പ്രതീകാത്മക ചിത്രം
ഉള്ളൂർ: യുവാവിന്റെ ആത്മഹത്യയുമായി ബന്ധപ്പെട്ട് പൊലിസ് അന്വേഷണം ഊര്ജ്ജിതം. ബന്ധുക്കളില്നിന്നു ലഭിച്ച വിവരങ്ങള് പ്രകാരം രോഗം മൂലമുള്ള വിഷമം മരണകാരണമായതായി കരുതുന്നുവെന്നു മെഡിക്കല് കോളജ് പൊലിസ്. കൊല്ലം കൊട്ടാരക്കര സ്വദേശി ചന്തു (30) വാണു തിരുവനന്തപുരം മെഡിക്കല് കോളജ് ആശുപത്രിയിലെ പേവാര്ഡിന്റെ ടോയ്ലെറ്റിനുള്ളില് തൂങ്ങിമരിച്ചത്. അഞ്ചാംപനി ബാധിച്ചു നാലുദിവസമായി യുവാവ് ആശുപത്രിയില് ചികിത്സയിലായിരുന്നു. പിതാവാണ് യുവാവിനു കൂട്ടിരുന്നത്.
ടോയ്ലെറ്റിലേക്കു പോയി കുറേസമയമായിട്ടും കാണാഞ്ഞതിനാല് നടത്തിയ അന്വേഷണത്തിലാണ് മൃതദേഹം കണ്ടത്. വിശദമായ പോസ്റ്റുമോര്ട്ടം റിപ്പോര്ട്ട് വന്നാല് മാത്രമേ മരണകാരണം വ്യക്തമാകുകയുള്ളൂവെന്ന് മെഡിക്കല്കോളജ് പൊലിസ് വ്യക്തമാക്കി.
Tags : Young man District News Local News