നി​ല​മ്പൂ​ര്‍: മാ​സ​ങ്ങ​ള്‍​ക്കു മു​ന്‍​പ് ആ​രം​ഭി​ച്ച നി​ല​മ്പൂ​ര്‍ ച​ന്ത​ക്കു​ന്നി​ലെ കെ​എ​ന്‍​ജി റോ​ഡ് വീ​തി​കൂ​ട്ടി ന​വീ​ക​രി​ക്കു​ന്ന പ്ര​വൃ​ത്തി എ​പ്പോ​ള്‍ പൂ​ര്‍​ത്തി​യാ​കു​മെ​ന്ന​റി​യാ​തെ പൊ​തു​ജ​ന​ങ്ങ​ളും പൊ​തു​മ​രാ​മ​ത്ത് വ​കു​പ്പും. ച​ന്ത​ക്കു​ന്ന് ശോ​ഭി​ക​ക്ക് മു​ന്‍​പി​ല്‍നി​ന്ന് വ​ഴി​ക്ക​ട​വ് ഭാ​ഗ​ത്തേ​ക്കു​ള്ള വെ​ളി​യ​ന്തോ​ട് വ​രെ​യു​ള്ള, വെ​റും 1.2 കി​ലോ​മീ​റ്റ​ര്‍ റോ​ഡാ​ണ് അ​ഞ്ച് കോ​ടി രൂ​പ ചെ​ല​വ​ഴി​ച്ച് ന​വീ​ക​രി​ക്കു​ന്ന​ത്. ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍​ട്രാ​ക്‌ട‌് കോ-​ഓ​പ​റേ​റ്റീ​വ് സൊ​സൈ​റ്റി​ക്കാ​ണ് പ്ര​വൃ​ത്തി​യു​ടെ ക​രാ​ര്‍. മാ​സ​ങ്ങ​ളാ​യി ഇ​ഴ​ഞ്ഞു​നീ​ങ്ങു​ന്ന നി​ര്‍​മാ​ണ​പ്ര​വൃ​ത്തി കാ​ര​ണം ഈ ​പാ​ത​യി​ലൂ​ടെ​യു​ള്ള യാ​ത്ര അ​ത്യ​ന്തം ദു​സ​ഹ​മാ​യി​രി​ക്കു​ക​യാ​ണ്. രാ​പ​ക​ലി​ല്ലാ​തെ ഈ ​ഭാ​ഗ​ത്ത് ക​ടു​ത്ത ഗ​താ​ഗ​ത​ക്കു​രു​ക്കാ​ണ് അ​നു​ഭ​വ​പ്പെ​ടു​ന്ന​ത്. റോ​ഡ് പ്ര​വൃ​ത്തി വേ​ഗ​ത്തി​ല്‍ പൂ​ര്‍​ത്തി​യാ​ക്കാ​ന്‍ ക​രാ​റു​കാ​രോ​ട് നി​ര​ന്ത​രം ആ​വ​ശ്യ​പ്പെ​ടു​ന്നു​ണ്ടെ​ന്ന് പൊ​തു​മ​രാ​മ​ത്ത് അ​സി​സ്റ്റ​​ന്‍റ് എ​ന്‍​ജി​നിയ​ര്‍ അ​നീ​ഷ് ചെ​മ്പ്രീ​രി പ​റ​ഞ്ഞു.

നേ​ര​ത്തേ റോ​ഡ് വീ​തി​കൂ​ട്ടി സ​മാ​ന്ത​ര​മാ​ക്കി​യി​രു​ന്നെ​ങ്കി​ലും ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ ക​ന​ത്ത മ​ഴ​യി​ല്‍ വീ​ണ്ടും വ​ലി​യ കു​ഴി​ക​ള്‍ രൂ​പ​പ്പെ​ട്ടു. കു​ഴി​ക​ളി​ല്‍ ചാ​ടി​യും വെ​ട്ടി​ച്ചു​മാ​ണ് വാ​ഹ​ന​ങ്ങ​ള്‍ നി​ല​മ്പൂ​രി​ലേ​ക്ക് ക​ട​ന്നു​പോ​കു​ന്ന​ത്. ഇ​ത് ഗ​താ​ഗ​ത​ക്കു​രു​ക്ക് ഇ​ര​ട്ടി​യാ​ക്കു​ക​യാ​ണ്. ടാ​റി​ം് ന​ട​ത്തു​ന്ന​തി​ന് മു​ന്‍​പാ​യി ഇ​നി വീ​ണ്ടും മെ​റ്റ​ലി​ട്ട് റോ​ഡ് ലെ​വ​ല്‍ ചെ​യ്യേ​ണ്ട​തു​ണ്ട്. മ​ഴ മാ​റി​യ​തോ​ടെ പ്ര​ദേ​ശ​ത്ത് ക​ടു​ത്ത പൊ​ടി​ശ​ല്യ​വു​മാ​ണ്. റോ​ഡ​രി​കി​ലെ വ്യാ​പാ​രി​ക​ളും കാ​ല്‍​ന​ട​യാ​ത്ര​ക്കാ​രും ബ​സ് യാ​ത്ര​ക്കാ​രും ഉ​ള്‍​പ്പെ​ടെ​യു​ള്ള​വ​ര്‍ ക​ടു​ത്ത പൊ​ടി ശ​ല്യം മൂ​ലം വ​ലി​യ ദു​രി​ത​ത്തി​ലാ​ണ്.

Tags :