സ്മാ​ർ​ട്ട്‌​ഫോ​ണു​ക​ളി​ൽ അ​ടി​മ​പ്പെ​ട്ടു​ക​ഴി​യു​ന്ന കു​ട്ടി​ക​ളു​ടെ കാ​ല​ത്ത്, മൊ​ബൈ​ൽ ഫോ​ൺ ഉ​പ​യോ​ഗ​ത്തി​ലു​ള്ള ആ​സ​ക്തി​യെ ചെ​റു​ക്കാ​ൻ മും​ബൈ​യി​ലെ സ്‌​കോ​ളേ​ഴ്‌​സ് എ​ഡ്യു​ക്കെ​യ​ർ സ്‌​കൂ​ൾ ന​ട​ത്തി​യ ഒ​രു ക്ലാ​സ് റൂം ​ബോ​ധ​വ​ൽ​ക്ക​ര​ണ പ​രി​പാ​ടി ദേ​ശീ​യ​ത​ല​ത്തി​ൽ വ​ലി​യ വി​മ​ർ​ശ​ന​ങ്ങ​ൾ​ക്ക് വ​ഴി​വെ​ച്ചി​രി​ക്കു​ക​യാ​ണ്.

അ​മി​ത​മാ​യ സ്ക്രീ​ൻ സ​മ​യം വ​രു​ത്തി​വെ​ക്കു​ന്ന അ​പ​ക​ട​ങ്ങ​ൾ ചെ​റി​യ കു​ട്ടി​ക​ളെ ബോ​ധ്യ​പ്പെ​ടു​ത്തു​ക എ​ന്ന ല​ക്ഷ്യ​ത്തോ​ടെ ന​ട​ത്തി​യ ഈ ​പ​രി​ശീ​ല​ന​ത്തി​ൽ ഭീ​തി​യും അ​മി​ത​മാ​യ നാ​ട​കീ​യ​ത​യും ഉ​പ​യോ​ഗി​ച്ച​ത് ര​ക്ഷി​താ​ക്ക​ളെ​യും സോ​ഷ്യ​ൽ മീ​ഡി​യ ഉ​പ​യോ​ക്താ​ക്ക​ളെ​യും ഒ​രു​പോ​ലെ ഞെ​ട്ടി​ച്ചു.

ഇ​ത്ര​യും കു​റ​ഞ്ഞ പ്രാ​യ​ത്തി​ലു​ള്ള കു​ട്ടി​ക​ൾ​ക്ക് ഇ​ത്ത​ര​ത്തി​ൽ ഭ​യം ഉ​ള​വാ​ക്കു​ന്ന സ​മീ​പ​നം ഒ​ട്ടും ഉ​ചി​ത​മ​ല്ലെ​ന്നാ​ണ് പൊ​തു​വെ​യു​ള്ള ആ​ക്ഷേ​പം. സ്‌​കൂ​ളി​ന്‍റെ ഔ​ദ്യോ​ഗി​ക ഇ​ൻ​സ്റ്റാ​ഗ്രാം പേ​ജി​ൽ പ​ങ്കു​വെ​ച്ച ഈ ​വീ​ഡി​യോ​യി​ൽ, മൊ​ബൈ​ൽ അ​മി​ത​മാ​യി ഉ​പ​യോ​ഗി​ക്കു​ന്ന​തി​ന്‍റെ ദൂ​ഷ്യ​വ​ശ​ങ്ങ​ൾ മൂ​ന്ന് അ​ധ്യാ​പ​ക​ർ ചേ​ർ​ന്ന് നാ​ട​ക രൂ​പ​ത്തി​ൽ അ​വ​ത​രി​പ്പി​ക്കു​ന്ന​ത് കാ​ണാം.

