കോയമ്പത്തൂർ: രാമനാഥപുരം രൂപതയുടെ പതിനാറാമത് രൂപതാദിനാചരണവും ഏഴാമത് പാസ്റ്ററൽ കൗൺസിലിന്റെ രണ്ടാംസമ്മേളനവും സാന്തോം പാസ്റ്ററൽ സെന്ററിൽ സംയുക്തമായി സംഘടിപ്പിച്ചു.
രൂപതാധ്യക്ഷൻ മാർ പോൾ ആലപ്പാട്ട് സമ്മേളനത്തിൽ അധ്യക്ഷത വഹിച്ചു. രാമനാഥപുരം അൽവേണിയ സ്കൂൾ വിദ്യാർഥികളുടെ പ്രാർഥനാ നൃത്തത്തോടെയാണ് പരിപാടികൾ ആരംഭിച്ചത്.
രൂപതാ വികാരി ജനറാൾ മോൺ ജോസഫ് ആലപ്പാടൻ സ്വാഗതം പറഞ്ഞു. തുടർന്ന് ബിഷപ് ദീപം തെളിയിച്ച് സമ്മേളനം ഉദ്ഘാടനം ചെയ്തു. പാസ്റ്ററൽ കൗൺസിൽ സെക്രട്ടറി രാജു ചെറിയാൻ കഴിഞ്ഞ സമ്മേളനത്തിന്റെ റിപ്പോർട്ട് അവതരിപ്പിച്ചു.
ഇന്ത്യയിലെ ക്രിസ്തീയ സഭകളും മറ്റു ന്യൂനപക്ഷങ്ങളും നേരിടുന്ന വെല്ലുവിളികൾ എന്ന വിഷയത്തിൽ അഡ്വ. ജസ്റ്റിൻ പള്ളിവാതുക്കൽ പ്രഭാഷണം നടത്തി. തുടർന്ന് വിഷയവുമായി ബന്ധപ്പെട്ടു വിവിധ ഇടവകകൾ, ഫൊറോനകൾ, സന്യാസസമൂഹങ്ങൾ, സ്ഥാപനങ്ങൾ എന്നിവിടങ്ങളിൽ നടന്ന ചർച്ചകളുടെ സംക്ഷിപ്ത റിപ്പോർട്ട് അജണ്ട കമ്മിറ്റി അംഗങ്ങളായ സിസ്റ്റർ സീന എസ്എച്ച്എസ്പി, ശോഭ ജോളി എന്നിവർ അവതരിപ്പിച്ചു. ജൂബിലി ആഘോഷിക്കുന്നവരെയും വിവിധ അവാർഡ് ജേതാക്കളെയും ആദരിച്ചു.രൂപത പാസ്റ്ററൽ കൗൺസിൽ ജോയിന്റ് സെക്രട്ടറി അനിത ജോസ് പോൾ നന്ദി പറഞ്ഞു.
Tags : nattu vishesham Ramanathapuram Roopat Day