വൈക്കം: ആശ്രയ സന്നദ്ധസേവന സംഘടനയുടെ ആഭിമുഖ്യത്തിൽ ജില്ലാ ആശുപത്രി മൊബൈൽ ഒഫ്താൽ യൂണിറ്റിന്‍റെയും ദേശീയ അന്ധതാനിയന്ത്രണ സമിതിയുടെയും സഹകരണത്തോടെ സൗജന്യ നേത്രപരിശോധനാ ക്യാമ്പ് നടത്തി.
വൈക്കം മടിയത്ര എസ്എൻഡിപി ഹാളിൽ നടന്ന ക്യാമ്പ് താലൂക്ക് ആശുപത്രി സൂപ്രണ്ട് ഡോ. ട്വിങ്കിൾ പ്രഭാകർ ഉദ്ഘാടനം ചെയ്തു. ആശ്രയ ചെയർമാൻ പി.കെ. മണിലാൽ അധ്യക്ഷത വഹിച്ചു. പി.ഡി. ഉണ്ണി, പ്രീത രാജേഷ്, ഇടവട്ടം ജയകുമാർ, ബി. ചന്ദ്രശേഖരൻ, ബി. രാജശേഖരൻ, ജഗദീഷ് അക്ഷര, വി. അനൂപ്, വർഗീസ് പുത്തൻചിറ, രാജശ്രീ വേണുഗോപാൽ, പി.ഡി. ബിജിമോൾ, ടി.ആർ. ശശികുമാർ, വൈക്കം ജയൻ, എം.കെ. മഹേശൻ, സന്ധ്യാ വിനോദ്, രജനി പീതാംബരൻ, പി.വി. ഷാജിഎന്നിവർ പ്രസംഗിച്ചു. ജില്ലാ ആശുപത്രി ഒഫ്താൽമോളജിക് സർജൻ ഡോ. അനുആന്‍റണി ക്യാമ്പിന് നേതൃത്വം നൽകി.