5

ര​ണ്ട്‌ ദ​ശാ​ബ്‌​ദ​ത്തി​നി​ട​യി​ലെ ഏ​റ്റ​വും ക​ന​ത്ത വി​ല്പ​ന​യി​ലാ​ണ് വി​ദേ​ശ പോ​ർ​ട്ട്‌ഫോ​ളി​യോ നി​ക്ഷേ​പ​ക​ർ. ഒ​രു ക​ല​ണ്ട​ർ വ​ർ​ഷ​ത്തി​നി​ട​യി​ൽ ഇ​ന്ത്യ​ൻ വി​പ​ണിയിൽ ഇ​ത്ത​രം ഒ​രു മു​ഖംതി​രി​ക്ക​ൽ പി​ന്നി​ട്ട ഇ​രു​പ​ത്‌ വ​ർ​ഷ​ത്തി​നി​ട​യി​ൽ ആ​ദ്യ​മാ​ണ്. ന​ട​പ്പ്‌ വ​ർ​ഷം ഇ​തുവ​രെ​യു​ള്ള 234 പ്ര​വൃ​ത്തി​ദി​ന​ങ്ങ​ളി​ൽ 141 ദി​വ​സ​വും വി​ദേ​ശ ഇ​ട​പാ​ടു​കാ​ർ വി​ല്പ​ന​ക്കാ​രു​ടെ മേ​ല​ങ്കി​യാ​ണ് അ​ണി​ഞ്ഞ​ത്‌.

വില്പനയിൽ 2008ലെ ​റി​ക്കാ​ർ​ഡ് ക​ട​ക്കി​ല്ല

പ​തി​നേ​ഴ്‌ വ​ർ​ഷം മു​ൻ​പ്‌ 2008ൽ ​ആ​ഗോ​ള സാ​മ്പ​ത്തി​ക പ്ര​തി​സ​ന്ധി ത​ലയു​യ​ർ​ത്തി​യ വേ​ള​യി​ൽ വി​ദേ​ശ ഓ​പ്പ​റേ​റ്റ​ർ​മാ​ർ ഇ​ത്ത​രം ഒ​രു വി​ല്പ​ന ഇ​ന്ത്യ​യി​ൽ ന​ട​ത്തി​യി​രു​ന്നു, അ​ന്ന​ത്തെ റി​ക്കാ​ർ​ഡ്‌ 154 ദി​വ​സ​ങ്ങ​ളി​ലെ വി​ല്പ​ന​യാ​ണ്. നി​ല​വി​ൽ ഡി​സം​ബ​ർ 31ന് ​ഇ​നി 12 പ്ര​വൃ​ത്തി​ദി​ന​ങ്ങ​ൾ ശേ​ഷി​ക്കു​ന്നു, അ​താ​യ​ത്‌ ഇ​നി​യു​ള്ള ദി​വ​സ​ങ്ങ​ളി​ലും അ​വ​ർ വി​ല്പ​ന​യി​ൽ ത​ന്നെ തു​ട​ർ​ന്നാ​ലും 154 എ​ന്ന റി​ക്കാ​ർ​ഡ്‌ നി​ല​നി​ൽ​ക്കും.

ആ​ഭ്യ​ന്ത​ര ഫ​ണ്ടു​ക​ൾ

വെ​ള്ളി​യാ​ഴ്‌​ച വ്യാ​പാ​രാ​ന്ത്യം വ​രെ​യു​ള്ള വി​ദേ​ശ നി​ക്ഷേ​പ​ക​രു​ടെ ഈ ​വ​ർ​ഷ​ത്തെ മൊ​ത്തം വി​ല്പ​ന 1,52,273 കോ​ടി രൂ​പ​യാ​ണ്. അ​താ​യ​ത്‌ ഓ​രോ മ​ണി​ക്കൂ​റി​ലും അ​വ​ർ 110 കോ​ടി രൂ​പ​യു​ടെ പി​ൻ​വ​ലി​ക്ക​ൽ ന​ട​ത്തി. വി​ദേ​ശ വി​ല്പ​ന​യ്‌​ക്ക്‌ മു​ന്നി​ൽ ഇ​ന്ത്യ​ൻ വി​പ​ണി ഈ ​വ​ർ​ഷം പ​ത​റി​യി​ല്ലെ​ന്ന​ത്‌ ഏ​റെ ശ്ര​ദ്ധേ​യം. ആ​ഭ്യ​ന്ത​ര മ്യൂ​ച്വ​ൽ ഫ​ണ്ടു​ക​ളു​ടെ നി​റ​ഞ്ഞ സാ​ന്നി​ധ്യം സ​ർ​വ​കാ​ല റി​ക്കാ​ർ​ഡ്‌ ത​ല​ത്തി​ലേ​ക്കും വി​പ​ണി​യെ ഈ ​വ​ർ​ഷം കൈ​പി​ടി​ച്ചു​യ​ർ​ത്തി. 7,20,651 കോ​ടി രൂ​പ​യാ​ണ് ആ​ഭ്യ​ന്ത​ര ഫ​ണ്ടു​ക​ൾ 2025ൽ ​ഇ​തു​വ​രെ നി​ക്ഷേ​പി​ച്ച​ത്‌.

