കുന്നിക്കോട് നിയന്ത്രണം വിട്ട് സ്കൂൾ ബസ് മറിഞ്ഞുണ്ടായ അപകടം.
കൊട്ടാരക്കര: സ്കൂൾ ബസ് നിയന്ത്രണംവിട്ട് മറിഞ്ഞ് നാലുപേർക്ക് പരിക്കേറ്റു. കുന്നിക്കോട് ചേത്തടി ഐടി ജംഗ്ഷന് സമീപം ഇന്നലെ വൈകുന്നേരം 3.40നാണ് സംഭവം. ചെങ്ങമനാട് ബിആർഎം സെൻട്രൽ സ്കൂളിൽ കരാർ അടിസ്ഥാനത്തിൽ ഓടുന്ന ബസാണ് അപകടത്തിൽപ്പെട്ടത്.
വിദ്യാർഥികളായ ഇവാൻ പി.സന്തോഷ്, അധർവ ആദർശ്, സ്കൂൾ ബസ് അറ്റൻഡർ ബിജി ജോർജ്ജ് (40),ബസ് ഡ്രൈവർ അനിൽ കുമാർ എന്നിവരെ നിസാര പരിക്കുകളോടെ കൊട്ടാരക്കരയിലെ ആശുപത്രികളിൽ പ്രവേശിപ്പിച്ചു.
ആകെ 19 വിദ്യാർഥികളായിരുന്നു ബസിലുണ്ടായിരുന്നത്. സ്കൂളിൽ നിന്നും മേലിലഭാഗത്തേക്ക് പോവുകയായിരുന്നു ബസ്. ബസിന്റെ പിൻഭാഗത്തെ ടയറിൽ ആണി കയറി പഞ്ചറായതോടെ നിയന്ത്രണംവിട്ട് മറിയുകയായിരുന്നു. ബസ് മറിഞ്ഞയുടൻ തന്നെ ഓടിക്കൂടിയ നാട്ടുകാർ വിദ്യാർഥികളെ രക്ഷപ്പെടുത്തി. മോട്ടോർ വാഹന വകുപ്പും കൊട്ടാരക്കര ഡിവൈഎസ്പി ഷെരീഫിന്റെ നേതൃത്വത്തിലുള്ള പൊലിസ് സംഘവും സ്ഥലത്തെത്തി മേൽനടപടികൾ സ്വീകരിച്ചു.
Tags : including students, injured Nattuvishesham Districtnews