ഫോ​ണി​ൽ നി​ന്ന് ക​ണ്ണെ​ടു​ക്കാ​തെ എ​പ്പോ​ഴും സ്‌​ക്രോ​ൾ ചെ​യ്യു​ന്ന, ഭ​ക്ഷ​ണം പോ​ലും വേ​ണ്ടെ​ന്ന് വെ​ച്ച് നി​ർ​ബ​ന്ധ​ബു​ദ്ധി കാ​ണി​ക്കു​ന്ന കു​ട്ടി​യാ​യാ​ണ് ഒ​രു അ​ധ്യാ​പി​ക വേ​ഷ​മി​ട്ട​ത്. മ​റ്റൊ​രാ​ൾ ര​ക്ഷി​താ​വി​ന്‍റെ​യും മൂ​ന്നാ​മ​ത്തെ​യാ​ൾ ഡോ​ക്ട​റു​ടെ​യും ഭാ​ഗ​ങ്ങ​ൾ ചെ​യ്തു.

"സാ​ങ്കേ​തി​ക​വി​ദ്യ​യു​ടെ ഉ​പ​യോ​ഗ​വും, യ​ഥാ​ർ​ത്ഥ ജീ​വി​ത ബ​ന്ധ​ങ്ങ​ളും, ശ്ര​ദ്ധ​യോ​ടെ​യു​ള്ള ജീ​വി​ത​വും ത​മ്മി​ൽ സ​ന്തു​ലി​താ​വ​സ്ഥ ആ​വ​ശ്യ​മാ​ണെ​ന്ന് ഊ​ന്നി​പ്പ​റ​യു​ന്ന ശ​ക്ത​മാ​യ ചി​ത്രീ​ക​ര​ണം" എ​ന്നാ​യി​രു​ന്നു വീ​ഡി​യോ​ക്ക് ന​ൽ​കി​യ അ​ടി​ക്കു​റി​പ്പ്.

നാ​ട​ക​ത്തി​നി​ടെ കു​ട്ടി​യു​ടെ കൈ​യി​ൽ നി​ന്ന് മൊ​ബൈ​ൽ എ​ടു​ത്തു​മാ​റ്റു​മ്പോ​ൾ കു​ട്ടി അ​ക്ര​മാ​സ​ക്ത​യാ​വു​ക​യും ക്ഷോ​ഭി​ക്കു​ക​യും ചെ​യ്യു​ന്നു​ണ്ട്. തു​ട​ർ​ന്ന് മൊ​ബൈ​ൽ ഉ​പ​യോ​ഗം മൂ​ല​മു​ണ്ടാ​കു​ന്ന ശാ​രീ​രി​ക ബു​ദ്ധി​മു​ട്ടു​ക​ൾ എ​ടു​ത്തു​കാ​ണി​ക്കു​ന്ന​തി​ന്‍റെ ഭാ​ഗ​മാ​യി കു​ട്ടി​ക്ക് ക​ഠി​ന​മാ​യ ക​ണ്ണ് വേ​ദ​ന അ​നു​ഭ​വ​പ്പെ​ടു​ന്ന​താ​യും അ​വ​ത​രി​പ്പി​ച്ചു.

ഏ​റ്റ​വും അ​ധി​കം വി​മ​ർ​ശ​ന​മു​ണ്ടാ​കാ​ൻ കാ​ര​ണ​മാ​യ ഭാ​ഗം ഡോ​ക്ട​റു​ടെ ചി​കി​ത്സ​യാ​യി​രു​ന്നു. ഡോ​ക്ട​ർ ക​ഥാ​പാ​ത്രം കു​ട്ടി​യെ പ​രി​ശോ​ധി​ച്ച​ശേ​ഷം കു​ത്തി​വ​യ്പ്പ് എ​ടു​ക്കു​ക​യും, ഉ​ട​ൻ ത​ന്നെ കു​ട്ടി​യു​ടെ ക​ണ്ണി​ൽ നി​ന്ന് കൃ​ത്രി​മ ര​ക്തം ഒ​ഴു​കു​ക​യും ചെ​യ്യു​ന്ന രം​ഗം കു​ട്ടി​ക​ൾ​ക്കി​ട​യി​ൽ ഭീ​തി പ​ര​ത്തി.

