ഓർമകളിലേക്കു മടക്കം... ആ​ള്‍​ക്ക​ട​ലാ​യി പാ​ത​യോ​രം; ശാ​ന്ത​മാ​യും പൊ​ട്ടി​ക്ക​ര​ഞ്ഞും ജ​നം
Wednesday, July 23, 2025 6:52 AM IST
റി​ച്ചാ​ര്‍​ഡ് ജോ​സ​ഫ്

തി​രു​വ​ന​ന്ത​പു​രം: ചു​വ​ന്ന പ​നി​നീ​ര്‍ പു​ഷ്പ​ങ്ങ​ളു​മാ​യി കാ​ത്തു​നി​ന്ന ബാ​ലി​ക​മാ​ര്‍... കൊ​ച്ചു​കു​ട്ടി​ക​ളെ തോ​ളി​ലേ​റ്റി വ​ന്ന​വ​ര്‍.. ക​രി​ങ്കൊ​ടി​ക്കൊ​പ്പം പാ​ര്‍​ട്ടി പ​താ​ക ചേ​ര്‍​ത്തു​കെ​ട്ടി​യ പ്ര​വ​ര്‍​ത്ത​ക​ര്‍... ചി​ല​ര്‍ ശാ​ന്ത​മാ​യി നി​ന്നു, മ​റ്റു​ചി​ല​ര്‍ പൊ​ട്ടി​ക്ക​ര​ഞ്ഞു.! ആ​ള്‍​ക്കൂ​ട്ട​ത്തി​ല്‍നി​ന്നും വി​പ്ല​വ സൂ​ര്യ​ന്‍ വി.​എ​സ്. അ​ച്യു​താ​ന​ന്ദ​ന്‍ എ​ന്ന വി​എ​സ് മ​ട​ങ്ങു​മ്പോ​ള്‍ ആ​ള്‍​ക്ക​ട​ലാ​യി തി​രു​വ​ന​ന്ത​പു​രം ന​ഗ​ര​വീ​ഥി​ക​ള്‍ മാ​റി. തു​ട​ര്‍​ന്നു ന​ഗ​രം സാ​ക്ഷ്യം വ​ഹി​ച്ച​ത് അ​സാ​ധാ​ര​ണ മു​ഹൂ​ര്‍​ത്ത​ങ്ങ​ള്‍​ക്ക്.

ഇ​ന്ന​ലെ ഉ​ച്ച​ക​ഴി​ഞ്ഞ് 2.25നാ​ണ് സെ​ക്ര​ട്ടേ​റി​യ​റ്റ് ദ​ര്‍​ബാ​ര്‍ ഹാ​ളി​ല്‍നി​ന്നും ആ​സാ​ദ് ഗേ​റ്റി​ലൂ​ടെ വി​എ​സി​ന്‍റെ ചേ​ത​ന​യ​റ്റ ശ​രീ​രം വ​ഹി​ച്ചു​കൊ​ണ്ടു​ള്ള വാ​ഹ​ന​വ്യൂ​ഹം എം​ജി റോ​ഡി​ല്‍ പ്ര​വേ​ശി​ച്ച​ത്.
സെ​ക്ര​ട്ടേ​റി​യ​റ്റി​നു മു​ന്നി​ലും സ്‌​പെ​ന്‍​സ​ര്‍ ജം​ഗ്ഷ​നി​ലു​മാ​യി ജ​ന​സാ​ഗ​ര​മാ​ണ് അ​ദ്ദേ​ഹ​ത്തി​ന് അ​ന്ത്യോ​പ​ചാ​രം അ​ര്‍​പ്പി​ക്കാ​ന്‍ കാ​ത്തു നി​ന്ന​ത്.

വി​എ​സ് അ​പ്പൂ​പ്പ​നു വ​ര​ച്ച ചി​ത്രം ന​ല്‍​കാ​ന്‍ കാ​ത്തു​നി​ന്ന കു​ട്ടി​ക​ളു​ടെ മു​ഖം നി​ഷ്‌​ക​ള​ങ്ക​ത​യു​ടെ അ​ട​യാ​ള​മാ​യി മാ​റി. പാ​ര്‍​ട്ടി പ്ര​വ​ര്‍​ത്ത​ക​രും അ​നു​യാ​യി​ക​ളും മാ​ത്ര​മ​ല്ല, വാ​യി​ച്ചും കേ​ട്ടും മാ​ത്രം അ​റി​ഞ്ഞ​വ​രും സ്‌​നേ​ഹ​ത്തി​ന്‍റെ പ​നി​നി​ര്‍​പു​ഷ്പ​ങ്ങ​ളു​മാ​യി പാ​ത​യോ​ര​ങ്ങ​ളി​ല്‍ കാ​ത്തുനി​ന്നു, അ​വ​സാ​ന​മാ​യി ഒ​രു നോ​ക്കു കാ​ണാ​ന്‍..! ചു​വ​ന്ന പു​ഷ്പ​ങ്ങ​ള്‍ മൃ​ത​ദേ​ഹം വ​ഹി​ച്ചു​കൊ​ണ്ടു​ള്ള വാ​ഹ​ന​ത്തി​ലേ​ക്ക് എ​റി​ഞ്ഞും മു​ദ്രാ​വാ​ക്യം മു​ഴ​ക്കി​യും ചി​ല​ര്‍ ശാ​ന്ത​മാ​യി ന​ട​ന്നു നീ​ങ്ങു​ന്നു.

