20

മാ​വേ​ലി​ക്ക​ര: വൈ​ദ്യു​തിബ​ന്ധം നി​ല​ച്ച​തി​നെത്തുട​ര്‍​ന്ന് മാ​വേ​ലി​ക്ക​ര റെയി​ല്‍​വേ സ്റ്റേ​ഷ​നി​ലെ ലി​ഫ്റ്റി​ല്‍ യാ​ത്രി​ക​ര്‍ കു​ടു​ങ്ങി. യാ​ത്രി​ക​ര്‍ പ​രി​ഭ്രാ​ന്ത​രാ​യി അ​ലാ​റം മു​ഴ​ക്കു​ക​യും അ​ത്യാ​ഹി​ത ന​മ്പ​റി​ല്‍ ബ​ന്ധ​പ്പെ​ടു​ക​യും ചെ​യ്ത​തി​നെതു​ട​ര്‍​ന്ന് കീ ​ഉ​പ​യോ​ഗി​ച്ച് ലി​ഫ്റ്റ് തു​റ​ന്ന് യാ​ത്രി​ക​രെ ര​ക്ഷി​ക്കു​ക​യാ​യി​രു​ന്നു. ഇ​ന്ന​ലെ രാ​വി​ലെ 8.20 ഓ​ടെ​യാ​ണ് സം​ഭ​വം ഉ​ണ്ടാ​യ​ത്.

ര​ണ്ടാം പ്ലാ​റ്റ്‌​ഫോ​മി​ല്‍നി​ന്ന് ലി​ഫ്റ്റി​ല്‍ ക​യ​റി​യ അ​ഞ്ചു യാ​ത്രി​ക​രാ​ണ് കു​ടു​ങ്ങി​യ​ത്. വെ​ദ്യു​തി നി​ല​ച്ചാ​ലും ബാ​റ്റ​റി സം​വി​ധാ​നം ഉ​പ​യോ​ഗി​ച്ചു ലി​ഫ്റ്റ് മു​ക​ളി​ലേ​ക്കോ താ​ഴേ​ക്കോ എ​ത്തി ഓ​ട്ടോ​മാ​റ്റി​ക് ആ​യി വാ​തി​ല്‍ തു​റ​ക്കു​ന്ന സം​വി​ധാ​ന​മാ​ണു മാ​വേ​ലി​ക്ക​ര​യി​ല്‍ ക്ര​മീ​ക​രി​ച്ചി​രു​ന്ന​ത്. എ​ന്നാ​ല്‍, വൈ​ദ്യു​തി നി​ല​ച്ച​പ്പോ​ള്‍ ഇ​ന്ന​ലെ ഈ ​സു​ര​ക്ഷ സം​വി​ധാ​ന​വും പ​ണി മു​ട​ക്കു​ക​യാ​യി​രു​ന്നു.

വൈ​ദ്യു​തി വി​ത​ര​ണം ത​ട​സ​പ്പെ​ട്ടാ​ലും ലി​ഫ്റ്റ് പ്ര​വ​ര്‍​ത്ത​നം നി​ല​യ്ക്കാ​തി​രി​ക്കാ​ന്‍ ശേ​ഷി​യു​ള്ള ജ​ന​റേ​റ്റ​ര്‍ ഇ​ല്ലാ​തി​രു​ന്ന​താ​ണ് പ്ര​ശ്‌​ന​ത്തി​നു കാ​ര​ണ​മാ​യ​തെ​ന്നും ഉ​ട​ന്‍ ജ​ന​റേ​റ്റ​ര്‍ സ്ഥാ​പി​ക്ക​ണ​മെ​ന്നു​മാ​ണ് യാ​ത്രി​ക​രു​ടെ ആ​വ​ശ്യം. എ​ന്നാ​ല്‍, സെ​ന്‍​സ​റി​നു​ണ്ടാ​യ ത​ക​രാ​റാ​ണ് ലി​ഫ്റ്റ് നി​ല​യ്ക്കാ​ന്‍ കാ​ര​ണ​മെ​ന്നും ആ​ക്ഷേ​പമു​ണ്ട്. നി​ല​വി​ല്‍ ര​ണ്ടാം പ്ലാ​റ്റ് ഫോ​മി​ലെ ലി​ഫ്റ്റി​ന്‍റെ പ്ര​വ​ര്‍​ത്ത​നം നി​ല​ച്ചി​രി​ക്കു​ക​യാ​ണ്.

Tags : Nattuvishesham Local News Power outage Passengers trapped