മരങ്ങാട്ടുപിള്ളി: അക്ഷരാർഥത്തിൽ നാടിന്റെ ഹൃദയവാതിലുകൾ തുറന്നിട്ടാണ് നാട് സംസ്ഥാന സിബിഎസ്ഇ കലോത്സവത്തെ വരവേറ്റത്. കലോത്സവത്തിന്റെ ഭാഗമാകാത്തവരാരും നാട്ടിലുണ്ടായിരുന്നില്ലെന്നതാണ് സ്ഥിതി. നാലു ദിനങ്ങളിലായി നടന്ന സിബിഎസ്ഇ കലോത്സവത്തിന് ആതിഥ്യമരുളിയത് ലേബർ ഇന്ത്യ പബ്ലിക് സ്കൂളാണെങ്കിലും നാടൊന്നാകെ ഉത്സവത്തിൽ പങ്കുചേർന്നു.
ഇടവകകളും വേദികളായി
ലേബർ ഇന്ത്യക്കൊപ്പം വേദികൾ സമ്മാനിച്ച് മരങ്ങാട്ടുപിള്ളി സെന്റ് ഫ്രാൻസിസ്, കുറിച്ചിത്താനം സെന്റ് മേരീസ്, മണ്ണയ്ക്കനാട് സെന്റ് സെബാസ്റ്റ്യൻസ്, ഇലയ്ക്കാട് സെന്റ് മേരീസ് ഇടവകകളും പാലാ ചാവറ സ്കുളും വേദികൾ തുറന്നുനൽകി മത്സരത്തോട് ചേർന്നുനിന്നു.
വീടുകൾ തുറന്നുനൽകി കുടുംബങ്ങൾ
മേളയിലെത്തിയ കാൽലക്ഷത്തിലേറെ ആളുകൾക്ക് താമസസൗകര്യം സമ്മാനിച്ചവരുടെ നിര ജില്ലാ ആസ്ഥാനമായ കോട്ടയംവരെ നീളും. ലേബർ ഇന്ത്യയോട് ചേർന്നുള്ള കടപ്ലാമറ്റം, മരങ്ങാട്ടുപിള്ളി പഞ്ചായത്തുകളിലെ പല വീടുകളും താമസത്തിനായി തുറന്നുനൽകിയാണ് നാടൊന്നാകെ പിന്തുണയറിയിച്ചത്.
സഞ്ചാരമൊരുക്കി ടാക്സികളുടെ നിരമരങ്ങാട്ടുപിള്ളി, കുറവിലങ്ങാട്, മണ്ണയ്ക്കനാട് പ്രദേശങ്ങളിലെ വാഹനങ്ങളെല്ലാം നിരത്തിലിറക്കി ആവശ്യമുള്ളവർക്ക് 24 മണിക്കൂറും സേവനം നൽകാൻ തയാറായിരുന്നു. താമസസ്ഥലങ്ങളിലേക്കും തിരികെയും ആവശ്യക്കാരെ എത്തിക്കാൻ രാവേറെ വൈകിയും ഓട്ടോറിക്ഷകളടക്കം നിരത്തിലുണ്ടായിരുന്നതിനാൽ ആർക്കും യാത്രയ്ക്ക് ബുദ്ധിമുട്ടുണ്ടായില്ല.
പഴയിടം രുചിയിൽ പാചകമഹിമയും
കലോത്സവത്തിന്റെ ഓരോ ദിവസവും ഊട്ടുപുരയിലെത്തിയത് ആയിരങ്ങളാണ്. ആദ്യദിനം മാത്രം ഉച്ചയൂണിന് എത്തിയത് അയ്യായിരത്തോളം പേരാണ്. വിദ്യാർഥികൾക്കും അധ്യാപകർക്കും രക്ഷിതാക്കൾക്കും ഭക്ഷണത്തിന് കുറവുവരാതെ പഴയിടം യദുവിന്റെ നേതൃത്വത്തിലാണ് പാചകപ്പുര പ്രവർത്തിച്ചത്. പ്രഭാതഭക്ഷണത്തിനുള്ള തയാറെടുപ്പുകൾ നടക്കുമ്പോഴും അത്താഴം വിളമ്പി നൽകുന്നത് കാണാമായിരുന്നു.
ലേബർ ഇന്ത്യക്ക് അഭിമാനനിമിഷം
അപ്രതീക്ഷിതമായി ലഭിച്ച അവസരത്തെ ഏറ്റെടുത്ത ലേബർ ഇന്ത്യക്ക് അഭിമാനനിമിഷങ്ങളാണ് കലോത്സവം സമ്മാനിച്ചത്. സംസ്ഥാന കലോത്സവത്തിന്റെ 16-ാമത് വേദിയാണ് ലേബർ ഇന്ത്യ സമ്മാനിച്ചത്. കോട്ടയം സഹോദയ രണ്ടാമതാണ് ലേബർ ഇന്ത്യയിലൂടെ കലോത്സവത്തെ വരവേറ്റത്. ലേബർ ഇന്ത്യ സ്ഥാപനങ്ങളുടെ സ്ഥാപകൻ വി.ജെ. ജോർജ് കുളങ്ങര, മാനേജിംഗ് ഡയറക്ടർ രാജേഷ് ജോർജ്, പ്രിൻസിപ്പൽ സുജ കെ. ജോർജ് എന്നിവരുടെ നേതൃത്വത്തിലാണ് സഹോദയ ഭാരവാഹികൾക്കൊപ്പം ക്രമീകരണങ്ങൾ പൂർത്തീകരിച്ചത്.
വില്ലനായത് മഴമാത്രം
പതിനായിരങ്ങൾ പങ്കെടുത്ത കലോത്സവത്തിൽ മൂന്നാംദിനത്തിൽ പെയ്തിറങ്ങിയ മഴ മാത്രമാണ് വില്ലൻവേഷം കെട്ടിയത്. കനത്ത മഴയിൽ വേദിയായിരുന്ന ഫുട്ബോൾ കോർട്ട് മാറ്റേണ്ട സ്ഥിതിയിൽ വരെയെത്തി സാഹചര്യം. കലാപ്രതിഭകളുടെ ഗ്രീൻ റൂം ക്രമീകരണങ്ങളുടെ ശോഭയും ചിലയിടങ്ങളിൽ മഴ തല്ലിത്തകർത്ത
Tags : local nattuvishesham Marangattupilly