റോ​ഡി​നി​രു​വ​ശ​വു​മാ​യി ചെ​റു​തും വ​ലു​തു​മാ​യ സ്ഥാ​പ​ന​ങ്ങ​ളി​ല്‍ പ്ര​വ​ര്‍​ത്തി​ക്കു​ന്ന​വ​രും വി​എ​സി​നെ ഒ​രു നോ​ക്കു കാ​ണു​ന്നി​ത​നാ​യി പാ​ത​യോ​ര​ങ്ങ​ളി​ല്‍ കാ​ത്തുനി​ന്നു. പ്ര​വ​ര്‍​ത്ത​ക​ര്‍​ക്കും അ​ണി​ക​ള്‍​ക്കു​മൊ​പ്പം നൂ​റു​ക​ണ​ക്കി​നു വാ​ഹ​ന​ങ്ങ​ളും വി​ലാ​പ​യാ​ത്ര​യി​ല്‍ പ​ങ്കു​ചേ​ര്‍​ന്നു.

പ​തി​റ്റാ​ണ്ടു​ക​ളോ​ളം നി​യ​മ​സ​ഭാ സാ​മാ​ജി​ക​നാ​യി​രു​ന്ന അ​ദ്ദേ​ഹ​ത്തി​ന്‍റെ ചേ​ത​ന​യ​റ്റ ശ​രീ​രം ഇ​ന്ന​ലെ ഉ​ച്ച​ക​ഴി​ഞ്ഞ് 3.08നു നി​യ​മ​സ​ഭ​യു​ടെ മു​ന്നി​ലൂ​ടെ ക​ട​ന്നു​പോ​യി. ദ​ര്‍​ബാ​ര്‍ ഹാ​ളി​ല്‍ നി​ന്നും പു​റ​പ്പെ​ട്ട വി​ലാ​പ​യാ​ത്ര ഒ​രു മ​ണി​ക്കൂ​റി​നു​ശേ​ഷ​മാ​ണ് ഒ​ന്ന​ര കി​ലോ​മീ​റ്റ​റോ​ളം മാ​ത്രം ദൂ​ര​മു​ള്ള പ്ലാ​മൂ​ട് എ​ത്തി​ച്ചേ​ര്‍​ന്ന​ത്.

വീ​ണ്ടും ഒ​രു മ​ണി​ക്കൂ​ര്‍ എ​ടു​ത്തു പ​ട്ടം സെന്‍റ് മേ​രീ​സ് സ്‌​കൂ​ളി​നു മു​ന്നി​ലെ​ത്താ​ന്‍. പ​ട്ടം ജം​ഗ്ഷ​നി​ലും കേ​ശ​വ​ദാ​സ​പു​ര​ത്തും വി​എ​സി​നെ ഒ​രു നോ​ക്കി കാ​ണു​ന്ന​തി​നാ​യി ആ​ളു​ക​ള്‍ തി​ങ്ങിനി​റ​ഞ്ഞി​രു​ന്നു. ഉ​ച്ച​യ്ക്ക് ര​ണ്ടു മു​ത​ല്‍ കാ​ത്തു​നി​ന്ന പ​ല​ര്‍​ക്കും മ​ണി​ക്കൂ​റു​ക​ള്‍​ക്കു ശേ​ഷ​മാ​ണു വി​എ​സി​നെ ഒ​രു നോ​ക്കു കാ​ണാ​നാ​യ​ത്.

കേ​ശ​വ​ദാ​സ​പു​ര​വും ക​ഴി​ഞ്ഞ് ഉ​ള്ളൂ​ര്‍ ജം​ഗ്ഷ​നി​ല്‍ എ​ത്തി​ച്ചേ​ര്‍​ന്ന​പ്പോ​ള്‍ സമയം 5.12 ആ​യി​രു​ന്നു. ന​ഗ​ര​വീ​ഥി​യി​ല്‍ കാ​ത്തു നി​ന്ന ജ​ന​സാ​ഗ​രം ക​ടന്നു പ​ള്ളി​പ്പു​റ​ത്തെ​ത്തി​യ​പ്പോ​ള്‍ രാ​ത്രി 8.30 ക​ഴി​ഞ്ഞു. ന​ഗ​ര​വീ​ഥി​ക​ളി​ല്‍ മ​നു​ഷ്യ​മ​തി​ല്‍ തീ​ര്‍​ത്തു വി​എ​സി​നെ ഇ​ഷ്ട​പ്പെ​ടു​ന്ന​വ​ര്‍ കാ​ത്തുനി​ന്ന​പ്പോ​ള്‍ അ​ദ്ദേ​ഹ​ത്തെ പി​രി​യാ​നാ​കാ​തെ വി​ലാ​പ​യാ​ത്ര​യാ​ക്കൊ​പ്പം കൂ​ടി​യ​വ​രും നി​ര​വ​ധി.
Copyright @ 2018 , Rashtra Deepika Ltd.