കിഴപറയാര്: സെന്റ് ഗ്രിഗോറിയോസ് പള്ളി നൂറാം വര്ഷത്തിലേക്ക്. ഒരു വര്ഷം നീണ്ടുനില്ക്കുന്ന ശതാബ്ദി ആഘോഷങ്ങള്ക്ക് ഇന്നു തുടക്കമാകും.
ആഘോഷ പരിപാടികള്ക്ക് മുഖ്യ വികാരി ജനറാള് മോണ്. ജോസഫ് തടത്തില് കാര്മികത്വം വഹിക്കും. രാവിലെ 7.30ന് ജൂബിലി കൊടിയുയര്ത്തും. വിശുദ്ധ കുര്ബാനയ്ക്കു ശേഷം ജൂബിലിത്തിരി തെളിച്ച് ജൂബിലിഗാനം ആലപിക്കും. ജൂബിലി വര്ഷത്തില് വീടുകളില് ഉയര്ത്താനുള്ള പതാകകളുടെ വിതരണവും നടക്കും.
അത്ഭുത പ്രവര്ത്തകനായ വിശുദ്ധ ഗ്രിഗോറിയോസിന്റെ നാമത്തിലുള്ള പാലാ രൂപതയിലെ ഏക ദേവാലയം 1926ലാണ് സ്ഥാപിതമായത്. 1943 നവംബര് 16ന് മാര് ജയിംസ് കാളാശേരി വെഞ്ചരിപ്പ് നടത്തി. ഫാ. മാത്യു പന്തലാനിക്കലാണ് ഇപ്പോഴത്തെ വികാരി. 2026 നവംബര് 29നാണ് ജൂബിലി ആഘോഷ സമാപനം.
Tags : local nattuvishesham Kizhaparayar Church