Auot Spot
"ഇ - വണ്ടി'ക്ക് ഇഷ്ടംപോലെ നികുതിയിളവ്
"ഇ - വണ്ടി'ക്ക് ഇഷ്ടംപോലെ നികുതിയിളവ്
Tuesday, July 30, 2019 5:06 PM IST
ന്യൂ​ഡ​ൽ​ഹി: ഇ​ലക്‌ട്രിക് വാ​ഹ​ന​ങ്ങ​ളു​ടെ ജി​എ​സ്ടി നി​ര​ക്ക് 12ൽനി​ന്ന് അ​ഞ്ചു ശ​ത​മാ​ന​മാ​ക്കി കു​റ​ച്ചു. വൈ​ദ്യു​ത വാ​ഹ​ന​ങ്ങ​ൾ ചാ​ർ​ജ് ചെ​യ്യു​ന്ന​തി​നു​ള്ള ചാ​ർ​ജ​റി​ന്‍റെ ഫീ​സി​ന്മേ​ലു​ള്ള ജി​എ​സ്ടി നി​ര​ക്കും അ​ഞ്ചു ശ​ത​മാ​ന​മാ​യി കു​റ​ച്ചി​ട്ടു​ണ്ട്. മു​ന്പ് ചാ​ർ​ജ​റി​ന് 18 ശ​ത​മാ​നം ജി​എ​സ്ടി ആ​യി​രു​ന്നു ചു​മ​ത്തി​യി​രു​ന്ന​ത്. ത​ദ്ദേ​ശ സ്ഥാ​പ​ന​ങ്ങ​ൾ വാ​ട​ക​യ്ക്ക് എ​ടു​ക്കു​ന്ന ഇ​ലക്‌ട്രി​ക് ബ​സു​ക​ളു​ടെ വാ​ട​ക നി​ര​ക്കി​നെ​യും ജി​എ​സ്ടി പ​രി​ധി​യി​ൽനി​ന്ന് ഒ​ഴി​വാ​ക്കി​യി​ട്ടു​ണ്ട്. ഓ​ഗ​സ്റ്റ് ഒ​ന്നു മു​ത​ൽ ഇ​ള​വ് ബാ​ധ​ക​മാ​യി​രി​ക്കു​മെ​ന്ന് ഇ​ന്ന​ലെ ചേ​ർ​ന്ന ജി​എ​സ്ടി കൗ​ണ്‍സി​ൽ അ​റി​യി​ച്ചു.

ഇ​ലക്‌ട്രിക് വാ​ഹ​ന​ങ്ങ​ളെ കൂ​ടു​ത​ൽ പ്രോ​ത്സാ​ഹി​പ്പി​ക്കു​ന്ന​തി​നാ​യാ​ണ് ഇ​വ​യു​ടെ നി​കു​തി നി​ര​ക്ക് കു​ത്ത​നെ കു​റ​ച്ചി​രി​ക്കു​ന്ന​ത്. ജി​എ​സ്ടി കൗ​ണ്‍സി​ലി​ന്‍റെ തീ​രു​മാ​ന​ത്തെ സൊ​സൈ​റ്റി ഓ​ഫ് മാ​നു​ഫാ​ക്ചേ​ഴ്സ് ഓ​ഫ് ഇ​ലക്‌ട്രിക് വെ​ഹി​ക്കി​ൾ​സ് ജി​എ​സ്ടി കൗ​ണ്‍സി​ലി​ന്‍റെ തീ​രു​മാ​ന​ത്തെ സ്വാ​ഗ​തം ചെ​യ്തു.