കേ​വ​ലം 24 പ്ര​വൃ​ത്തി​ദി​ന​ങ്ങ​ളി​ൽ മാ​ത്ര​മാ​ണ് ആ​ഭ്യ​ന്ത​ര ഫ​ണ്ടു​ക​ൾ വി​ല്പ​ന​ക്കാ​രാ​യി നി​ല​കൊ​ണ്ട​ത്‌. അ​താ​യ​ത് ആ​റു മ​ണി​ക്കൂ​ർ നീ​ളു​ന്ന ഓ​രോ പ്ര​വൃ​ത്തി ദി​ന​ങ്ങ​ളി​ലും ഓ​രോ മ​ണി​ക്കൂ​റി​ലും 510 കോ​ടി രൂ​പ വീ​തം നി​ക്ഷേ​പി​ച്ചു. ഡോ​ള​ർ പി​ൻ​വ​ലി​ച്ച്‌ വി​ദേ​ശ ഓ​പ്പ​റേ​റ്റ​ർ​മാ​ർ ഇ​ന്ത്യ​ൻ രൂ​പ​യെ അ​ടി​മു​ടി വി​റ​പ്പി​ച്ച​പ്പോ​ഴും ആ​ഭ്യ​ന്ത​ര ഫ​ണ്ടു​ക​ൾ വി​പ​ണി​ക്കു ശ​ക്ത​മാ​യ പി​ൻ​തു​ണ​യാ​ണു ന​ൽ​കി​യ​ത്‌.

രൂ​പ​യു​ടെ മൂ​ല്യ​ത്ത​ക​ർ​ച്ച

വി​ദേ​ശ നി​ക്ഷേ​പ​ക​രു​ടെ പ​ണം പി​ൻ​വ​ലി​ക്ക​ൽ മൂ​ലം വി​നി​മ​യ വി​പ​ണി​യി​ൽ രൂ​പ​യ്‌​ക്കു കാ​ലി​ട​റി. പി​ന്നി​ട്ട ര​ണ്ടാ​ഴ്‌​ച​ക​ളി​ൽ സൂ​ച​ന ന​ൽ​കി​യ​താ​ണു രൂ​പ​യു​ടെ മൂ​ല്യം 90ലേ​ക്ക്‌ ഇ​ടി​യു​മെ​ന്ന​ത്‌. ഡോ​ള​റി​നു മു​ന്നി​ൽ 89.89ൽ ​ഇ​ട​പാ​ടു​ക​ൾ​ക്കു തു​ട​ക്കം കു​റി​ച്ച വി​നി​മ​യ നി​ര​ക്ക്‌ 89.76ലേ​ക്ക്‌ ശ​ക്തി​പ്രാ​പി​ച്ചെ​ങ്കി​ലും ഈ ​റേ​ഞ്ചി​ൽ അ​ധി​ക നേ​രം പി​ടി​ച്ചു​നി​ൽ​ക്കാ​നാ​യി​ല്ല. തൊ​ട്ടു മു​ൻ​വാ​രം രേ​ഖ​പ്പെ​ടു​ത്തി​യ റി​ക്കാ​ർ​ഡ്‌ ത​ക​ർ​ച്ച​യാ​യ 90.41 ക​ട​ന്ന്‌ 90.56ലേ​ക്ക്‌ ഇ​ടി​ഞ്ഞ ശേ​ഷം വാ​രാ​ന്ത്യം 90.42ലാ​ണ്.

രൂ​പ​യു​ടെ മൂ​ല്യം 90.70 വ​രെ വ​ർ​ഷാ​ന്ത്യ​ത്തി​നു മു​ൻ​പ്‌ ദു​ർ​ബ​ല​മാ​കാ​ൻ സാ​ധ്യ​ത. 2025ൽ ​രൂ​പ​യു​ടെ മൂ​ല്യം അ​ഞ്ച്‌ ശ​ത​മാ​നം ഇ​ടി​ഞ്ഞു. ഏ​ഷ്യ​ൻ നാ​ണ​യ​ങ്ങ​ളി​ൽ മൂ​ല്യ​ത്ത​ക​ർ​ച്ച​യു​ടെ കാ​ര്യ​ത്തി​ൽ രൂ​പ​യാ​ണു മു​ന്നി​ൽ.

