പ്രതീകാത്മക ചിത്രം
രാവിലെ ഉണർന്ന ഉടൻ ഒരു ബ്ലാക്ക് കോഫി കുടിക്കുന്നത് പലരുടെയും ശീലമാണ്. വണ്ണം കുറയ്ക്കാൻ, ഉന്മേഷം ലഭിക്കാൻ, ജോലിയിൽ ശ്രദ്ധ കൂട്ടാൻ എന്നിങ്ങനെ പല കാരണങ്ങളാൽ ബ്ലാക്ക് കോഫി കുടിക്കുന്നവരുടെ എണ്ണം വർദ്ധിച്ചു വരികയാണ്.ബ്ലാക്ക് കോഫി ശരിക്കും ആരോഗ്യത്തിന് നല്ലതാണോ? അളവ് കൂടിയാൽ എന്ത് സംഭവിക്കും?
ബ്ലാക്ക് കോഫിയുടെ ഗുണങ്ങൾ
1. ഉന്മേഷം നൽകുന്നു
ബ്ലാക്ക് കോഫിയിലെ കഫീൻ തലച്ചോറിനെ ഉണർത്തുകയും, ഉറക്കം മാറ്റി, ശ്രദ്ധയും ഓർമ്മശക്തിയും വർദ്ധിപ്പിക്കാൻ സഹായിക്കുകയും ചെയ്യുന്നു.
2. വണ്ണം കുറയ്ക്കാൻ സഹായിക്കുന്നു
പഞ്ചസാരയും പാലും ചേർക്കാത്തതിനാൽ കലോറി വളരെ കുറവാണ്. മെറ്റബോളിസം വർദ്ധിപ്പിക്കാൻ സഹായിക്കുന്നതിനാൽ വണ്ണം കുറയ്ക്കാൻ ആഗ്രഹിക്കുന്നവർക്ക് ഇത് അനുയോജ്യമാണ്.
3. ആന്റി ഓക്സിഡന്റുകൾ
ശരീരത്തിന് ആവശ്യമായ ആന്റി ഓക്സിഡന്റുകൾ ബ്ലാക്ക് കോഫിയിൽ അടങ്ങിയിട്ടുണ്ട്. ഇത് കോശങ്ങളുടെ നാശം കുറയ്ക്കാൻ സഹായിക്കുന്നു.
ദിവസവും അമിതമായി കുടിച്ചാൽ ഉണ്ടാകുന്ന ആരോഗ്യപ്രശ്നങ്ങൾ
1. അസിഡിറ്റിയും ഗ്യാസും
വെറും വയറ്റിൽ ബ്ലാക്ക് കോഫി കുടിക്കുന്നത് ആമാശയത്തിൽ ആസിഡിന്റെ അളവ് കൂട്ടുന്നു. ഇത് നെഞ്ചെരിച്ചിൽ, ഗ്യാസ്, അൾസർ എന്നിവയ്ക്ക് കാരണമാകാം.
2. ഉറക്കമില്ലായ്മ
വൈകുന്നേരത്തിന് ശേഷം കുടിക്കുന്ന കോഫി ഉറക്കത്തെ ബാധിക്കുന്നു. ശരിയായ ഉറക്കം ലഭിക്കാതെ വരുന്നത് മറ്റ് ആരോഗ്യപ്രശ്നങ്ങൾക്ക് കാരണമാകും.
3. ഹൃദയമിടിപ്പും ടെൻഷനും
അമിതമായ കഫീൻ ഹൃദയമിടിപ്പ് കൂടുന്നതിനും, കൈ വിറയൽ, ടെൻഷൻ, അസ്വസ്ഥത എന്നിവയ്ക്കും കാരണമാകും.
4. എല്ലുകളുടെ ബലക്കുറവ്
ദീർഘകാലം അമിതമായി കുടിക്കുന്നത് ശരീരത്തിൽ നിന്ന് കാൽസ്യം നഷ്ടപ്പെടാൻ കാരണമാകും. ഇത് എല്ലുകളുടെ ബലം കുറയ്ക്കാം
.5. പല്ലിന്റെ ആരോഗ്യം
ബ്ലാക്ക് കോഫിയിലെ അസിഡ് പല്ലിന്റെ ഇനാമലിനെ ബാധിച്ച് പല്ലിന് മഞ്ഞ നിറം വരാനും, പല്ല് കേടുവരാനും കാരണമാകും.
ബ്ലാക്ക് കോഫി എങ്ങനെ കുടിക്കണം?
ദിവസത്തിൽഒന്നോ രണ്ടോ കപ്പ് മാത്രം കുടിക്കുക.വെറും വയറ്റിൽ കുടിക്കാതിരിക്കുക.വൈകുന്നേരം നാല് മണിക്ക് ശേഷം കുടിക്കാതിരിക്കുക.ഒരു കപ്പ് കോഫിക്ക് ശേഷം രണ്ട് ഗ്ലാസ് വെള്ളം കുടിക്കുക.ഗ്യാസ്, അൾസർ പ്രശ്നങ്ങളുള്ളവർ ഡോക്ടറുടെ നിർദ്ദേശപ്രകാരം മാത്രം കുടിക്കുക.
ഓർക്കുക ,ബ്ലാക്ക് കോഫി മോശമല്ല. നമ്മൾ കുടിക്കുന്ന അളവ് ശ്രദ്ധിക്കണം എന്നുമാത്രം.