13

അടൂ​ർ: ക്ഷേ​ത്ര​ത്തി​ലെ വ​ഞ്ചി​ക​ൾ കു​ത്തി​ത്തു​റ​ന്നും ഓ​ഫീ​സ് മു​റി​ക​ളു​ടെ വാ​തി​ലു​ക​ളും അ​ല​മാ​ര​ക​ളും ത​ക​ർ​ത്തും സ്വ​ർ​ണ​വും പ​ണ​വും ഉ​ൾ​പ്പെ​ടെ ഒ​രു ല​ക്ഷ​ത്തി​ലേ​റെ രൂ​പ​യു​ടെ മോ​ഷ​ണം. അ​ടൂ​ർ മ​ണ​ക്കാ​ല അ​ന്തി​ച്ചി​റ തു​വ​യൂ​ർ വ​ട​ക്ക് കോ​ട്ടൂ​ർ ഭ​ഗ​വ​തി ക്ഷേ​ത്ര​ത്തി​ലാ​ണ് ശ​നി​യാ​ഴ്ച പു​ല​ർ​ച്ച​യോ​ടെ മോ​ഷ​ണം ന​ട​ന്ന​ത്.
പു​ല​ർ​ച്ചെ ക്ഷേ​ത്രം തു​റ​ക്കാ​നെ​ത്തി​യ ശാ​ന്തി​യും ജീ​വ​ന​ക്കാ​രു​മാ​ണ് മോ​ഷ​ണം ന​ട​ന്ന​തി​ന്‍റെ ല​ക്ഷ​ണ​ങ്ങ​ൾ ആ​ദ്യം ക​ണ്ട​ത്.

ഓ​ഫീ​സ് അ​ല​മാ​ര​യി​ൽ സൂ​ക്ഷി​ച്ചി​രു​ന്ന 30,000 രൂ​പ​യും ര​ണ്ട് ഗ്രാം ​വീ​തം തൂ​ക്ക​മു​ള്ള എ​ട്ട് സ്വ​ർ​ണ​ത്താ​ലി​ക​ളു​മാ​ണ് ന​ഷ്ട​പ്പെ​ട്ട​ത്. ക്ഷേ​ത്ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി സ്ഥാ​പി​ച്ചി​രു​ന്ന പ​ത്ത് വ​ഞ്ചി​ക​ളും കു​ത്തി​ത്തു​റ​ന്നു. വ​ർ​ഷ​ത്തി​ൽ ഒ​രി​ക്ക​ൽ മാ​ത്രം തു​റ​ക്കു​ന്ന സ​ഹാ​യ​നി​ധി വ​ഞ്ചി​യും കു​ത്തി​പ്പൊ​ളി​ച്ച് പ​ണം ക​വ​ർ​ന്നു.​ശ്രീ​കൃ​ഷ്ണ ജ​യ​ന്തി ആ​ഘോ​ഷ​ങ്ങ​ൾ ന​ട​ന്ന​തി​നാ​ൽ വ​ഞ്ചി​യി​ലെ പ​ണം എ​ടു​ത്തി​രു​ന്നി​ല്ല.

ഓ​ഫീ​സ് മു​റി​യി​ൽ സ്ഥാ​പി​ച്ചി​രു​ന്ന സി​സി ടിവി കാ​മ​റ​ക​ളു​ടെ ദൃ​ശ്യ​ങ്ങ​ൾ സൂ​ക്ഷി​ച്ചി​രു​ന്ന ഡിവിആ​റും മോ​ഷ്ടാ​ക്ക​ൾ കൊ​ണ്ടു​പോ​യി. ഡിവിആ​റി​ന്‍റെ വ​യ​റു​ക​ൾ വ​ലി​ച്ചു​പൊ​ട്ടി​ച്ച നി​ല​യി​ലാ​ണ്. ഒ​രു ല​ക്ഷ​ത്തി​ലേ​റെ രൂ​പ​യു​ടെ ന​ഷ്ട​മു​ണ്ടാ​യ​താ​യാ​ണ് പ്രാ​ഥ​മി​ക നി​ഗ​മ​നം.

മോ​ഷ​ണം ഒ​ന്നി​ല​ധി​കം പേ​ർ ചേ​ർ​ന്നാ​ണെന്നാ​ണ് പൊ​ലിസ് നിഗമനം. ശ​നി​യാ​ഴ്ച ക്ഷേ​ത്ര​ത്തി​ൽ വി​വാ​ഹം ഉണ്ടാ യിരു​ന്ന​തി​നാ​ൽ പു​ല​ർ​ച്ചെ 12.15 വ​രെ പ​ന്ത​ൽ ജോ​ലി​ക്കാ​ർ ക്ഷേ​ത്ര​പ​രി​സ​ര​ത്തു​ണ്ടാ​യി​രു​ന്നു. ഇ​വ​ർ പോ​യ​തി​നു​ശേ​ഷ​മാ​കാം മോ​ഷ​ണം ന​ട​ന്ന​തെ​ന്ന് ക്ഷേ​ത്രം ഭാ​ര​വാ​ഹി​ക​ൾ പ​റ​ഞ്ഞു.
ക്ഷേ​ത്ര​പ​രി​സ​ര​ത്തു​നി​ന്ന് ഉ​പേ​ക്ഷി​ച്ച നി​ല​യി​ൽ ഒ​രു ഹെ​ൽ​മ​റ്റ് ക​ണ്ടെ​ത്തി. അ​ടൂ​ർ പൊ​ലി​സും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്ത് പ​രി​ശോ​ധ​ന ന​ട​ത്തി. സ​മീ​പ​പ്ര​ദേ​ശ​ങ്ങ​ളി​ലെ​ സിസി ​ടിവി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് പൊ​ലിസ് അ​ന്വേ​ഷ​ണം ആ​രം​ഭി​ച്ചു.

Tags : Nattuvishesham DistrictNews DeepikaNews Theft