അ​ഞ്ച​ല്‍ : ക​ണ്‍​സ​ഷ​ന്‍ ചോ​ദി​ച്ച വി​ദ്യാ​ര്‍​ഥി​യെ ക​ഴു​ത്തി​ന് കു​ത്തി​പ്പി​ടി​ച്ചു പു​റ​തത്തിറ​ക്കു​ക​യും ഇ​ത് ചോ​ദ്യം ചെ​യ്ത യാ​ത്ര​ക്കാ​ര​നെ കണ്ടക്‌ടർ മ​ര്‍​ദി​ക്കു​ക​യും ചെ​യ്ത​താ​യി പ​രാ​തി. പു​ന​ലൂ​ര്‍ - കു​ള​ത്തൂ​പ്പു​ഴ റൂ​ട്ടി​ലോ​ടു​ന്ന ‘ഡൊ​റാ​ഡോ' ബ​സി​ലാ​ണ് ക​ഴി​ഞ്ഞ ദി​വ​സം സം​ഭ​വം ന​ട​ന്ന​ത്.

ഏ​രൂ​ര്‍ ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ലെ പ​ത്താം ക്ലാ​സ് വി​ദ്യാ​ര്‍​ഥി ആ​ല​ഞ്ചേ​രി​യി​ല്‍ നി​ന്ന് ബ​സി​ല്‍ ക​യ​റി ര​ണ്ട് രൂ​പ ക​ണ്‍​സ​ഷ​നാ​യി 10 രൂ​പ ന​ല്‍​കി​യ​തോ​ടെ​യാ​ണ് പ്ര​ശ്‌​ന​ങ്ങ​ളു​ടെ തു​ട​ക്കം. ക​ണ്‍​സ​ഷ​ന്‍ ന​ല്‍​കാ​തെ ഫു​ള്‍ ടി​ക്ക​റ്റ് വി​ദ്യാ​ര്‍​ഥി​ക്കു ന​ല്‍​കി​യെ​ങ്കി​ലും വാ​ങ്ങാ​ന്‍ കൂ​ട്ടാ​ക്കാ​തെ ബാ​ല​ന്‍​സ് തു​ക ആ​വ​ശ്യ​പ്പെ​ട്ടു. ഇ​തി​ല്‍ പ്ര​കോ​പി​ത​നാ​യ ക​ണ്ട​ക്ട​ര്‍ വി​ദ്യാ​ര്‍​ഥി​യോ​ട് ക​യ​ര്‍​ത്തു സം​സാ​രി​ച്ചു. മാ​ത്ര​മ​ല്ല ബാ​ക്കി തു​ക ന​ല്‍​കാ​ന്‍ ത​യാ​റാ​യ​തു​മി​ല്ല. കൂ​ടാ​തെ വി​ദ്യാ​ര്‍​ഥി​യെ സ്‌​കൂ​ളി​ന് മു​ന്നി​ലെ സ്റ്റോ​പ്പി​ല്‍ ഇ​റ​ക്കാ​തെ അ​ര​കി​ലോ​മീ​റ്റ​ര്‍ അ​ക​ലെ ഏ​രൂ​ര്‍ ജം​ഗ്ഷ​നി​ല്‍ എ​ത്തി​യ​പ്പോ​ള്‍, യാ​ത്ര​ക്കാ​രു​ടെ മു​ന്നി​ല്‍ വ​ച്ച് ക​ഴു​ത്തി​ല്‍ പി​ടി​ച്ച് പു​റ​ത്തേ​ക്ക് ത​ള്ളി​യി​ടു​ക​യാ​യി​രു​ന്നു. ഇ​തി​നി​ട​യി​ല്‍ അ​ഞ്ചു​രൂ​പ നാ​ണ​യം കു​ട്ടി​യു​ടെ നേ​ര്‍​ക്ക് വ​ലി​ച്ചെ​റി​യു​ക​യും ചെ​യ്തു. സം​ഭ​വം ചോ​ദ്യം ചെ​യ്ത ബ​സി​ലെ മ​റ്റൊ​രു യാ​ത്ര​ക്കാ​ര​നെ ക​ണ്ട​ക്ട​ര്‍ മ​ര്‍​ദി​ക്കു​ക​യും ചെ​യ്തു. സം​ഭ​വം പു​റ​ത്ത​റി​ഞ്ഞ​തോ​ടെ നാ​ട്ടു​കാ​രും ഇ​ട​തു​പ​ക്ഷ വി​ദ്യാ​ര്‍​ഥി-​യു​വ​ജ​ന സം​ഘ​ട​ന​ക​ളും സം​ഘ​ടി​ച്ച് ബ​സ് വ​ഴി​യി​ല്‍ ത​ട​ഞ്ഞു.

പ്ര​തി​ഷേ​ധം ഭ​യ​ന്ന് ബ​സ് ഉ​ട​മ കൂ​ടി​യാ​യ ക​ണ്ട​ക്‌ടര്‍ തി​രി​കെ​യു​ള്ള ട്രി​പ്പി​ല്‍ പ​ക​രം ജീ​വ​ന​ക്കാ​ര​നെ ഏ​ര്‍​പ്പെ​ടു​ത്തി ത​ടി​ത​പ്പി. ബ​സ് ത​ട​ഞ്ഞ​ത​റി​ഞ്ഞ് എ​ത്തി​യ ഏ​രൂ​ര്‍ എ​സ്‌​ഐ​യു​ടെ നേ​തൃ​ത്വ​ത്തി​ലു​ള്ള പൊലിസ് നാ​ട്ടു​കാ​ര്‍​ക്ക് നേ​രെ ത​ട്ടി​ക്ക​യ​റി​യ​ത് സം​ഘ​ര്‍​ഷ​ത്തി​ന് വ​ഴി​വ​ച്ചു. ഏ​റെ നേ​ര​ത്തെ ത​ര്‍​ക്ക​ത്തി​നോ​ടു​വി​ല്‍ സം​ഭ​വം അ​ന്വേ​ഷി​ക്കു​മെ​ന്നും കു​റ്റ​ക്കാ​ര്‍​ക്കെ​തി​രേ ക​ര്‍​ശ​ന ന​ട​പ​ടി സ്വീ​ക​രി​ക്കു​മെ​ന്നും അ​ഞ്ച​ല്‍ സ​ര്‍​ക്കി​ള്‍ ഇ​ന്‍​സ്‌​പെ​ക്ട​റു​ടെ ഉ​റ​പ്പി​ന്മേ​ലാ​ണ് പ്ര​തി​ഷേ​ധം അ​വ​സാ​നി​പ്പി​ച്ച​ത്.

Tags : NattuVishesham.DistricteNews