വി​ദേ​ശ ധ​ന​കാ​ര്യ സ്ഥാ​പ​ന​ങ്ങ​ൾ പി​ന്നി​ട്ട വാ​രം 9201.89 കോ​ടി രൂ​പ​യു​ടെ ഓ​ഹ​രി​ക​ൾ വി​റ്റു. ആ​ഭ്യ​ന്ത​ര ഫ​ണ്ടു​ക​ൾ 20,184.70 രൂ​പ​യു​ടെ ഓ​ഹ​രി​ക​ൾ വാ​ങ്ങി. യു​എ​സ്‌ ഫെ​ഡ്‌ റി​സ​ർ​വ്‌ പ​ലി​ശ നി​ര​ക്കി​ൽ 25 ബേ​സി​സ്‌ പോ​യി​ന്‍റ് കു​റ​വ്‌ പ്ര​ഖ്യാ​പി​ച്ചു. യു​എ​സ് – ഇ​ന്ത്യ വ്യാ​പാ​ര ക​രാ​റി​നെ കു​റി​ച്ചു​ള്ള അ​നി​ശ്ചി​ത​ത്വം വി​പ​ണി​ക്കു മേ​ൽ സ​മ്മ​ർ​ദ​മു​ള​വാ​ക്കു​ന്നു.

നി​ഫ്റ്റി

നി​ഫ്‌​റ്റി സൂ​ചി​ക 139 പോ​യി​ന്‍റ് പ്ര​തി​വാ​ര ന​ഷ്‌​ട​ത്തി​ലാ​ണ്. മു​ൻ​വാ​ര​ത്തി​ലെ 26,186 പോ​യി​ന്‍റി​ൽ​നി​ന്നും കൂ​ടു​ത​ൽ മി​ക​വി​ന് അ​വ​സ​രം ന​ൽ​കാ​ത്ത വി​ധ​ത്തി​ലെ വി​ല്പ​ന സ​മ്മ​ർ​ദ​ത്തി​ൽ ക​ഴി​ഞ്ഞ ല​ക്കം സൂ​ചി​പ്പി​ച്ച 25,701ലെ ​ര​ണ്ടാം താ​ങ്ങ്‌ ത​ക​ർ​ത്ത്‌ 25,693ലേ​ക്ക്‌ ഇ​ടി​ഞ്ഞു, വാ​രാ​ന്ത്യം 26,046 പോ​യി​ന്‍റി​ലാ​ണ്‌. ഈ​വാ​രം ആ​ദ്യ താ​ങ്ങ്‌ 25,766ലാ​ണ്.

ഇ​ത്‌ നി​ല​നി​ർ​ത്തി​യാ​ൽ നി​ഫ്‌​റ്റി 26,251ലേ​ക്കും തു​ട​ർ​ന്ന്‌ 26,457ലേ​ക്കും തി​രി​ച്ചുവ​ര​വ്‌ കാ​ഴ്‌​ച​വ​യ്ക്കും. എ​ന്നാ​ൽ, ആ​ദ്യ സ​പ്പോ​ർ​ട്ട്‌ ന​ഷ്‌​ട​പ്പെ​ട്ടാ​ൽ 25,487-25,002ലേ​ക്ക്‌ പ​രീ​ക്ഷ​ണ​ങ്ങ​ൾ​ക്ക്‌ വി​ധേ​യ​മാ​കാം. ഡെ​യ്‌​ലി ചാ​ർ​ട്ടി​ൽ നി​ഫ്‌​റ്റി ബു​ള്ളി​ഷ്‌ മ​നോ​ഭാ​വ​ത്തി​ലാ​ണ്. എം​എ​സി​ഡി​യും സൂ​പ്പ​ർ ട്രെ​ൻ​ഡും ക​രു​ത്ത്‌ നി​ല​നി​ർ​ത്തി. സൂ​ചി​ക അ​തി​ന്‍റെ 20, 50, 100, 200 ആ​ഴ്‌​ച​ക​ളി​ലെ മൂ​വിം​ഗ് ആ​വ​റേ​ജി​നു മു​ക​ളി​ൽ നീ​ങ്ങു​ന്ന​ത്‌ ദീ​ർ​ഘ​കാ​ല​യ​ള​വി​ലേ​ക്കു വി​പ​ണി​യു​ടെ അ​ടി​ത്ത​റ​യ്‌​ക്കു ശ​ക്തി​പ​ക​രു​ന്നു.

