ഗാ​ന്ധി​ന​ഗ​ർ: ചി​കി​ത്സ തേ​ടി​യെ​ത്തു​ന്ന രോ​ഗി​ക​ൾ​ക്ക് ആ​ശ്ര​യ​മാ​കേ​ണ്ട ആ​ശു​പ​ത്രിക്കെ​ട്ടി​ടം രോ​ഗി​ക​ൾ​ക്കും ജീ​വ​ന​ക്കാ​ർ​ക്കും ഭീ​ഷ​ണി​യാ​കു​ന്നു. 270 കോ​ടി രൂ​പ ചെ​ല​വ​ഴി​ച്ച് നി​ർ​മി​ച്ച കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പു​തി​യ സ​ർ​ജി​ക്ക​ൽ ബ്ലോ​ക്കി​ൽ തു​ട​ർ​ച്ച​യാ​യി കെ​ട്ടി​ടഭാ​ഗ​ങ്ങ​ളും സീ​ലിം​ഗും അ​ട​ർ​ന്നു​വീ​ഴു​ന്ന​ത് ആ​ശ​ങ്ക വ​ർ​ധി​പ്പി​​ക്കു​ക​യാ​ണ്.

ക​ഴി​ഞ്ഞ​ദി​വ​സം സ​ർ​ജി​ക്ക​ൽ ബ്ലോ​ക്കി​ൽ ജീ​വ​ന​ക്കാ​രു​ടെ ശു​ചി​മു​റി​യി​ലെ സീ​ലിം​ഗും ഹോ​ളോ​ബ്രി​ക്സ് ക​ട്ട​യു​ടെ ഭാ​ഗ​ങ്ങ​ളും അ​ട​ർന്നുവീ​ണ​താ​ണ് ഏ​റ്റ​വും അ​വ​സാ​ന​ത്തെ സം​ഭ​വം. ഒ​രു ജീ​വ​ന​ക്കാ​രി ശു​ചി മു​റി​യു​ടെ വാ​തി​ൽ തു​റ​ന്ന സ​മ​യ​ത്തുത​ന്നെ ക​ട്ട​യും സീ​ലിം​ഗും അ​ട​ർ​ന്ന് വീ​ണു; അ​പ​ക​ട​മു​ണ്ടാ​യി​ല്ല. ക​ഴി​ഞ്ഞയാ​ഴ്ച മ​റ്റൊ​രി​ട​ത്ത് സീ​ലിം​ഗ് അ​ട​ർ​ന്നുവീ​ണി​രു​ന്നു.

ഉ​ദ്ഘാ​ട​നം ക​ഴി​ഞ്ഞ് ഒ​രു വ​ർ​ഷം തി​ക​യാ​ത്ത കെ​ട്ടി​ട​ത്തി​ൽ ഏ​താ​നും മാ​സ​ങ്ങ​ൾ​ക്കി​ടെ നി​ര​വ​ധി ത​വ​ണ​യാ​ണ് വി​വി​ധ ഭാ​ഗ​ങ്ങ​ൾ അ​ട​ർ​ന്നു വീ​ണ​ത്. പ​ല​പ്പോ​ഴും ത​ല​നാ​രി​ഴ​യ്ക്കാ​ണ് രോ​ഗി​ക​ളും ജീ​വ​ന​ക്കാ​രും അ​പ​ക​ട​ത്തി​ൽ​പ്പെ​ടാ​തെ ര​ക്ഷ​പ്പെ​ട്ട​ത്. കെ​ട്ടി​ട​ത്തി​ലെ പ​ല ശു​ചി​മു​റി​ക​ളും ചോ​രു​ന്ന​താ​യും രോ​ഗി​ക​ളും കൂ​ട്ടി​രി​പ്പു​കാ​രും പ​രാ​തി​പ്പെ​ടു​ന്നു. മ​ഴ​ക്കാ​ല​ത്ത് കെ​ട്ടി​ട​ത്തി​ന്‍റെ തൂ​ണു​ക​ളി​ലൂ​ടെ മ​ഴ​വെ​ള്ളം ഒ​ഴു​കി​യി​റ​ങ്ങു​ന്ന സ്ഥി​തി​യു​മു​ണ്ടാ​യി. സീ​ലിം​ഗ്, ജ​ല​വി​ത​ര​ണ സം​വി​ധാ​നം, ഫാ​നുക​ൾ ഉ​ൾ​പ്പടെ​യു​ള്ള വൈ​ദ്യു​ത ഉ​പ​ക​ര​ണ​ങ്ങ​ൾ എ​ന്നി​വ സം​ബ​ന്ധി​ച്ചും നേ​ര​ത്തേ വ്യാ​പ​ക​മാ​യ പ​രാ​തി​ക​ൾ ഉ​യ​ർ​ന്നി​രു​ന്നു. നി​ർ​മാ​ണ​ത്തി​ലെ അ​പാ​ക​ത​ക​ളും അ​ടി​സ്ഥാ​ന സൗ​ക​ര്യ​ങ്ങ​ളി​ലെ ത​ക​രാ​റു​ക​ളും പു​തി​യ സ​ർ​ജി​ക്ക​ൽ ബ്ലോ​ക്കി​നെ​ക്കു​റി​ച്ച് നേ​ര​ത്തേ​ത​ന്നെ പ​രാ​തി​ക​ൾ​ക്ക് ഇ​ട​യാ​ക്കി​യി​രു​ന്നു.

