ചേ​ർ​ത്ത​ല: ദേ​ശീ​യ​പാ​ത​യി​ൽ സ്വ​കാ​ര്യ ട്രാ​വ​ലിം​ഗ് ക​മ്പ​നി​യു​ടെ സ്ലീ​പ്പ​ർ ബ​സ് നി​യ​ന്ത്ര​ണം വി​ട്ട് ര​ണ്ട​ടി​താ​ഴ്ച​യി​ലേ​ക്ക് മ​റി​ഞ്ഞ് യു​വാ​വ് മ​രി​ച്ചു. 13 ഓ​ളം പേ​ർ​ക്ക് പ​രി​ക്കേ​റ്റു. പ​ന്ത​ളം മാ​ന്തു​ക എ​മി​ന​ൻ​സ് വി​ല്ലേ​ജ് നു​മി മ​ൻ​സി​ലി​ൽ സ​ജീ​വി​ന്‍റെ മ​ക​ൻ ആ​ദി​ൽ സ​ജീ​വ് (25) ആ​ണ് മ​രി​ച്ച​ത്.

ഡി​ജി​റ്റ​ൽ മാ​ർ​ക്ക​റ്റിം​ഗ് മേ​ഖ​ല​യി​ൽ ജോ​ലി ചെ​യ്യു​ന്ന ആ​ദി​ൽ ക​ണ്ണൂ​രി​ൽ പോ​യി മ​ട​ങ്ങി വ​രു​ക​യാ​യി​രു​ന്നു. ഇ​ന്ന​ലെ പു​ല​ർ​ച്ചെ അ​ഞ്ചോ​ടെ​യാ​യി​രു​ന്നു അ​പ​ക​ടം. മം​ഗ​ലാ​പു​ര​ത്ത് നി​ന്ന് തി​രു​വ​ന​ന്ത​പു​ര​ത്തേ​ക്ക് പോ​വു​ക​യാ​യി​രു​ന്ന ഹ​രീ​രാം മോ​ട്ടോ​ര്‍ ട്രാ​ന്‍​സ്പോ​ര്‍​ട്ടി​ന്‍റെ പ്ലാ​റ്റി​നം ക്ലാ​സ് എ​സി സ്ലീ​പ്പ​ര്‍ ബ​സാ​ണ് അ​പ​ട​ത്തി​ല്‍​പെ​ട്ട​ത്.

ബ​സി​ല്‍ 15 ഓ​ളം യാ​ത്ര​ക്കാ​രു​ള്ള​താ​യാ​ണ് വി​വ​രം. മാ​രാ​രി​ക്കു​ളം ക​ളി​ത്ത​ട്ടി​നു​സ​മീ​പ​മെ​ത്തി​യ ബ​സ് ദേ​ശീ​യ​പാ​ത​യി​ൽ നി​ന്ന് സ​ർ​വീ​സ് റോ​ഡി​ലേ​ക്ക് മ​റി​യു​ക​യാ​യി​രു​ന്നു. ദേ​ശീ​യ​പാ​ത​യും സ​ർ​വീ​സ് റോ​ഡും ത​മ്മി​ൽ ര​ണ്ട​ടി​യോ​ളം ഉ​യ​ര​വ്യ​ത്യാ​സ​മു​ള്ള​ഭാ​ഗ​ത്താ​ണ് അ​പ​ക​ടം ഉ​ണ്ടാ​യ​ത്. ക്രെ​യി​ൻ ഉ​പ​യോ​ഗി​ച്ച് ബ​സ് ഉ​യ​ർ​ത്തി​യാ​ണ് ഗ​താ​ഗ​തം പു​നഃ​സ്ഥാ​പി​ച്ച​ത്.

ഡ്രൈ​വ​ർ ഉ​റ​ങ്ങി​പ്പോ​യ​താ​ണ് അ​പ​ക​ട​കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം. ഇ​ടി​യു​ടെ ആ​ഘാ​ത​ത്തി​ൽ ബ​സ് പൂ​ർ​ണ​മാ​യും ഒ​രു വ​ശ​ത്തേ​ക്ക് മ​റി​യു​ക​യാ​യി​രു​ന്നു. ശ​ബ്ദം കേ​ട്ട് ഓ​ടി​യെ​ത്തി​യ നാ​ട്ടു​കാ​രും മാ​രാ​രി​ക്കു​ളം പൊ​ലി​സും ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. പ​രു​ക്കേ​റ്റ​വ​രെ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ലും സ്വ​കാ​ര്യ ആ​ശു​പ​ത്രി​ക​ളി​ലു​മാ​യി പ്ര​വേ​ശി​പ്പി​ച്ചു. ആ​ദി​ലി​ൻ​ന്‍റെ മൃ​ത​ദേ​ഹം ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ. മാ​രാ​രി​ക്കു​ളം പൊ​ലി​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

Tags : Accident NattuVishesham DistrictNews