വിദ്യാർഥികൾക്കുള്ള ഉപഹാരം പ്രിൻസിപ്പൽ ഹെഡ്മിസ്ട്രസിനു കൈമാറുന്നു.
പുത്തൻതോപ്പ്: തുമ്പ സെന്റ് സേവ്യേഴ്സ് കോളജ് എൻസിസി നേവൽ വിംഗിന്റെയും സേവ്യേഴ്സ് ഔട്ട്റീച്ച് സർവീസിന്റെയും സംയുക്താഭിമുഖ്യത്തിൽ പുത്തൻതോപ്പ് സെന്റ് ഇഗ്നേഷ്യസ് യുപി സ്കൂളിൽ ശിശുദിനാഘോഷം സംഘടിപ്പിച്ചു. കോളജ് പ്രിൻസിപ്പൽ പ്രഫ. ഡോ. തോമസ് സ്കറിയ ഉദ്ഘാടനം ചെയ്തു. ഹെഡ്മിസ്ട്രസ് ശാന്തി ആർ. പെരേര അധ്യക്ഷയായി. സേവ്യർ ഔട്ട് റീച്ച് സർവ്വീസ് ഡയറക്ടർ ഫാ. ഡോ. ഡൊമിനിക് ജോസഫ് , എൻസിസി നേവി എഎൻഒ യും കോളജ് വൈസ് പ്രിൻസിപ്പലുമായ സബ്. ലഫ്. എം. രാജേഷ് എന്നിവർ പ്രസംഗിച്ചു. കുട്ടികളുടെയുംഎൻസിസി കേഡറ്റുകളുടെയും കലാപരിപാടികളുമുണ്ടായിരുന്നു. വിദ്യാർഥികൾക്കുള്ള ഉപഹാരം പ്രിൻസിപ്പൽ ഹെഡ്മിസ്ട്രസിനു കൈമാറി. അധ്യാപകരായ ആനി പെരേര, ആർ. ശോഭ, എ. അബി, കെ. ജെസി എന്നിവർ നേതൃത്വം നൽകി.
Tags : St. Xavier’s College Thumba Naval Wing Children’s Day District News Local News