങ്ങി പ്ര​തി​ഷേ​ധി​ച്ചു. ഇ​തോ​ടെ സ്പീ​ക്ക​ര്‍ ക്ഷു​ഭി​ത​നാ​വു​ക​യാ​യി​രു​ന്നു. വാ​ക്കൗ​ട്ട് പ്ര​ഖ്യാ​പി​ച്ച​വ​ര്‍ പു​റ​ത്തു​പോ​ക​ണ​മെ​ന്നും പു​തി​യ കീ​ഴ്‌​വ​ഴ​ക്കം വേ​ണ്ടെ​ന്നും സ്പീ​ക്ക​ര്‍ ആ​വ​ശ്യ​പ്പെ​ട്ടു.