കൊ​ച്ചി: പെ​ട്രോ​ള്‍ പ​മ്പു​ക​ളി​ലെ ശു​ചി​മു​റി ഉ​പ​ഭോ​ക്താ​ക്ക​ള്‍​ക്ക് മാ​ത്രം ഉ​പ​യോ​ഗി​ക്കാ​നു​ള്ള​താ​ണെ​ന്ന ഇ​ട​ക്കാ​ല ഉ​ത്ത​ര​വ് തി​രു​ത്തി കേ​ര​ള ഹൈ​ക്കോ​ട​തി.

ദേ​ശീ​യ പാ​ത​യ്ക്ക് സ​മീ​പ​ത്തു​ള്ള​ത​ട​ക്കം എ​ല്ലാ പെ​ട്രോ​ള്‍ പ​മ്പു​ക​ളും 24 മ​ണി​ക്കൂ​റും പൊ​തു​ജ​ന​ങ്ങ​ള്‍​ക്ക് തു​റ​ന്ന് കൊ​ടു​ക്ക​ണ​മെ​ന്ന് പു​തു​ക്കി​യ ഉ​ത്ത​ര​വി​ല്‍ ഹൈ​ക്കോ​ട​തി വ്യ​ക്ത​മാ​ക്കി.

സം​സ്ഥാ​ന​ത്തു​ട​നീ​ള​മു​ള്ള റീ​ട്ടെ​യി​ല്‍ ഔ​ട്ട്ലെ​റ്റു​ക​ളി​ല്‍ എ​ല്ലാ ഉ​പ​ഭോ​ക്താ​ക്ക​ള്‍​ക്കും യാ​ത്ര​ക്കാ​ര്‍​ക്കും സ​മാ​ന​മാ​യ പ്ര​വേ​ശ​നം ന​ല്‍​ക​ണ​മെ​ന്നും കോ​ട​തി ചൂ​ണ്ടി​ക്കാ​ട്ടി.

സു​ര​ക്ഷാ പ്രോ​ട്ടോ​ക്കോ​ള്‍ പ​രി​ഗ​ണ​ന​ക​ള്‍​ക്ക് വി​ധേ​യ​മാ​യി, ശൗ​ചാ​ല​യം ഉ​പ​യോ​ഗി​ക്കാ​ന്‍ ആ​വ​ശ്യ​പ്പെ​ടു​ന്ന ഏ​തൊ​രു വ്യ​ക്തി​ക്കും പ്ര​വേ​ശ​നം അ​നു​വ​ദി​ക്ക​ണം. സു​ര​ക്ഷാ​പ​ര​മാ​യ ആ​ശ​ങ്ക​ക​ള്‍ നി​ല​നി​ല്‍​ക്കു​മ്പോ​ള്‍ മാ​ത്ര​മേ പ്ര​വേ​ശ​നം നി​യ​ന്ത്രി​ക്കാ​ന്‍ പാ​ടു​ള്ളൂ​വെ​ന്നും കോ​ട​തി വ്യ​ക്ത​മാ​ക്കി.

സം​സ്ഥാ​ന സ​ര്‍​ക്കാ​രും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും പ​മ്പു​ക​ളി​ലെ ശു​ചി​മു​റി​ക​ൾ പൊ​തു ശു​ചി​മു​റി​ക​ളാ​ക്കി മാ​റ്റാ​നു​ള്ള ശ്ര​മ​ങ്ങ​ളെ ചോ​ദ്യം ചെ​യ്ത് പെ​ട്രോ​ളി​യം ട്രേ​ഡേ​ഴ്സ് വെ​ല്‍​ഫെ​യ​ര്‍ ആ​ന്‍​ഡ് ലീ​ഗ​ല്‍ സ​ര്‍​വീ​സ് സൊ​സൈ​റ്റി​യും അ​ഞ്ച് പെ​ട്രോ​ളി​യം റീ​ട്ടെ​യി​ല​ര്‍​മാ​രും സ​മ​ര്‍​പ്പി​ച്ച റി​ട്ട് ഹ​ര്‍​ജി​യി​ലാ​ണ് ജ​സ്റ്റീ​സ് സി.​എ​സ്. ഡ​യ​സ് ഇ​ന്ന് ഉ​ത്ത​ര​വ് ഭേ​ദ​ഗ​തി ചെ​യ്ത​ത്.

റോ​ഡ് ഗ​താ​ഗ​ത, ദേ​ശീ​യ​പാ​ത മ​ന്ത്രാ​ല​യം 2020ല്‍ ​പു​റ​പ്പെ​ടു​വി​ച്ച മാ​ര്‍​ഗ​നി​ര്‍​ദ്ദേ​ശ​ങ്ങ​ള്‍ സം​സ്ഥാ​ന സ​ര്‍​ക്കാ​ര്‍ കോ​ട​തി​യി​ല്‍ സ​മ​ര്‍​പ്പി​ച്ച​തി​ന് പി​ന്നാ​ലെ​യാ​ണ് കോ​ട​തി ഉ​ത്ത​ര​വ് ഭേ​ദ​ഗ​തി ചെ​യ്ത​ത്.