12

ചെർക്കള: കാറിൽ കടത്തുകയായിരുന്ന എംഡിഎംഎയുമായി യുവതിയും യുവാവും അറസ്റ്റിൽ. ചട്ടഞ്ചാൽ, എയ്യളയിലെ മുഹമ്മദ് ഫൈസൽ (34), പൊയിനാച്ചിയിലെ ക്വാർട്ടേഴ്സിൽ താമസക്കുന്ന തസ്‌ലിം ഫർസാന (24) എന്നിവരെയാണ് വിദ്യാനഗർ പൊലിസ് പിടികൂടിയത്.

ഓപ്പറേഷൻ തൂഫാന്‍റെ ഭാഗമായി ചെർക്കളയിൽ വാഹനപരിശോധന നടത്തുകയായിരുന്ന പൊലിസ് സംഘമാണ് ഇരുവരെയും പിടിച്ചത്. കാസർകോട് ഭാഗത്തുനിന്ന്‌ ചട്ടഞ്ചാൽ ഭാഗത്തേക്ക് പോവുകയായിരുന്ന കാർ ചെർക്കള മേൽപ്പാലത്തിലെത്തിയപ്പോൾ പൊലിസ് വാഹനം കണ്ടതോടെ തിരിച്ച് അമിതവേഗത്തിൽ കാസർഗോഡ് ഭാഗത്തേക്ക് പോവുകയായിരുന്നു.

സംശയംതോന്നിയ പൊലിസ് സംഘം കാറിനെ പിന്തുടർന്ന് പിടികൂടുകയായിരുന്നു. ദേഹപരിശോധനയിൽ യുവാവിന്‍റെ പാന്‍റിന്‍റെ പോക്കറ്റിൽനിന്നും ഒരുഗ്രാം എംഡിഎംഎ കണ്ടെടുക്കുകയായിരുന്നുവെന്ന് വിദ്യാനഗർ പൊലിസ് രജിസ്റ്റർ ചെയ്ത കേസിൽ പറയുന്നു.

Tags : MDMA Smuggled Car Arrested Deepika DeepikaNewspaper BreakingNews NewsUpdate