പെ​രി​യ: വാ​ഹ​ന​യാ​ത്ര​ക്കാ​രു​ടെ പേ​ടി​സ്വ​പ്‌​ന​മാ​യ പെ​രി​യ മൂ​ന്നാം​ക​ട​വി​ലെ കൊ​ടു​വ​ള​വി​ല്‍ തു​ട​ര്‍​ച്ച​യാ​യ ര​ണ്ടാം​ദി​വ​സ​വും വാ​ഹ​നാ​പ​ക​ടം. വ​ളം ക​യ​റ്റി വ​ന്ന ലോ​റി നി​യ​ന്ത്ര​ണം​വി​ട്ട് വീ​ട്ടു​മു​റ്റ​ത്തേ​ക്ക് മ​റ​ഞ്ഞു. അ​പ​ക​ട​ത്തി​ല്‍ ഡ്രൈ​വ​റായ ക​ണ്ണൂ​ര്‍ പി​ണ​റാ​യി സ്വ​ദേ​ശി​ മിഥിലാജിന് (35) കാലിന് സാ​ര​മാ​യി പ​രി​ക്കേ​റ്റു.

ചെ​ങ്ക​ള ഇ​ന്ദി​ര ന​ഗ​റി​ലെ ആ​ശു​പ​ത്രി​യി​ലേ​ക്ക് ആ​ദ്യം കൊ​ണ്ടു​പോ​യെ​ങ്കി​ലും നി​ല ഗു​രു​ത​ര​മാ​യ​തി​നാ​ല്‍ ക​ണ്ണൂ​രി​ലെ സ്വ​കാ​ര്യാ​ശു​പ​ത്രി​യി​ലേ​ക്കു മാ​റ്റി. ചൊ​വ്വാ​ഴ്ച പു​ല​ര്‍​ച്ചെ 12.20 ഓ​ടെ​യാ​യി​രു​ന്നു അ​പ​ക​ടം. കു​ണ്ടം​കു​ഴി ഭാ​ഗ​ത്തേ​ക്ക് വ​ളം ക​യ​റ്റി പോ​വു​ക​യാ​യി​രു​ന്ന ലോ​റി മൂ​ന്നാം​ക​ട​വ് ഇ​റ​ക്ക​ത്തി​ല്‍ എ​ത്തി​യ​പ്പോ​ള്‍ നി​യ​ന്ത്ര​ണം തെ​റ്റി മു​ഹ​മ്മ​ദ് എ​ന്ന​യാ​ളു​ടെ വീ​ട്ടു​മു​റ്റ​ത്തേ​ക്ക് മ​റി​യു​ക​യാ​യി​രു​ന്നു. ര​ണ്ടു​ദി​വ​സം മു​മ്പാ​ണ് ഈ ​വീ​ടി​ന്‍റെ ഗൃ​ഹ​പ്ര​വേ​ശ​ന​ച​ട​ങ്ങ് ന​ട​ന്ന​ത്.

ലോ​റി പൂ​ര്‍​ണ​മാ​യും ത​ക​ര്‍​ന്നു. അ​ക​ത്തു കു​ടു​ങ്ങി​യ ഡ്രൈ​വ​റെ നാ​ട്ടു​കാ​ര്‍ സാ​ഹ​സി​ക​മാ​യാ​ണ് ര​ക്ഷ​പ്പെ​ടു​ത്തി​യ​ത്. തി​ങ്ക​ളാ​ഴ്ച പു​ല​ര്‍​ച്ചെ സു​ള്ള്യ​യി​ല്‍ നി​ന്നു കാ​ഞ്ഞ​ങ്ങാ​ട്ടേ​ക്ക് കോ​ഴി​ലോ​ഡു​മാ​യി പോ​വു​ക​യാ​യി​രു​ന്ന പി​ക്ക​പ്പ് ത​ല​നാ​രി​ഴ​യ്ക്കാ​ണ് താ​ഴ്ച​യി​ലേ​ക്ക് മ​റി​യാ​തി​രു​ന്ന​ത്.

