ഇ​രി​ങ്ങാ​ല​ക്കു​ട: ഠാ​ണ - ബ​സ് സ്റ്റാ​ന്‍​ഡ് റോ​ഡി​ല്‍ ഹെ​ഡ് പോ​സ്റ്റ് ഓ​ഫീ​സി​നു മു​ന്നി​ലെ ത​ക​ര്‍​ന്ന കോ​ണ്‍​ക്രീ​റ്റ് സ്ലാ​ബ് ദി​വ​സ​ങ്ങ​ള്‍ പി​ന്നി​ട്ടി​ട്ടും മാ​റ്റാ​ത്ത ന​ഗ​ര​സ​ഭാ ന​ട​പ​ടി​യി​ല്‍ പ്ര​തി​ഷേ​ധി​ച്ച് എ​ല്‍​ഡി​എ​ഫ് കൗ​ണ്‍​സി​ല​ര്‍​മാ​ര്‍ റീ​ത്തു​മാ​യി ധർണ നടത്തി. അ​പ​ക​ട​ഭീ​ഷ​ണി​യി​ലാ​യ റോ​ഡി​ലെ സ്ലാ​ബു​ക​ള്‍ അ​ടി​യ​ന്ത​ര​മാ​യി മാ​റ്റ​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു പ്ര​തി​ഷേ​ധം.

കാ​ട്ടൂ​ര്‍ റോ​ഡി​ലേ​ക്കു​ള്ള കാ​ന​യ്ക്കു മു​ക​ളി​ലി​ട്ടി​രു​ന്ന കോ​ണ്‍​ക്രീ​റ്റ് സ്ലാ​ബു​ക​ളി​ലൊ​ന്നാ​ണ് ഈ ​മാ​സം ആ​ദ്യം ത​ക​ര്‍​ന്ന​ത്. ബ​സ് സ്റ്റാ​ന്‍​ഡി​ല്‍ നി​ന്നു​ള്ള ബ​സു​ക​ള്‍ ഉ​ള്‍​പ്പ​ടെ നൂ​റു​ക​ണ​ക്കി​നു വാ​ഹ​ന​ങ്ങ​ള്‍ നി​ര​ന്ത​രം ക​ട​ന്നു​പോ​കു​ന്ന തി​ര​ക്കേ​റി​യ റോ​ഡാ​ണി​ത്. അ​പ​ക​ടം ഒ​ഴി​വാ​ക്കാ​ന്‍ ത​ക​ര്‍​ന്ന ഭാ​ഗ​ത്ത് താ​ത്കാ​ലി​ക​മാ​യി ടാ​ര്‍​വീ​പ്പ സ്ഥാ​പി​ച്ചി​രി​ക്കു​ക​യാ​ണ്.

കാ​ന​യ്ക്കു മു​ക​ളി​ലെ മ​റ്റ് സ്ലാ​ബു​ക​ളും കാ​ല​പ്പ​ഴ​ക്കം മൂ​ലം ബ​ല​ക്ഷ​യ​ത്തി​ലാ​ണെ​ന്ന് എ​ല്‍​ഡി​എ​ഫ് കൗ​ണ്‍​സി​ല​ര്‍​മാ​ര്‍ ചൂ​ണ്ടി​ക്കാ​ട്ടി. സ്ലാ​ബ് ത​ക​ര്‍​ന്ന​തി​നു പി​ന്നാ​ലെ കു​ഴി​യി​ല്‍ വാ​ഴ ന​ട്ടും എ​ല്‍​ഡി​എ​ഫ് കൗ​ണ്‍​സി​ല​ര്‍​
മാ​ര്‍ പ്ര​തി​ഷേ​ധി​ച്ചി​രു​ന്നു. ക​ഴി​ഞ്ഞ കൗ​ണ്‍​സി​ല്‍ യോ​ഗ​ത്തി​ലും ബ​ല​ക്ഷ​യം സം​ഭ​വി​ച്ച സ്ലാ​ബു​ക​ള്‍ മു​ഴു​വ​ന്‍ മാ​റ്റ​ണ​മെ​ന്ന് ആ​വ​ശ്യ​പ്പെ​ട്ടി രു​ന്നു.

എ​ന്നാ​ല്‍, ഓ​രോ സ്ലാ​ബും ത​ക​രു​മ്പോ​ള്‍ മാ​ത്രം മാ​റ്റി പു​തി​യ​തു സ്ഥാ​പി​ക്കു​ന്ന സ​മീ​പ​ന​മാ​ണ് ന​ഗ​ര​സ​ഭ സ്വീ​ക​രി​ക്കു​ന്ന​തെ​ന്ന് എ​ല്‍​ഡി​എ​ഫ് പാ​ര്‍​ല​മെ​ന്‍റ​റി പാ​ര്‍​ട്ടി ലീ​ഡ​ര്‍ പി.​വി. ശി​വ​കു​മാ​ര്‍ ആ​രോ​പി​ച്ചു. അ​പ​ക​ടം സം​ഭ​വി​ച്ച​ശേ​ഷം പ​രി​ഹാ​രം കാ​ണു​ന്ന രീ​തി​ക്ക് പ​ക​രം ബ​ല​ക്ഷ​യ​മു​ള്ള മു​ഴു​വ​ന്‍ സ്ലാ​ബു​ക​ളും അ​ടി​യ​ന്ത​ര​മാ​യി മാ​റ്റി​സ്ഥാ​പി​ക്ക​ണം എ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ന​ഗ​ര​സ​ഭ ഓ​ഫീ​സി​നു മു​ന്നി​ല്‍ ന​ട​ന്ന പ്ര​തി​ഷേ​ധം പി.​വി. ശി​വ​കു​മാ​ര്‍ ഉ​ദ്ഘാ​ട​നം ചെ​യ്തു. കെ.​എ​സ്. പ്ര​സാ​ദ് അ​ധ്യ​ക്ഷ​ത വ​ഹി​ച്ചു. സി.​സി. ഷി​ബി​ന്‍, വി​ഷ്ണു പ്ര​ഭാ​ക​ര്‍ എ​ന്നി​വ​ര്‍ പ്ര​സം​ഗി​ച്ചു. സ്ലാ​ബു​ക​ള്‍ അ​ടി​യ​ന്ത​ര​മാ​യി മാ​റ്റ​ണ​മെ​ന്നാ​വ​ശ്യ​പ്പെ​ട്ട് 12 കൗ​ണ്‍​സി​ല​ര്‍​മാ​ര്‍ ഒ​പ്പി​ട്ട നി​വേ​ദ​നം ന​ഗ​ര​സ​ഭാ ചെ​യ​ര്‍​മാ​ന് കൈ​മാ​റി. ത​ക​ര്‍​ന്ന സ്ലാ​ബ് ഉ​ട​ന്‍ മാ​റ്റാ​മെ​ന്ന ഉ​റ​പ്പു​ല​ഭി​ച്ച​തോ​ടെ​യാ​ണ് സ​മ​രം അ​വ​സാ​നി​പ്പി​ച്ച​തെ​ന്ന് എ​ല്‍​ഡി​എ​ഫ് കൗ​ണ്‍​സി​ല​ര്‍​മാ​ര്‍ പ​റ​ഞ്ഞു.

Tags :