മോ​സ്കോ: ഞാ​യ​റാ​ഴ്ച യു​ക്രെ​യ്ൻ ന​ട​ത്തി​യ ഡ്രോ​ൺ ആ​ക്ര​മ​ണ​ത്തി​ൽ റ​ഷ്യ​യി​ലെ ആ​ണ​വ​നി​ല​യ​ത്തി​നു തീ​പി​ടി​ച്ചു. ഏ​റ്റ​വും വ​ലി​യ ആ​ണ​വ​നി​ല​യ​ങ്ങ​ളി​ലൊ​ന്നാ​യ കു​ർ​സ്ക് ആ​ണ​വ​നി​ല​യ​ത്തി​നാ​ണ് തീ​പി​ടി​ച്ച​ത്. നി​ല​യ​ത്തി​ലെ ഒ​രു ഓ​ക്സി​ലി​യ​റി ട്രാ​ൻ​സ്ഫോ​മ​റി​ന് കേ​ടു​പ​റ്റു​ക​യും റി​യാ​ക്ട​റു​ക​ളൊ​ന്നി​ന്‍റെ പ്ര​വ​ർ​ത്ത​ന​ശേ​ഷി​യി​ൽ 50 ശ​ത​മാ​നം കു​റ​വു​ണ്ടാ​കു​ക​യും ചെ​യ്തു.

ഉ​സ്ത് ലൂ​ഗ​യി​ലെ നോ​വാ​ടെ​ക്കി​ന്‍റെ ഒ​രു ഇ​ന്ധ​ന​ക്ക​യ​റ്റു​മ​തി ടെ​ർ​മി​ന​ലും യു​ക്രെ​യ്ൻ ആ​ക്ര​മ​ണ​ത്തി​ൽ തീ​പി​ടി​ച്ചു. ആ​ണ​വ വി​കി​ര​ണ​തോ​ത് സാ​ധാ​ര​ണ നി​ല​യി​ലാ​ണെ​ന്നും തീ​പി​ടി​ത്ത​ത്തി​ൽ ആ​ർ​ക്കും പ​രി​ക്കേ​റ്റി​ട്ടി​ല്ലെ​ന്നും അ​ധി​കൃ​ത​ർ അ​റി​യി​ച്ചു. 1991ൽ ​യു​ക്രെ​യ്ൻ സോ​വി​യ​റ്റ് യൂ​ണി​യ​നി​ൽ​നി​ന്ന് സ്വ​ത​ന്ത്ര​മാ​യ​തി​ന്‍റെ വാ​ർ​ഷി​ക​ദി​ന​ത്തി​ലാ​യി​രു​ന്നു ആ​ക്ര​മ​ണം.

സം​ഭ​വ​ത്തെ​ക്കു​റി​ച്ച് അ​റി​ഞ്ഞി​ട്ടു​ണ്ടെ​ന്നും എ​ല്ലാ ആ​ണ​വ​നി​ല​യ​ങ്ങ​ളും എ​ല്ലാ​സ​മ​യ​വും സു​ര​ക്ഷി​ത​മാ​യി​രി​ക്ക​ണ​മെ​ന്നും ഐ​ക്യ​രാ​ഷ്ട്ര​സ​ഭ​യു​ടെ അ​ന്താ​രാ​ഷ്ട്ര ആ​ണ​വോ​ർ​ജ ഏ​ജ​ൻ​സി പ​റ​ഞ്ഞു.