മൂ​ന്നാം​ക​ട​വ് വ​ള​വി​ലെ ഇ​തി​ന​കം അ​പ​ക​ട​ങ്ങ​ളി​ല്‍ ഏ​ഴു​പേ​രു​ടെ ജീ​വ​നു​ക​ളാ​ണ് പൊ​ലി​ഞ്ഞ​ത്. ഗു​രു​ത​ര​മാ​യി പ​രി​ക്കേ​റ്റ​വ​ര്‍ ഇ​തി​ലും എ​ത്ര​യോ ഇ​ര​ട്ടി​യാ​ണ്. ദേ​ശീ​യ​പാ​ത​യി​ല്‍ നി​ന്ന് കു​റ​ഞ്ഞ ദൂ​ര​ത്തി​ല്‍ മ​ല​യോ​ര​മേ​ഖ​ല​യി​ലേ​ക്കും ക​ര്‍​ണാ​ട​ക​യി​ലേ​ക്കും എ​ത്താ​മെ​ന്ന​താ​ണ് ന​ല്ല വീ​തി​യു​ള്ള ഈ ​മെ​ക്കാ​ഡം റോ​ഡി​ന്‍റെ പ്ര​ത്യേ​ക​ത. എ​ന്നാ​ല്‍ പാ​ല​ത്തി​നു സ​മീ​പം കൊ​ടും​വ​ള​വും ക​യ​റ്റ​വും ചേ​രു​ന്ന ഭാ​ഗ​ത്തെ അ​ശാ​സ്ത്രീ​യ​മാ​യ നി​ര്‍​മാ​ണ​മാ​ണ് അ​പ​ക​ട​ങ്ങ​ള്‍​ക്ക് വ​ഴി​വ​യ്ക്കു​ന്ന​ത്.

പാ​ലം ക​ഴി​ഞ്ഞു​ള്ള ക​യ​റ്റ​വും വ​ള​വും കാ​ര​ണം അ​മി​ത​ഭാ​ര​വു​മാ​യി വ​രു​ന്ന വാ​ഹ​ന​ങ്ങ​ള്‍​ക്ക് നി​യ​ന്ത്ര​ണം ന​ഷ്ട​പ്പെ​ടാ​നും പി​ന്നി​ലേ​ക്ക് ഉ​രു​ളാ​നും എ​തി​ര്‍​ദി​ശ​യി​ല്‍ വ​രു​ന്ന വാ​ഹ​ന​ങ്ങ​ളു​മാ​യി കൂ​ട്ടി​യി​ടി​ക്കാ​നും സാ​ധ്യ​ത ഏ​റെ​യാ​ണ്. ഇ​വി​ടു​ത്തെ വൈ​ദ്യു​ത​തൂ​ണ്‍ ഇ​തി​ന​കം മൂ​ന്നു​ത​വ​ണ മാ​റ്റി സ്ഥാ​പി​ക്കേ​ണ്ടി വ​ന്ന​തും സ്ഥ​ല​ത്തെ ഗു​രു​ത​ര​മാ​യ സാ​ഹ​ച​ര്യം വ്യ​ക്ത​മാ​ക്കു​ന്നു. അ​തി​നാ​ല്‍ വാ​ഹ​ന​യാ​ത്ര​ക്കാ​രും പ്ര​ദേ​ശ​വാ​സി​ക​ളും ഏ​റെ ആ​ശ​ങ്ക​യി​ലാ​ണ്.

അ​പ​ക​ട​മു​ണ്ടാ​യ​പ്പോ​ഴെ​ല്ലാം നാ​ട്ടു​കാ​ര്‍ റോ​ഡി​ല്‍ കു​ത്തി​യി​രി​പ്പ് സ​മ​ര​വും പ്ര​തി​ഷേ​ധ​വും ന​ട​ത്തി​യി​രു​ന്നു. ഇ​തേ​ത്തു​ട​ര്‍​ന്ന് അ​ധി​കൃ​ത​ര്‍ സ്ഥ​ല​ത്ത് അ​ള​വെ​ടു​പ്പ് ന​ട​ത്തി​യി​രു​ന്നു. എ​ന്നാ​ല്‍ അ​ള​വെ​ടു​പ്പി​ല്‍ മാ​ത്രം ന​ട​പ​ടി​ക​ള്‍ ഒ​തു​ങ്ങ​രു​തെ​ന്നും നി​ല​വി​ലെ റോ​ഡി​ന്‍റെ അ​പ​ക​ട​സാ​ധ്യ​ത​ക​ള്‍ പ​രി​ശോ​ധി​ച്ച് അ​നു​യോ​ജ്യ​മാ​യ പു​തി​യ അ​ലൈ​ന്‍​മെ​ന്‍റ് ക​ണ്ടെ​ത്തി ശാ​സ്ത്രീ​യ​മാ​യ രീ​തി​യി​ല്‍ റോ​ഡ് പു​ന​ര്‍​നി​ര്‍​മി​ക്കാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.

Tags : NattuVishesham DistrictNews