ബി.​ടെ​ക് വി​ദ്യാ​ര്‍​ഥിയെ ഭീ​ഷ​ണി​പ്പെ​ടു​ത്തി പ​ണംതട്ടിയ അ​ഞ്ചം​ഗ​സം​ഘം അ​റ​സ്റ്റി​ല്‍
Wednesday, August 13, 2025 7:05 AM IST
പേ​രൂ​ര്‍​ക്ക​ട: ബി.​ടെ​ക് വി​ദ്യാ​ര്‍​ഥിയെ ക​ത്തി​കാ​ട്ടി ഭീ​ഷ​ണി​പ്പെ​ടു​ത്തി പ​ണ​വും വ​സ്തു​വ​ക​ക​ളും ക​വ​ര്‍​ന്ന അ​ഞ്ചം​ഗ​സം​ഘ​ത്തെ ത​മ്പാ​നൂ​ര്‍ പോ​ലീ​സ് പി​ടി​കൂ​ടി. നേ​മം കാ​ര​യ്ക്കാ​മ​ണ്ഡ​പം ടി.​സി 53/236 ദ​സ്ത​ഗീ​ര്‍ മ​ന്‍​സി​ലി​ല്‍ ദ​സ്ത​ഗീ​ര്‍ (46), കൊ​ല്ലം എ​ഴു​കോ​ണ്‍ പ​വി​ത്രേ​ശ്വ​രം ബി​ജു ഭ​വ​ന​ത്തി​ല്‍ ബി​ജു (43), കൊ​ല്ലം ഈ​സ്റ്റ് ക​ല്ല​ട മ​റ​വൂ​ര്‍ മു​റി രാ​ജീ​വ് ഭ​വ​നി​ല്‍ രാ​ജീ​വ് (42), തി​രു​വ​ന​ന്ത​പു​രം വ​ള്ള​ക്ക​ട​വ് മ​ഠ​ത്തി​ല്‍ ഹൗ​സി​ല്‍ ബി​ജു (30), ബാ​ല​രാ​മ​പു​രം റ​സ്സ​ല്‍​പു​രം ജി​ത്തു ഭ​വ​നി​ല്‍ ജി​ത്തു (21) എ​ന്നി​വ​രാ​ണ് പി​ടി​യി​ലാ​യ​ത്.

തി​ങ്ക​ളാ​ഴ്ച രാ​ത്രി 10.30ന് ​ത​മ്പാ​നൂ​ര്‍ എ​സ്.​എ​സ്. കോ​വി​ല്‍ റോ​ഡി​ല്‍ അ​യ്യ​പ്പ​ക്ഷേ​ത്ര​ത്തി​നു സ​മീ​പ​ത്താ​യി​രു​ന്നു സം​ഭ​വം. എ​റ​ണാ​കു​ളം സ്വ​ദേ​ശി​യും ബി.​ടെ​ക് വി​ദ്യാ​ര്‍​ഥി​യു​മാ​യ 22-കാ​ര​നാ​ണ് ആ​ക്ര​മ​ണ​ത്തി​നി​ര​യാ​യ​ത്. നാ​ട്ടി​ല്‍​നി​ന്നു ബ​സി​ല്‍ വ​ന്നി​റ​ങ്ങി​യ​ശേ​ഷം ആ​ഹാ​രം ക​ഴി​ക്കാ​ന്‍ എ​ത്തി​യ​താ​യി​രു​ന്നു യു​വാ​വ്.

പ്ര​തി​ക​ള്‍ ചേ​ര്‍​ന്നു യു​വാ​വി​ന്‍റെ ഷ​ര്‍​ട്ടി​നു കു​ത്തി​പ്പി​ടി​ച്ച് അ​സ​ഭ്യം പ​റ​യു​ക​യും കൈ​വ​ശ​മി​രു​ന്ന ക​ത്തി​കാ​ട്ടി ഭീ​ഷ​ണി​പ്പെ​ടു​ത്തു​ക​യും ചെ​യ്തു. ക​ഴു​ത്തി​ല്‍ ക​ത്തി​വ​ച്ച​ശേ​ഷം പ​ണ​വും ബാ​ഗും ക​വ​ര്‍​ച്ച ചെ​യ്തു. യു​വാ​വി​ന്‍റെ കൈ​വ​ശ​മു​ണ്ടാ​യി​രു​ന്ന 800 രൂ​പ​യും ഫോ​ണ്‍ ചാ​ര്‍​ജ​ര്‍, നി​ത്യോ​പ​യോ​ഗ​സാ​ധ​ന​ങ്ങ​ള്‍ എ​ന്നി​വ ക​വ​ർ​ന്ന പ്ര​തി​ക​ള്‍ യു​വാ​വി​ന​ന്‍റെ മു​തു​കി​ലും നെ​ഞ്ചി​ലും ഇ​ടി​ച്ചു പ​രി​ക്കേ​ല്‍​പ്പി​ച്ച​ശേ​ഷം ര​ക്ഷ​പ്പെ​ടു​ക​യാ​യി​രു​ന്നു.

പാ​റ​ശാ​ല​യി​ല്‍ സൈ​റ്റ് എ​ന്‍​ജി​നീ​യ​റാ​യി ജോ​ലി​ചെ​യ്യു​ന്ന യു​വാ​വ് ആ​ഹാ​രം ക​ഴി​ച്ച​ശേ​ഷം അ​വി​ടേ​ക്ക് പോ​കാ​നി​രി​ക്കു​ക​യാ​യി​രു​ന്നു​വെ​ന്നു പോ​ലീ​സ് അ​റി​യി​ച്ചു. ദ​സ്ത​ഗീ​റി​ന്‍റെ പേ​രി​ൽ ഫോ​ര്‍​ട്ട്, വി​ഴി​ഞ്ഞം, റെ​യി​ല്‍​വേ, നേ​മം, ക​ന്‍റോ​ണ്‍​മെ​ന്‍റ്, നെ​യ്യാ​റ്റി​ന്‍​ക​ര സ്റ്റേ​ഷ​നു​ക​ളി​ല്‍ ക്രി​മി​ന​ല്‍​ക്കേ​സു​ക​ളു​ണ്ട്. ജി​ത്തു​വി​നെ​തി​രേ വി​വി​ധ സ്റ്റേ​ഷ​നു​ക​ളി​ലാ​യി ഏ​ഴു കേ​സു​ക​ള്‍ നി​ല​വി​ലു​ണ്ട്. യു​വാ​വ് പോ​ലീ​സി​ല്‍ ന​ല്‍​കി​യ പ​രാ​തി​യെ​ത്തു​ട​ര്‍​ന്നു ത​മ്പാ​നൂ​ര്‍ സി​ഐ ജി​ജു​കു​മാ​ര്‍, എ​സ്ഐ സ​ന്തോ​ഷ്‌​കു​മാ​ര്‍, സി​പി​ഒ​മാ​രാ​യ അ​രു​ണ്‍​കു​മാ​ര്‍, ശ​ര​ത്കു​മാ​ര്‍ എ​ന്നി​വ​ര്‍ ചേ​ര്‍​ന്ന് എ​സ്.​എ​സ്. കോ​വി​ല്‍ റോ​ഡി​ലും പ​രി​സ​ര​ത്തും നി​ന്നാ​ണ് പ്ര​തി​ക​ളെ ക​സ്റ്റ​ഡി​യി​ലെ​ടു​ത്ത​ത്. ഇ​വ​രെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.
Copyright @ 2018 , Rashtra Deepika Ltd.