മ​ല​പ്പു​റം: കാ​ളി​കാ​വ് അ​ട​യ്ക്കാ​ക്കു​ണ്ടി​ലെ ന​ര​ഭോ​ജി ക​ടു​വ​യെ ക​ണ്ടെ​ത്തി. ഇ​ന്ന​ലെ ക​ടു​വ​യെ​ക്ക​ണ്ട കേ​ര​ളാ എ​സ്റ്റേ​റ്റി​ൽ സൈ​ല​ന്‍റ്‌​വാ​ലി​യോ​ട് ചേ​ർ​ന്ന പ്ര​ദേ​ശ​ത്ത് ത​ന്നെ​യാ​ണ് വീ​ണ്ടും ക​ടു​വ​യെ ക​ണ്ടെ​ത്തി​യ​ത്. ക​ഴി​ഞ്ഞ വ്യാ​ഴാ​ഴ്ച​യാ​ണ് ടാ​പ്പിം​ഗ് തൊ​ഴി​ലാ​ളി​യാ​യ ഗ​ഫൂ​റി​നെ ക​ടു​വ ക​ടി​ച്ചു​കൊ​ന്ന​ത്.

സ​ഹ​തൊ​ഴി​ലാ​ളി അ​ബ്ദു​ല്‍​സ​മ​ദ് നോ​ക്കി​നി​ൽ​ക്കെ​യാ​ണ് ക​ടു​വ ഗ​ഫൂ​റി​നെ ആ​ക്ര​മി​ച്ച് വ​ലി​ച്ചി​ഴ​ച്ചു​കൊ​ണ്ടു​പോ​യ​ത്. ന​ര​ഭോ​ജി ക​ടു​വ​യെ എ​ട്ടു ദി​വ​സ​മാ​യി​ട്ടും പി​ടി​കൂ​ടാ​ൻ ക​ഴി​യാ​ത്ത​തി​ൽ പ്ര​തി​ഷേ​ധം ശ​ക്ത​മാ​കു​ക​യാ​ണ്. പ്ര​ദേ​ശ​ത്തെ​ത്തി​യ വ​നം​വ​കു​പ്പ് ഉ​ദ്യോ​ഗ​സ്ഥ​രെ പ്ര​തി​ഷേ​ധ​ക്കാ​ർ ത​ട​ഞ്ഞു.

ഇ​വ​രു​ടെ വാ​ഹ​ന​ങ്ങ​ൾ പോ​കാ​ൻ അ​നു​വ​ദി​ക്കാ​തെ നാ​ട്ടു​കാ​ർ ത​ട​ഞ്ഞി​ട്ടി​രി​ക്കു​ക​യാ​ണ്. ക​ടു​വ​യെ ഇ​ന്ന് ത​ന്നെ പി​ടി​കൂ​ട​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. പോ​ലീ​സെ​ത്തി പ്ര​തി​ഷേ​ധ​ക്കാ​രു​മാ​യി സം​സാ​രി​ക്കു​ക​യാ​ണ്. ക​ടു​വ​യെ പി​ടി​കൂ​ടാ​തെ വ​നം​വ​കു​പ്പി​ന്‍റെ വാ​ഹ​ന​ങ്ങ​ൾ ക​ട​ത്തി​വി​ടി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

വൈ​കു​ന്നേ​രം മൂ​ന്നോ​ടെ​യാ​ണ് ആ​ര്‍​ആ​ര്‍​ടി ടീ​മി​ന് ക​ടു​വ​യെ ക​ണ്ട​താ​യു​ള്ള വി​വ​രം ല​ഭി​ച്ച​ത്. തേ​ന്‍ ശേ​ഖ​രി​ക്കു​ന്ന​തി​നാ​യി ഇ​വി​ടെ എ​ത്തി​യ ആ​ദി​വാ​സി കു​ടും​ബ​ത്തി​ലെ അം​ഗ​മാ​യ വേ​ലാ​യു​ധ​നാ​ണ് ക​ടു​വ​യെ ക​ണ്ട​ത്. വൈ​കാ​തെ സ്ഥ​ല​ത്തെ​ത്തി​യ ഡോ. ​അ​രു​ണ്‍ സ​ക്ക​റി​യാ​യു​ടെ നേ​തൃ​ത്വ​ത്തി​ലു​ള്ള സം​ഘം പ​രി​ശോ​ധ​ന​യ്ക്കാ​യി എ​സ്‌​റ്റേ​റ്റി​ന​ക​ത്തേ​ക്ക് പോ​യി.

വേ​ലാ​യു​ധ​ന്‍ ന​ല്‍​കി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് എ​സ്‌​റ്റേ​റ്റി​ല്‍ പ​രി​ശോ​ധ​ന ന​ട​ത്തി​യ​ത്. ക​രു​വാ​ര​കു​ണ്ട് സു​ൽ​ത്താ​ന എ​സ്റ്റേ​റ്റി​ന് മേ​ൽ​ഭാ​ഗ​ത്താ​യി സ്ഥാ​പി​ച്ച ക്യാ​മ​റ​യി​ൽ രാ​വി​ലെ ക​ടു​വ​യു​ടെ ദൃ​ശ്യം പ​തി​ഞ്ഞി​രു​ന്നു.

എ​സ്‌​റ്റേ​റ്റ് പ​രി​സ​ര​ത്തു​വെ​ച്ച് ത​ന്നെ​യാ​ണ് ക​ഴി​ഞ്ഞ ദി​വ​സ​വും ക​ടു​വ​യെ ക​ണ്ട​തെ​ന്ന് നാ​ട്ടു​കാ​ര്‍ പ​റ​യു​ന്നു. അ​തും ഏ​താ​ണ്ട് ഇ​തേ​സ​മ​യ​ത്ത് ത​ന്നെ​യാ​യി​രു​ന്നു എ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്.