രാമ​ങ്ക​രി: പു​ളി​ങ്കു​ന്ന് പ​ഞ്ചാ​യ​ത്ത് കോ​ള​ജ് വാ​ർ​ഡി​ൽ കാ​യ​ൽ​പ്പു​റം സൊ​സൈ​റ്റി​മു​ത​ൽ ക​ണ്ണാ​ടി പത്തിൽ ​വ​രെ നീ​ളു​ന്ന നാ​ട്ടു​തോ​ട്ടി​ൽ പോ​ള​യും ക​ട​ക​ലും തി​ങ്ങി​നിറ ഞ്ഞ​തോ​ടെ ഇ​വി​ടെ ശു​ദ്ധ​ജ​ലം കി​ട്ടാ​ക്ക​നി​യാ​യി​ട്ട് ഒ​രു ദ​ശാ​ബ്ദം പി​ന്നി​ടു​ന്നു. 2, 4 വാ​ർ​ഡു​ക​ളെ ത​മ്മി​ൽ വേ​ർ​തി​രി​ക്കു​ന്ന ഈ ​തോ​ടി​ന്‍റെ ഇ​ര​ക​ര​ക​ളി​ലു​മാ​യി ക​ഴി​യു​ന 300ഓ​ളം വ​രു​ന്ന കു​ടും​ബ​ങ്ങ​ൾ​ക്ക് പു​റ​മെ മ​റ്റു പ്ര​ദേ​ശ​വാ​സി​ക​ളും വേ​ന​ൽ ക​ടു​ത്ത​തോ​ടെ ശു​ദ്ധ​ജ​ല​ത്തി​നാ​യു​ള്ള നെ​ട്ടോ​ട്ട​ത്തി​ലാണ്.

പോ​ള​യും ക​ട​ക​ലും തോ​ട്ടി​ൽ പി​ടി​വി​ട്ട് വ​ള​ർ​ന്ന​തോ​ടെ കു​ളി​ക്കാനോ, വ​സ്ത്രം ക​ഴു​കാ​നോ മ​റ്റ് അ​ത്യാ​വ​ശ്യ​ങ്ങ​ൾ നി​ർ​വ​ഹി​ക്കാ​നോ പോ​ലും വി​ല​കൊ​ടു​ത്ത് വെ​ള്ളം വാ​ങ്ങ​ണ​മെ​ന്ന​താ​ണ് സ്ഥി​തി.

പ്ര​ദേ​ശ​ത്ത് വ​ർ​ഷ​ങ്ങ​ളാ​യി അ​നു​ഭ​വി​ച്ചു​വ​രു​ന്ന ശു​ദ്ധ​ജ​ല ക്ഷാ​മ​ത്തി​ൽ നി​ന്നും എ​ങ്ങ​നെ​യെ​ങ്കി​ലും മോ​ച​നം നേ​ടു​ക എ​ന്ന ഉ​ദ്ദേ​ശ്യ​ത്തോ​ടെ എ​ല്ലാ​വ​രു​ടെയും സ​ഹ​ക​ര​ണ​ത്തോ​ടെ മ​റ്റ് ജ​ലാ​ശ​യ​ങ്ങ​ളി​ൽ നി​ന്ന് ഇ​വി​ടേ​ക്ക് ശു​ദ്ധ​ജ​ലം എ​ത്തി​ക്കു​വാ​നാ​യി പ്ര​ത്യേ​ക പൈ​പ്പ് ലൈ​ൻ ത​ന്നെ സ്ഥാ​പി​ക്കു​ക​യു​ണ്ടാ​യെ​ങ്കി​ലും ഇ​തി​ന് ഇ​ട​യ്ക്കി​ടെ ത​ക​രാ​ർ സം​ഭ​വി​ക്കു​ന്ന​തി​നാ​ൽ അ​തും പ​ല​പ്പോ​ഴും വേ​ണ്ട​ത്ര ഫ​ലം​കാ​ണാ​തെ പോ​കു​ന്ന സ്ഥി​തി​യാ​ണ്.

കു​ടി​വെ​ള്ള​ത്തി​ന്‍റെ കാ​ര്യ​ത്തി​ലാ​ണ​ങ്കി​ൽ. സ്വ​കാ​ര്യ ക​ന്പ​നി​ക​ളെ ആ​ശ്ര​യി​ക്കു​ക മാ​ത്ര​മാ​ണ് ഏ​ക പോം​വ​ഴി. ഓ​രോ ആ​ഴ്ച​യി​ലും ഇ​തി​ന് മാ​ത്ര​മാ​യ് നൂ​റ് ക​ണ​ക്കി​ന് രൂ​പ ക​ണ്ടെ​ത്തി​യാ​ലാ​ണ് ഒ​രി​റ്റു തു​ള്ളി ന​ല്ല വെ​ള്ളം ഇ​റ​ക്കാ​നോ പാ​ച​കം ചെ​യ്യാ​നോ ത​ന്നെ സാ​ധി​ക്കു​ക.

പ്ര​ശ്ന​ത്തി​ന് അ​ടി​യ​ന്തര പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ നി​ര​വ​ധി ത​വ​ണ പ​ഞ്ചാ​യ​ത്തി​നും വാ​ട്ട​ർ അ​ഥോ​റി​റ്റി അ​ധി​കൃ​ത​ർ​ക്കും പ​രാ​തി​ക​ൾ പ​ല​ത് ന​ല്കി​യെ​ങ്കി​ലും ഇ​തു​വ​രെ ഒ​രു ഫ​ല​വും ഉ​ണ്ടാ​യി​ട്ടി​ല്ല.

കാ​യ​ൽ മേ​ഖ​ല​യോ​ട് തൊ​ട്ട​ടു​ത്ത് കി​ട​ക്കു​ന്ന പ്ര​ദേ​ശമെ​ന്ന നി​ല​യി​ൽ ഇ​വി​ടെ ഏ​ത് സ​മ​യ​വും വ​യ​റി​ള​ക്ക​വും ഛർ​ദിലും പോ​ലെ​യു​ള്ള പ​ക​ർ​ച്ച​വ്യാ​ധി​ക​ൾ പി​ടി​പെ​ടാ​നു​ള്ള സാ​ധ്യ​ത​യും ഏ​റെ​യാ​ണ്.

അ​തി​നാ​ൽ വ​ർ​ഷ​ങ്ങ​ളാ​യി പോ​ള​യും ക​ട​ക​ലും പി​ടി​ച്ച് അ​ട​ഞ്ഞു​കി​ട​ക്കു​ന്ന തോ​ട് ശു​ചീ​ക​രി​ക്കാ​നാ​വ​ശ്യ​മാ​യ ന​ട​പ​ടി സ്വീ​ക​രി​ക്കാ​ൻ പ​ഞ്ചാ​യ​ത്തും കു​ടി​വെ​ള്ളം ല​ഭ്യ​മാ​ക്കു​വാ​ൻ വാ​ട്ട​ർ അ​ഥോ​റി​റ്റി അ​ധി​കൃ​ത​രും എ​ത്ര​യും വേ​ഗം ത​യാ​റാ​ക​ണ​മെ​ന്നാ​ണ് ഇ​വ​രു​ടെ പ്ര​ധാ​ന ആ​വ​ശ്യം.

Tags : clean water nattuvishesham local news