പേരൂര്ക്കട: പീഡന പരാതികള് ഒതുക്കിത്തീര്ക്കാന് വട്ടിയൂര്ക്കാവ് പോലീസ് ശ്രമം നടത്തുന്നതായി വ്യാപകമായ പരാതി.
വട്ടിയൂര്ക്കാവ് സ്വദേശിനിയായ യുവതിയെ വീട്ടില് അതിക്രമിച്ച് കയറി പീഡിപ്പിക്കാന് ശ്രമിച്ചെന്ന പരാതിയില് വട്ടിയൂര്ക്കാവ് പോലീസ് കേസെടുക്കാതെ ആരോപണ വിധേയനെ സംരക്ഷിക്കുന്നതായാണ് പരാതിയുള്ളത്. ദിവസങ്ങള്ക്ക് മുമ്പാണ് പീഡന പരാതിയുമായി യുവതിയും മാതാവും വട്ടിയൂര്ക്കാവ് സ്റ്റേഷനിലെത്തിയത്.
എന്നാല് ആരോപണ വിധേയനെതിരേ നല്കിയ പരാതിയില് പോലീസ് ഇതുവരെ കേസെടുത്തിട്ടില്ല. കേസിന്റെ ഭവിഷ്യത്തുകളെക്കുറിച്ചു യുവതിയെയും മാതാവിനെയും ഓര്മപ്പെടുത്തി മടക്കി അയക്കുകയാണുണ്ടായതെന്നും പറയുന്നു. കേസെടുത്താല് പരാതി നല്കുന്നവര്ക്കും പ്രശ്നമാകുമെന്ന് പോലീസ് തെറ്റിധരിപ്പിച്ചതോടെ യുവതി കേസ് വേണ്ടന്ന തീരുമാനത്തിലെത്തുകയും ചെ യ്യുകയായിരുന്നു.
സംഭവത്തിനു തൊട്ടുപിന്നാലെ പ്രായപൂര്ത്തിയാകാത്ത പെണ്കുട്ടിയെ ഉപദ്രവിച്ചെന്ന പരാതിയിലും വട്ടിയൂര്ക്കാവ് പോലീസ് ആദ്യഘട്ടത്തില് കേസെടുക്കാന് തയാറായില്ല എന്ന പരാതിയും ഉയര്ന്നിട്ടുണ്ട്.
Tags : nattu vishesham Efforts to quell complaints