ഇ​ല​ക്‌ട്രോ​ണി​ക് വാ​ഹ​ന​ങ്ങ​ളെ കൂ​ടു​ത​ൽ പ്രോ​ത്സാ​ഹി​പ്പി​ക്കു​ന്ന​തി​നു​ള്ള ന​ട​പ​ടി​ക​ൾ എ​ടു​ക്കു​മെ​ന്ന് ന​രേ​ന്ദ്ര മോ​ദി സ​ർ​ക്കാ​ർ ര​ണ്ടാ​മ​തും അ​ധി​കാ​ര​ത്തി​ൽ എ​ത്തി​യ ശേ​ഷം ധ​ന​മ​ന്ത്രി നി​ർ​മ​ല സീ​താ​രാ​മ​ൻ അ​വ​ത​രി​പ്പി​ച്ച ബ​ജ​റ്റി​ൽ പ്ര​ഖ്യാ​പി​ച്ചി​രു​ന്നു. ഇ​ലക്‌ട്രി​ക് വാ​ഹ​ന​ങ്ങ​ൾ വാ​ങ്ങു​ന്ന​തി​നാ​യി വാ​യ്പ​ക​ൾ എ​ടു​ക്കു​ന്ന​വ​ർ​ക്ക് 1.5 ല​ക്ഷം വ​രു​മാ​ന നി​കു​തി ഇ​ള​വ് ന​ല്കു​മെ​ന്നും നി​ർ​മ​ല സീ​താ​രാ​മ​ൻ ബ​ജ​റ്റ് നി​ർ​ദേ​ശ​ങ്ങ​ളി​ൽ പ​റ​ഞ്ഞി​രു​ന്നു.

വൈ​ദ്യു​ത വാ​ഹ​ന​ങ്ങ​ളു​ടെ വി​ല്​പ​ന വ​ർ​ധി​പ്പി​ക്കാ​നു​ള്ള ദേ​ശീ​യ ന​യ​ത്തി​ന്‍റെ ഭാ​ഗ​മാ​യി രാ​ജ്യ​ത്തെ പെ​ട്രോ​ൾ, ഡീ​സ​ൽ വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​ൻ ഫീ​സു​ക​ൾ 840 മ​ട​ങ്ങ് വ​രെ വ​ർധി​പ്പി​ക്കാ​നും സ​ർ​ക്കാ​ർ ആ​ലോ​ചി​ക്കു​ന്നു​ണ്ട്. അ​തേ​സ​മ​യം, പ​ഴ​യ വാ​ഹ​ന​ങ്ങ​ൾ പൊ​ളി​ച്ച സ്ക്രാ​പ്പിം​ഗ് സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​ൽ പു​തി​യ വാ​ഹ​ന​ങ്ങ​ൾ​ക്ക് ര​ജി​സ്ട്രേ​ഷ​ൻ ഫീ​സ് ഒ​ഴി​വാ​ക്കാ​നു​ള്ള ശി​പാ​ർ​ശ​യും കേ​ന്ദ്ര ഗ​താ​ഗ​ത മ​ന്ത്രാ​ല​യ​ത്തി​ന് മു​ന്നി​ലു​ണ്ട്.


