ഫ്രഷ് കഡാവറിൽ ഫെസ് എൻഡോസ്കോപി സർജറി ശില്പശാല അമല ജോയിന്റ് ഡയറക്ടർ ഫാ. ഡെൽജോ പുത്തൂർ ഉദ്ഘാടനം ചെയ്യുന്നു.
തൃശൂർ: അമല മെഡിക്കൽ കോളജ് ഇഎൻടി, അനാട്ടമി വിഭാഗങ്ങളുടെയും അസോസിയേഷൻ ഓഫ് ഓട്ടോറൈനോ ലാരിംഗോളജി തൃശൂർ ചാപ്റ്ററിന്റെയും തൃശൂർ ഇഎൻടി സർജൻസ് സൊസൈറ്റിയുടെയും സംയുക്താഭിമുഖ്യത്തിൽ ഫ്രഷ് കഡാവറിൽ ഫെസ് എൻഡോസ്കോപി സർജറി ശില്പശാല നടത്തി.
അമല ജോയിന്റ് ഡയറക്ടർ ഫാ. ഡെൽജോ പുത്തൂർ ഉദ്ഘാടനം നിർവഹിച്ചു. പൊള്ളാച്ചി എംസി വി ഹോസ്പിറ്റലിലെ ഡോ. ആനന്ദ് വേലുസ്വാമി, പുഷ്പഗിരി മെഡിക്കൽ കോളജിലെ ഡോ. വിവേക് ശശീന്ദ്രൻ, ദയ ഹോസ് പിറ്റലിലെ ഡോ. ഇന്ദുധരൻ ആർ. മേനോൻ, അമല മെഡിക്കൽ കോളജ് പ്രിൻസിപ്പൽ ഡോ. ബെറ്റ്സി തോമസ്, അനാട്ടമി മേധാവി ഡോ. ലോല ദാസ്, ഇഎൻടി വിഭാഗം മേധാവി ഡോ. ആൻഡ്രൂസ് സി. ജോസഫ്, അസോസിയേറ്റ് പ്രഫസർ ഡോ. നെവിൽ വർഗീസ്, ഡോ. സുമം പി. വാഴപ്പിള്ളി എന്നിവർ പ്രസംഗിച്ചു. 150-ഓളം ഡോക്ടർമാരും മെഡിക്കൽ വിദ്യാർഥികളും പങ്കെ ടുത്തു.