കോ​ട്ട​യം: രാ​ജ്യ​ത്തെ ക്രി​സ്ത്യ​ന്‍ ന്യൂ​ന​പ​ക്ഷ വി​ഭാ​ഗ​ങ്ങ​ള്‍​ക്കു​നേ​രെ​യു​ള്ള ആ​ക്ര​മ​ങ്ങ​ള്‍​ക്കു പി​ന്നി​ലെ അ​ജ​ണ്ട​ക​ള്‍ പ​ല​താ​ണെ​ന്ന് സി​പി​ഐ ദേ​ശീ​യ സെ​ക്ര​ട്ട​റി​യേ​റ്റ് അം​ഗ​വും മ​ഹി​ളാ​സം​ഘം ദേ​ശീ​യ പ്ര​സി​ഡ​ന്‍റു​മാ​യ ആ​നി രാ​ജ. കോ​ട്ട​യം പ്ര​സ്‌​ക്ല​ബി​ല്‍ സം​ഘ​ടി​പ്പി​ച്ച മു​ഖാ​മു​ഖം പ​രി​പാ​ടി​യി​ല്‍ പ​ങ്കെ​ടു​ത്തു സം​സാ​രി​ക്കു​ക​യാ​യി​രു​ന്നു ആ​നി രാ​ജ.

രാ​ജ്യ​ത്തു തു​ട​ര്‍​ച്ച​യാ​യ ആ​ക്ര​മ​ണ​ങ്ങ​ള്‍ ക്രി​സ്ത്യാ​നി​ക​ള്‍​ക്ക് എ​തി​രാ​യി ന​ട​ക്കു​ന്നു​ണ്ട്. ആ​ര്‍​എ​സ്എ​സി​ന്‍റെ അ​പ്ര​ഖ്യാ​പി​ത ഹി​ന്ദു രാ​ഷ്ട്രം എ​ന്ന അ​ജ​ണ്ട ന​ട​പ്പാ​ക്കു​ക​യെ​ന്ന​താ​ണ് ഇ​തി​നു പി​ന്നി​ല്‍.ആ​ക്ര​മി​ക്ക​പ്പെ​ടു​ന്ന​വ​രി​ല്‍ ഏ​റെ​യും ട്രൈ​ബ​ല്‍ മേ​ഖ​ല​യി​ലെ ക്രൈ​സ്ത​വ വി​ഭാ​ഗ​ങ്ങ​ളാ​ണ്.

ഫ​ല ഭൂ​യി​ഷ്ട​മാ​യ പ്ര​ദേ​ശ​ങ്ങ​ളാ​ണ് ഈ ​മേ​ഖ​ല​യി​ലു​ള്ള​ത്. ഇ​ത്ത​രം സ്ഥ​ല​ങ്ങ​ളി​ല്‍ നി​ന്നും ജ​ന​വി​ഭാ​ഗ​ങ്ങ​ളെ ഒ​ഴി​പ്പി​ച്ച് ഭൂ​മി കോ​ര്‍​പ​റേ​റ്റു​ക​ള്‍​ക്ക് കൈ​മാ​റു​ക​യാ​ണ്. മ​ണി​പ്പൂ​രി​ല്‍ സം​ഭ​വി​ച്ച​തും ഇ​തു ത​ന്നെ. ഭൂ​മി അ​ദാ​നി​ക്ക് കൈ​മാ​റാ​ന്‍ തീ​രു​മാ​ന​മാ​യ​താ​യും ആ​നി രാ​ജ ആ​രോ​പി​ച്ചു.

ക​ന്യാ​സ്ത്രീ​മാ​രു​ടെ അ​റ​സ്റ്റി​നെ തെ​ര​ഞ്ഞെ​ടു​പ്പ് രാ​ഷ്ട്രീ​യ​മാ​യി ബ​ന്ധി​പ്പി​ക്കു​ന്ന വൃ​ത്തി​കെ​ട്ട രാ​ഷ്ട്രീ​യ​മാ​ണ് കേ​ര​ള​ത്തി​ലെ ബി​ജെ​പി കാ​ട്ടി​യ​ത്. ക്രി​സ്ത്യ​ന്‍ വി​ഭാ​ഗ​ത്തോ​ട് ഇ​ക്കൂ​ട്ട​ര്‍​ക്ക് സ്‌​നേ​ഹം ഉ​ണ്ടെ​ങ്കി​ല്‍ രാ​ജ്യ​ത്തെ വി​വി​ധ ജ​യി​ലു​ക​ളി​ലാ​യി എ​ത്ര​യോ വൈ​ദി​ക​രും ക​ന്യാ​സ്ത്രീ​ക​ളും പാ​സ്റ്റ​ര്‍​മാ​രും അ​ട​ക്കം ത​ട​വി​ല്‍ ഉ​ണ്ട്.

അ​വ​രെ​ക്കു​റി​ച്ചും അ​വ​രു​ടെ മോ​ച​ന​ത്തെ കു​റി​ച്ചും ബി​ജെ​പി സം​സ്ഥാ​ന അ​ധ്യ​ക്ഷ​ന് എ​ന്താ​ണ് പ​റ​യാ​നു​ള്ള​തെ​ന്നും ആ​നി രാ​ജ ചോ​ദി​ച്ചു.