മൊ​ബൈ​ൽ ദു​രു​പ​യോ​ഗം കാ​ഴ്ച​യ്ക്ക് സ്ഥി​ര​മാ​യ കേ​ടു​പാ​ടു​ക​ൾ വ​രു​ത്തു​മെ​ന്നും കാ​ഴ്ച ന​ഷ്ട​പ്പെ​ടു​ത്തു​മെ​ന്നും സൂ​ചി​പ്പി​ക്കു​ന്ന​തി​നാ​ണ് ഈ ​ദൃ​ശ്യം ഉ​ൾ​പ്പെ​ടു​ത്തി​യ​ത്. ക്ലാ​സ് റൂ​മി​ൽ ഈ ​അ​മി​ത നാ​ട​കീ​യ​ത അ​ര​ങ്ങേ​റി​യ​പ്പോ​ൾ കു​ട്ടി​ക​ൾ അ​സ്വ​സ്ഥ​രാ​യി. പ്ര​ക​ട​നം ക​ണ്ട ശേ​ഷം അ​ധ്യാ​പ​ക​ർ ഫോ​ൺ ഉ​പ​യോ​ഗി​ക്കാ​ൻ താ​ത്പ​ര്യ​മു​ണ്ടോ എ​ന്ന് ചോ​ദി​ച്ച​പ്പോ​ൾ, ചി​ല വി​ദ്യാ​ർ​ത്ഥി​ക​ൾ ക​ര​യു​ന്ന അ​വ​സ്ഥ​യി​ലേ​ക്ക് എ​ത്തു​ക​യും ചെ​യ്തു.




ഇ​ത് ബോ​ധ​വ​ൽ​ക്ക​ര​ണ​ത്തി​ന് പ​ക​രം കു​ട്ടി​ക​ളി​ൽ ഉ​ണ്ടാ​ക്കി​യ മാ​ന​സി​കാ​ഘാ​തം വ്യ​ക്ത​മാ​ക്കു​ന്നു. "ഇ​നി ഫോ​ൺ വേ​ണ്ട' എ​ന്ന ശ​ക്ത​മാ​യ മു​ന്ന​റി​യി​പ്പോ​ടെ​യാ​ണ് പ്ര​ക​ട​നം അ​വ​സാ​നി​ച്ച​ത്. വീ​ഡി​യോ വൈ​റ​ലാ​യ​തോ​ടെ, "ഭ​യ​പ്പെ​ടു​ത്തി കാ​ര്യ​ങ്ങ​ൾ പ​ഠി​പ്പി​ക്കു​ന്ന​ത് ശ​രി​യ​ല്ല' എ​ന്ന വി​മ​ർ​ശ​നം ശ​ക്ത​മാ​യി.

എ​ങ്കി​ലും, "പു​തി​യ ത​ല​മു​റ​യ്ക്ക് ഇ​ത്ത​രം ബോ​ധ​വ​ൽ​ക്ക​ര​ണം ആ​വ​ശ്യ​മാ​ണ്, ന​ല്ല ശ്ര​മം' എ​ന്നി​ങ്ങ​നെ പ്രോ​ത്സാ​ഹി​പ്പി​ച്ചു​കൊ​ണ്ടു​ള്ള അ​ഭി​പ്രാ​യ​ങ്ങ​ളും ക​മ​ന്‍റ് ബോ​ക്സു​ക​ളി​ൽ നി​റ​ഞ്ഞു. എ​ന്താ​യാ​ലും, മൊ​ബൈ​ൽ ആ​സ​ക്തി എ​ന്ന ഗൗ​ര​വ​മേ​റി​യ സാ​മൂ​ഹി​ക പ്ര​ശ്‌​ന​ത്തി​ലേ​ക്ക് ഈ ​സം​ഭ​വം വീ​ണ്ടും ശ്ര​ദ്ധ ആ​ക​ർ​ഷി​ച്ചി​ട്ടു​ണ്ട്.