നി​ഫ്റ്റി ഡി​സം​ബ​ർ ഫ്യൂ​ച്ചേ​ഴ്‌​സ് 26,333ൽ​നി​ന്നും ആ​ദ്യ പ​കു​തി​യി​ൽ മു​ൻ വാ​രം സൂ​ചി​പ്പി​ച്ച 26,050ലെ ​നി​ർ​ണാ​യ​ക ട്രെ​ൻ​ഡ്‌ ലൈ​ൻ സ​പ്പോ​ർ​ട്ട്‌ ത​ക​ർ​ത്ത്‌ 26,039ലേ​ക്ക്‌ ഇ​ടി​ഞ്ഞ ശേ​ഷം വാ​രാ​ന്ത്യം 26,145ലാ​ണ്. ഇ​തി​നി​ട​യി​ൽ വി​പ​ണി​യി​ലെ ഓ​പ്പ​ൺ ഇ​ന്‍റ​റ​സ്റ്റ് 11 ശ​ത​മാ​നം ഉ​യ​ർ​ന്ന് 147 ല​ക്ഷം ക​രാ​റു​ക​ളി​ൽ​നി​ന്നും 163 ല​ക്ഷ​മാ​യി.

ഓ​പ്പ​ൺ ഇ​ന്‍റ​റ​സ്റ്റി​ലെ ഈ ​വ​ർ​ധ​ന പു​തി​യ ഷോ​ർ​ട്ട് പൊ​സി​ഷ​നു​ക​ൾ​ക്ക് ഒ​രു വി​ഭാ​ഗം ഉ​ത്സാ​ഹി​ച്ച​താ​യി വേ​ണം വി​ല​യി​രു​ത്താ​ൻ. അ​തേ​സ​മ​യം, താ​ഴ്‌​ന്ന റേ​ഞ്ചി​ൽ​നി​ന്നും വാ​രാ​ന്ത്യം തി​രി​ച്ചു​വ​ര​വ്‌ കാ​ഴ്‌​ച​വ​ച്ച​ത്‌ വി​ല്പ​ന​യി​ലേ​ക്കു തി​രി​ഞ്ഞ ഊ​ഹ​ക്ക​ച്ച​വ​ട​ക്കാ​രി​ൽ ചെ​റി​യ ആ​ശ​യ​ക്കു​ഴ​പ്പ​ത്തി​ന് ഇ​ട​യാ​ക്കും. വ​രും ദി​ന​ങ്ങ​ളി​ൽ അ​വ​ർ ബാ​ധ്യ​ത​ക​ൾ കു​റ​യ്ക്കാ​ൻ നീ​ക്കം ന​ട​ത്തി​യാ​ൽ 26,450ലേ​ക്ക്‌ ഡി​സം​ബ​ർ മു​ന്നേ​റാം.

സെ​ൻ​സെ​ക്സ്

ബോം​ബെ സെ​ൻ​സെ​ക്‌​സ്‌ 85,712ൽ​നി​ന്നു മി​ക​വി​ന് അ​വ​സ​രം ല​ഭി​ക്കാ​തെ 84,215ലേ​ക്ക്‌ ത​ള​ർ​ന്ന ശേ​ഷം വാ​രാ​ന്ത്യം 85,267ലാ​ണ്. വി​പ​ണി​യു​ടെ ച​ല​ന​ങ്ങ​ൾ വി​ല​യി​രു​ത്തി​യാ​ൽ ഈ ​വാ​രം 85,891 – 86,516 പോ​യി​ന്‍റി​ൽ പ്ര​തി​രോ​ധ​വും 84,428 – 83,590 താ​ങ്ങും പ്ര​തീ​ക്ഷി​ക്കാം.
സ്വ​ർ​ണം
ഡോ​ള​ർ ശ​ക്ത​മാ​ക്കാ​ൻ അ​മേ​രി​ക്ക ന​ട​ത്തി​യ നീ​ക്ക​ങ്ങ​ൾ​ക്കി​ട​യി​ൽ ഫ​ണ്ടു​ക​ൾ സ്വ​ർ​ണ​ത്തി​ൽ നി​ക്ഷേ​പ​ക​രാ​യി. ഇ​തോ​ടെ ഊ​ഹ​ക്ക​ച്ച​വ​ട​ക്കാ​ർ വി​ൽ​പ്പ​ന​ക​ൾ തി​രി​ച്ചു പി​ടി​ക്കാ​ൻ മ​ത്സ​രി​ച്ചു. ട്രോ​യ്‌ ഔ​ൺ​സി​നു 4197 ഡോ​ള​റി​ൽ ഓ​പ്പ​ൺ ചെ​യ്‌​ത മ​ഞ്ഞ​ലോ​ഹ വി​പ​ണി തു​ട​ക്ക​ത്തി​ൽ 4173ലേ​ക്കു താ​ഴ്‌​ന്നെ​ങ്കി​ലും തി​രി​ച്ചു​വ​ര​വി​ൽ 4200- 4300 ഡോ​ള​റി​ലെ പ്ര​തി​രോ​ധ​ങ്ങ​ൾ ത​ക​ർ​ത്ത്‌ 4353 ഡോ​ള​ർ വ​രെ ക​യ​റി, വാ​രാ​ന്ത്യം സ്വ​ർ​ണം 4299 ഡോ​ള​റി​ലാ​ണ്.

Tags : Foreign investors