ഇ​തു​സം​ബ​ന്ധി​ച്ചു കേ​ന്ദ്ര ഗ​താ​ഗ​ത മ​ന്ത്രാ​ല​യം പു​റ​ത്തി​റ​ക്കി​യ ക​ര​ട് വി​ജ്ഞാ​പ​ന​ത്തി​ലെ പ്ര​തി​ക​ര​ണം അ​റി​ഞ്ഞ ശേ​ഷം ര​ണ്ടു മാ​സ​ത്തി​ന​കം അ​ന്തി​മ ഫീ​സ് ഘ​ട​ന രൂ​പ​പ്പെ​ടു​ത്താ​നു​ള്ള ന​ട​പ​ടി​ക​ളാ​ണ് ഇ​പ്പോ​ൾ മു​ന്നോ​ട്ടു നീ​ങ്ങു​ന്ന​ത്. പു​തി​യ പെ​ട്രോ​ൾ, ഡീ​സ​ൽ കാ​റു​ക​ൾ ര​ജി​സ്റ്റ​ർ ചെ​യ്യാ​നു​ള്ള ചാ​ർ​ജ് 5,000 രൂ​പ​യും ര​ജി​സ്ട്രേ​ഷ​ൻ പു​തു​ക്കു​ന്ന​തി​ന് 10,000 രൂ​പ​യും ആ​ക്കാ​നാ​ണ് ശി​പാ​ർ​ശ. ഇ​പ്പോ​ൾ പു​തി​യ ര​ജി​സ്ട്രേ​ഷ​ൻ ന​ട​ത്താ​നും പ​ഴ​യ​തു പു​തു​ക്കാ​നും ഉ​ള്ള ഫീ​സു​ക​ൾ 600 രൂ​പ​യാ​ണ്.
പു​തി​യ ഇ​രു​ച​ക്ര​വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​ൻ ഫീ​സ് 1000 രൂ​പ​യാ​ക്കും. പു​തു​ക്കാ​ൻ 2000 രൂ​പ ന​ല്​കേ​ണ്ടി​വ​രും. നി​ല​വി​ൽ 50 രൂ​പ​യാ​ണ് ഈ ​ര​ണ്ടു ന​ട​പ​ടി​ക​ൾ​ക്കും ഇ​രു​ച​ക്ര വാ​ഹ​ന​ങ്ങ​ൾ​ക്കു​ള്ള ഫീ​സ്്. ഇ​റ​ക്കു​മ​തി ചെ​യ്യു​ന്ന മോ​ട്ടോ​ർ സൈ​ക്കി​ളു​ക​ൾ ര​ജി​സ്റ്റ​ർ ചെ​യ്യാ​നു​ള്ള ഫീ​സ് 2500ൽനി​ന്ന് 20,000 രൂ​പ​യാ​യി ഉ​യ​ർ​ത്താ​നും ശി​പാ​ർ​ശ​യു​ണ്ട്. ടാ​ക്സി ര​ജി​സ്ട്രേ​ഷ​ൻ ഫീ​സ് 10,000 രൂ​പ​യാ​കും. പു​തു​ക്കാ​ൻ ആ​ക​ട്ടെ 20,000 രൂ​പ ഇ​നി ന​ല്ക​ണ​മെ​ന്നാ​ണു ശിപാ​ർ​ശ. നി​ല​വി​ൽ ടാ​ക്സി വാ​ഹ​ന​ങ്ങ​ൾ​ക്ക് 1000 രൂ​പ​യാ​ണ് ര​ജി​സ്ട്രേ​ഷ​ൻ ഫീ​സ്.

പ​തി​ന​ഞ്ചു വ​ർ​ഷ​ത്തി​ലേ​റെ പ​ഴ​ക്ക​മു​ള്ള ട്രാ​ൻ​സ്പോ​ർ​ട്ട് വാ​ഹ​ന​ങ്ങ​ളു​ടെ ഫി​റ്റ്ന​സ് നി​ല​വി​ൽ ഓ​രോ ആ​റു മാ​സ​വും പ​രി​ശോ​ധ​ന​യ്ക്കു വി​ധേ​യ​മാ​ക്കി പു​തു​ക്ക​ണ​മെ​ന്ന വ്യ​വ​സ്ഥ ഏ​റ്റ​വും ക​ർ​ശ​ന​മാ​ക്കും. പ​രി​ശോ​ധ​ന വൈ​കു​ന്ന ഓ​രോ ദി​ന​ത്തി​നും 50 രൂ​പ പ്ര​കാ​രം പി​ഴ ഈ​ടാ​ക്കാ​നാ​ണു നി​ർ​ദ്ദേ​ശം. വാ​ഹ​ന എ​ൻജിനു​ക​ൾ വ​ഴി​യു​ള്ള പ​രി​സ​ര മ​ലീ​നീ​ക​ര​ണം കു​റ​യ്ക്കാ​നു​ള്ള ക​ർ​ശ​ന വ്യ​വ​സ്ഥ​ക​ളും ശി​പാ​ർ​ശ​ക​ളി​ലു​ണ്ട്.

സെ​ബി മാ​ത്യു
Copyright @ 2022 , Rashtra Deepika Ltd.