രാമനാഥപുരം രൂപത മാതൃവേദി ജനറൽബോഡി യോഗവും വനിതാദിനാചരണവും ബിഷപ് മാർ പോൾ ആലപ്പാട്ട് ഉദ്ഘാടനം ചെയ്യുന്നു.
കോയന്പത്തൂർ: രാമനാഥപുരം രൂപത മാതൃവേദി ജനറൽബോഡി യോഗവും വനിതാദിനാചരണവും നടത്തി. ആഘോഷങ്ങൾക്കു തുടക്കംകുറിച്ച് രൂപത ഡയറക്ടർ ഫാ. ബിജോ പാലായിലും ഫൊറോനാ ഡയറക്ടറുമാരും ചേർന്ന് പതാക ഉയർത്തി.
തുടർന്ന് നടന്ന പ്രോലൈഫ് സെമിനാറിനു ഡോ. ടോണി ജോസഫ് നേതൃത്വം നൽകി. ഗ്ലോബൽ മാതൃവേദി വൈസ് പ്രസിഡന്റ് ഐറ്റി ജോൺ സ്വാഗതവും മിനു സിജോ നന്ദിയും പറഞ്ഞു.
ഉച്ചയ്ക്കു ശേഷം നടന്ന ജനറൽബോഡി മീറ്റിംഗ് രാമനാഥപുരം രൂപത മെത്രാൻ മാർ പോൾ ആലപ്പാട്ട് ഉദ്ഘാടനം ചെയ്തു. രൂപത പ്രസിഡന്റ് ലിസി സിറിയക് സ്വാഗതവും രൂപത ഡയറക്ടർ ആശംസകൾ നേരുകയും ചെയ്തു.
ഗ്ലോബൽതലത്തിൽ നടത്തിയ മാർവാലാഹ് പ്രസംഗ മത്സരത്തിൽ രൂപതയിൽ നിന്നും ഒന്നാംസ്ഥാനം നേടിയ സ്നേഹ ലിജിനോ, പുത്തൻപാന മത്സരത്തിൽ ഒന്നാം സ്ഥാനം നേടിയ ഇൻഫന്റ് ജീസസ് ഇടയപാളയം, രണ്ടാം സ്ഥാനം നേടിയ ഹോളി ട്രിനിറ്റി കത്തീഡ്രൽ രാമനാഥപുരം, മൂന്നാം സ്ഥാനം നേടിയ ലൂർദ് മാതാ ഫൊറോന ഈറോഡ്, വചന പരീക്ഷാ മത്സര വിജയികൾ എന്നിവർക്കു ബിഷപ് പുരസ്കാരങ്ങൾ സമ്മാനിച്ചു. സെക്രട്ടറി ഷിബ മൈക്കിൾ റിപ്പോർട്ടും ട്രഷറർ സോഫി വിൻസന്റ് വാർഷിക കണക്കും അവതരിപ്പിച്ചു.
വനിതാദിനാഘോഷത്തിന്റെ ഭാഗമായി ബിഷപ് കേക്കുമുറിച്ചു സന്തോഷം പങ്കുവച്ചു. ആനിമേറ്റർ സിസ്റ്റർ ഡെയ്സി മരിയ സിഎച്ച്എഫ് നന്ദി പറഞ്ഞു. രൂപതയിലെ എല്ലാ യൂണിറ്റുകളിൽ നിന്നുമായി 380 അമ്മമാർ പങ്കെടുത്തു.
Tags : Ramanathapuram nattuvishesham local news