പ്രതീകാത്മക ചിത്രം
ഒരു കാലത്ത് ആളുകൾ കളിയാക്കി വിളിച്ചിരുന്ന മൃഗമാണ് കഴുത. എന്നാൽ ഇന്ന് ആ കഴുതയുടെ പാലിന് സ്വർണ്ണത്തേക്കാൾ വിലയാണ്! ലിറ്ററിന് 7,000 രൂപ മുതൽ വിലയുള്ള കഴുതപ്പാൽ വാങ്ങാൻ ഇപ്പോൾ ആളുകൾ ക്യൂ നിൽക്കുകയാണ്. പാൽപ്പൊടിയുടെ വില കേട്ടാൽ നിങ്ങൾ ഞെട്ടും - കിലോയ്ക്ക് 80,000 രൂപ വരെ!
എന്തുകൊണ്ടാണ് ആളുകൾ ഇത്രയധികം പണം കൊടുത്ത് ഇത് വാങ്ങുന്നത്?
കാരണം ഒന്നുമാത്രം , കഴുതപാലിന്റെ അത്ഭുത ഗുണങ്ങൾ.
മനുഷ്യന്റെ മുലപാലിനോട് ഏറ്റവും അടുത്ത് നിൽക്കുന്ന പാലാണ് കഴുതപാൽ എന്നാണ് പറയപ്പെടുന്നത്. പശുവിൻ പാലിനേക്കാൾ വളരെ കുറച്ച് കൊഴുപ്പ്, കൂടുതൽ വിറ്റാമിനുകൾ, രോഗപ്രതിരോധശേഷി കൂട്ടുന്ന ഘടകങ്ങൾ... ഇതെല്ലാം കഴുതപാലിനെ വ്യത്യസ്തമാക്കുന്നു.പ്രത്യേകിച്ച് കുട്ടികൾക്കും, ചർമ്മ രോഗങ്ങളുള്ളവർക്കും, പ്രതിരോധശേഷി കുറഞ്ഞവർക്കും കഴുതപാൽ ഏറെ ഗുണം ചെയ്യുമെന്നാണ് വിശ്വാസം.അതുകൊണ്ട് തന്നെ ആയുർവേദത്തിലും, സൗന്ദര്യ സംരക്ഷണത്തിലും, ബേബി ഫുഡുകളിലും വരെ കഴുതപാൽ ഇന്ന് ഉപയോഗിക്കുന്നുണ്ട്.
എന്തുകൊണ്ടാണ് വില ഇത്ര കൂടുന്നത്?
കഴുതപാൽ കിട്ടാൻ വളരെ ബുദ്ധിമുട്ടാണ്. ഒരു കഴുത ഒരു ദിവസം തരുന്നത് വളരെ കുറച്ച് പാൽ മാത്രമാണ്. പശുവിനെപ്പോലെ ലിറ്റർ കണക്കിന് പാൽ കിട്ടില്ല.ആവശ്യം കൂടുന്നു, പക്ഷേ ഉത്പാദനം വളരെ കുറവാണ്. അതുകൊണ്ടാണ് വില കുതിച്ചുയരുന്നത്.ഒരു ലിറ്റർ ഫ്രഷ് കഴുതപ്പാലിന് 7,000 രൂപ മുതലാണ് വില. ഉണക്കി പൊടിയാക്കിയാൽ കിലോയ്ക്ക് 80,000 രൂപ വരെ എത്തും.
വിദേശ രാജ്യങ്ങളിൽ ഇതിലും കൂടുതൽ വിലയുണ്ട്.
കഴുത ഫാമുകൾക്ക് ഇപ്പോൾ സ്വർണ്ണകാലം
ഇതോടെ കേരളത്തിലും, തമിഴ്നാട്ടിലും, കർണാടകയിലും കഴുത ഫാമുകൾ പെരുകുകയാണ്. ഒരു കാലത്ത് ഉപേക്ഷിക്കപ്പെട്ട കഴുതകളെ ഇന്ന് ആളുകൾ ലക്ഷങ്ങൾ കൊടുത്ത് വാങ്ങുന്നു.കഴുതപാൽ മാത്രമല്ല, കഴുതപാൽ കൊണ്ടുള്ള സോപ്പ്, ക്രീം, ലോഷൻ എന്നിവയ്ക്കും വലിയ ഡിമാൻഡാണ്. ഒരു കഴുതപാൽ സോപ്പിന് തന്നെ 500 രൂപ മുതൽ 1500 രൂപ വരെ വിലയുണ്ട്.
ഇത്ര വില കൊടുത്ത് വാങ്ങാൻ മാത്രം കഴുതപാലിൽ ഗുണമുണ്ടോ എന്ന് പലരും ചോദിക്കുന്നുണ്ട്. വിദഗ്ധർ പറയുന്നത്, കഴുതപാലിൽ ഗുണങ്ങൾ ഉണ്ടെങ്കിലും, അമിതമായി ഉപയോഗിക്കുന്നത് ശരിയല്ല എന്നാണ്. ഡോക്ടറുടെ നിർദ്ദേശമില്ലാതെ കുട്ടികൾക്ക് കൊടുക്കരുതെന്നും മുന്നറിയിപ്പുണ്ട്.ഒരു കാലത്ത് ആളുകൾ "കഴുത" എന്ന് പറഞ്ഞ് കളിയാക്കുമായിരുന്നു. ഇന്ന് അതേ കഴുതയുടെ പാലിന് സ്വർണ്ണവിലയാണ്. കാലം മാറുന്നത് ഇങ്ങനെയാണ്!