കെ​ട്ടി​ടം നി​ർ​മി​ച്ച ക​മ്പ​നി​യെക​രി​മ്പ​ട്ടി​ക​യി​ൽ പെ​ടു​ത്ത​ണം: നാ​ട്ട​കം സു​രേ​ഷ്
ഗാ​ന്ധി​ന​ഗ​ർ: കെ​ട്ടി​ട​ത്തി​ന്‍റെ സീ​ലിം​ഗു​ക​ള്‍ തു​ട​ര്‍​ച്ച​യാ​യി അ​ട​ര്‍​ന്നു വീ​ഴു​ന്ന​തും ചോ​ര്‍​ച്ച​യും ഇ​ല​ക്‌​ട്രി​ക്ക​ല്‍ പ്ലം​ബിം​ഗ് ത​ക​രാ​റു​ക​ളും രോ​ഗി​ക​ളു​ടെ​യും ജീ​വ​ന​ക്കാ​രു​ടെ​യും ജീ​വ​നു വ​ലി​യ ഭീ​ഷ​ണി​യാ​ണെ​ന്ന് ഏ​റ്റു​മാ​നൂ​ർ എം​എ​ൽ​എ നാ​ട്ട​കം സു​രേ​ഷ് നി​യ​മ​സ​ഭ​യി​ല്‍ പ​റ​ഞ്ഞു.

പു​തി​യ സ​ര്‍​ജി​ക്ക​ല്‍ ബ്ലോ​ക്കി​ന്‍റെ പ​ല ഭാ​ഗ​ങ്ങ​ളും ഓ​രോ ദി​വ​സ​വും അ​ട​ര്‍​ന്നു വീ​ഴു​ക​യാ​ണ്. ക​ഴി​ഞ്ഞ ര​ണ്ടു മാ​സ​ത്തി​നി​ടെ ര​ണ്ടു ത​വ​ണ സീ​ലിം​ഗ് വീ​ണ് അ​പ​ക​ട​മു​ണ്ടാ​യ​താ​യി അ​ദ്ദേ​ഹം സൂ​ചി​പ്പി​ച്ചു. നി​ര്‍​മാ​ണ​ച്ചു​മ​ത​ല​യു​ണ്ടാ​യി​രു​ന്ന ക​ണ്‍​സ്ട്ര​ക്‌ഷന്‍ ക​മ്പ​നി​യെ ക​രി​മ്പ​ട്ടി​ക​യി​ല്‍​ പെ​ടു​ത്ത​ണം. അ​ഴി​മ​തി​യെ​ക്കു​റി​ച്ചും സാ​ങ്കേ​തി​ക വീ​ഴ്ച​ക​ളെ​ക്കു​റി​ച്ചും വി​ദ​ഗ്ധ സ​മി​തി​യെ നി​യോ​ഗി​ച്ച്‌ സ​മ​ഗ്ര അ​ന്വേ​ഷ​ണം പ്ര​ഖ്യാ​പി​ക്ക​ണ​മെ​ന്നും എം​എ​ല്‍​എ ആ​വ​ശ്യ​പ്പെ​ട്ടു.

Tags :