എടത്വ: ലഹരി ഉപയോഗത്തിനെതിരേ ശക്തമായ സന്ദേശം സമൂഹത്തിലേക്ക് എത്തിക്കുന്നതിനായി എടത്വ സെന്റ് അലോഷ്യസ് സ്കൂളിന്റെ ആഭിമുഖ്യത്തില് ലഹരിവിരുദ്ധ ബോധവത്കരണ റാലിയും ഫ്ളാഷ് മോബും സംഘടിപ്പിച്ചു. എടത്വ സബ് ഇന്സ്പെക്ടര് രാജേഷ് ലഹരിവിരുദ്ധ റാലി ഫ്ളാഗ് ഓഫ് ചെയ്തു.
ലഹരി ജീവിതത്തെ നശിപ്പിക്കും ആരോഗ്യകരമായ ജീവിതം തിരഞ്ഞെടുക്കൂ തുടങ്ങിയ മുദ്രാവാക്യങ്ങള് ഉയര്ത്തിക്കൊണ്ട് എന്സിസി, ജെആര്സി, ലിറ്റില് കൈറ്റ്സ് എന്നീ സംഘടനകളുടെ നേതൃത്വത്തില് നടന്ന റാലിക്ക് ശേഷം വിദ്യാര്ഥികള് ഫ്ളാഷ് മോബും അവതരിപ്പിച്ചു. തുടര്ന്ന് തെരുവുനാടകവും നടത്തി. ഹെഡ്മാസ്റ്റര് ജസ്റ്റിന് വി. ജോസഫ്. സ്കൂള് സുരക്ഷ കണ്വീനര് വര്ഗീസ് കുര്യന് എന്നിവര് പ്രസംഗിച്ചു.